Շերեմետևո

Մոսկվայից Սամարա ուղևորվող Sukhoi Superjet–ը վերադարձել է «Շերեմետևո»

89
«Աերոֆլոտ» ավիաընկերության Sukhoi Superjet ինքնաթիռը, որը պետք է իրականացներ Մոսկվա–Սամարա չվերթը (SU 1206), վերադարձել է «Շերեմետևո» օդանավակայան։

ԵՐԵՎԱՆ, 13 մայիսի — Sputnik. Մոսկվայից Սամարա մեկնած Superjet 100 ինքնաթիռը վերադարձել է «Շերեմետևո» օդանավակայան։ Այս մասին են վկայում Flightradar ծառայության տվյալները։

Կայքում հրապարակված տեղեկության համաձայն` SSJ-100–ը մեկնել է ժամը 01:59–ին, սակայն կես ժամ չանցած` շրջադարձ է կատարել Վլադիմիրի մարզի Նովո Պետրովո բնակավայրի շրջանում ու վերադարձել։

Կինը չի լսել անձնակազմին և իրեն ու որդուն փրկել է այրվող ինքնաթիռից

Նշենք, որ «Աերոֆլոտ» ընկերությունը Sukhoi Superjet 100 (SSJ 100) ինքնաթիռի դժբախտ պատահարից հետո մեկ շաբաթվա ընթացքում այդ տիպի ինքնաթիռների տասնյակ չվերթեր է չեղարկել։

Հիշեցնենք, որ մայիսի 5–ին ինքնաթիռ էր կործանվել Մոսկվայի «Շերեմետևո» օդանավակայանում։ Այրվող SSJ-100 ինքնաթիռի անձնակազմը ստիպված էր եղել թռիչքից 28 րոպե անց արտակարգ վայրէջք կատարել օդանավակայանում։ Ինքնաթիռում եղել էին 73 ուղևոր ու անձնակազմի 5 անդամ։ Վերջին տվյալների համաձայն` նրանցից 41–ը հրդեհի զոհ են դարձել։ Փրկվել են ուղևորներից 33–ը և անձնակազմի 4 անդամները։

89
Ըստ թեմայի
«Աստված իմ, օգնիր». ի՞նչ էր կատարվում Շերեմետևոյում հրդեհված ինքնաթիռի ներսում. տեսանյութ
Ալբերտ Եփրեմյանի միջադեպից հետո «Շերեմետևոն» չի խստացնելու անվտանգության կանոնները
«Շերեմետևոյում» ոսկեղենի մաքսանենգության համար ձերբակալել են ՀՀ քաղաքացու