Սերգեյ Դորենկո

Ոստիկանությունը չի տալիս Դորենկոյի դին. փորձաքննությունների կարիք կա

231
Տրոեկուրովսկոյեի գերեզմանատանը Սերգեյ Դորենկոյին հրաժեշտ տալու արարողությունը չեղարկվել է, ոստիկանությունն արգելել է հանձնել դին լրագրողի այրիին։

ԵՐԵՎԱՆ, 12 մայիսի — Sputnik. Օրերս մահացած լրագրող Սերգեյ Դորենկոն վերջին երեք տարիների ընթացքում մի քանի անգամ սրտի հետազոտություն է անցել։ Այս մասին «Գովորիտ Մոսկվա» ռադիոկայանի եթերում ասել է նրա այրին՝ Յուլյան։

Դորենկոն մահացել է Մոսկվայում մայիսի 2–ին մոտոցիկլետով երթևեկելիս։ Ավելի ուշ ռադիոկայանը, հղում անելով դատաբժշկական փորձաքննության եզրահանգմանը, հայտնել է, որ նա մահացել է սրտի աորտայի շերտազատումից։

Այրիի խոսքով՝ նրա մոտ դեռ 2016 թվականին աորտայի հետ կապված հիվանդություն են հայտնաբերել։ Վիրահատության կարիք չկար, այդ պատճառով հետագա տարիներին նա պարզապես հիվանդությունը վերահսկելու համար ուլտրաձայնային հետազոտություն էր անցնում։

Սերգեյ Դորենկոն գիտեր սրտի հետ կապված խնդիրների մասին, մշտապես ճնշումն իջեցնող դեղեր էր ընդունում։ Բժշկական բոլոր փաստաթղթերն արդեն փոխանցվել են ոստիկանություն։

Մինչդեռ «Գովորիտ Մոսկվա» ռադիոկայանի գլխավոր տնօրեն Վլադիմիր Մամոնտովը ՌԻԱ Նոսվոտսինն տված հարցազրույցում ասել է, որ ամենայն հավանականությամբ Սերգեյ Դորենկոն գիտեր գերճնշման մասին, որը հավանաբար նրա մահվան պատճառն է եղել։

«Նա, իհարկե, գիտեր։ Գիտեր, որ իր ճնշումը բարձրանում է, դա հաստատ է։ Նման ճնշման դեպքում ստուգում են սիրտը, անոթները... Իսկ մահվան պատճառն անևրիզմն է», - նշել է  Մամոնտովը։

Նա ասել է նաև, որ չնայած հուղարկավորության օրը փոխվել է, բազում մարդիկ գնացել են գերեզմանատուն ու հավաքվել ռադիոկայանի խմբագրության  մոտ։

Յուլյանն էլ հավելել է, որ ամուսինն առաջին ամուսնությունից ծնված դուստրերի հետ բարդ հարաբերությունների մեջ էր։ Նա մի քանի տարի չէր շփվել Եկատերինայի հետ, Քսենյայի հետ տարին մի երկու անգամ հեռախոսով էր խոսում։ Նրանք չէին կարող իմանալ հոր առողջական վիճակի մասին։ Իսկ այրին նշել է, որ Սերգեյը դեմ էր, որ իրեն հուղարկավորեն, նա ուզում էր դիակիզվեր։

Ավելի վաղ հայտնի էր դարձել, որ Սերգեյ Դորենկոյի հուղարկավորությունն այսօր չի կայանա։ Ոստիկանությունն արգելել է մարմինը հանձնել լրագրողի այրիին։ Որոշում է  կայացվել կրկնակի փորձաքննություն անցկացնել, քանի որ Դորենկոյի դուստրերը ոստիկանությանը հայտնել են, որ հնարավոր է՝ իրենց հորը թունավորել են։

Մահվան հաջորդ օրը բարեկամների միջև վիճաբանություն էր ծագել։ Դորենկոյի երեխաները պնդում են, որ նրան հուղարկավորեն, իսկ կինը կողմ է դիակիզմանը։ Լրագրողի դուստրերի կարծիքով, նրան թունավորել են, իսկ դիակիզումը կարող է թաքցնել սպանության հետքերը։

231
թեգերը:
Ռուսաստան
Авиашоу и выставка военной техники в аэропорту Эребуни (28 июня 2019). Еревaн

Շարժիչների հռնդյուն՝ Երևանի երկնքում․ ռուս փորձագետը պարզաբանել է ավիացիայի ակտիվությունը

589
(Թարմացված է 23:18 05.12.2020)
Ալեքսանդր Խրոլենկոյի կարծիքով՝ Արցախում հաստատված խաղաղությունը կարող է բոլորի սրտով չլինել։ Ոմանց համար ռուս խաղաղապահները սպառնալիք են։

ԵՐԵՎԱՆ, 4 դեկտեմբերի — Sputnik. Խաղաղությունն Արցախում բոլորին չէ, որ կարող է դուր գալ, միշտ կլինեն տարատեսակ սադրանք կազմակերպել ցանկացողներ, հենց այդ պատճառով ռուսական ավիացիան պետք է պատրաստ լինել նման սցենարները կանխելուն։ Sputnik Արմենիայի հետ զրույցում կարծիք հայտնեց ռուս ռազմական փորձագետ Ալեքսանդր Խրոլենկոն՝ մեկնաբանելով այս օրերին Երևանի և ընդհանուր առմամբ Հայաստանի երկնքում ռուսական ավիացիայի ակտիվությունը։

Այդ ակտիվությունը նույնիսկ անզեն աչքով է երևում։ Օրական մի քանի անգամ Հայաստան ժամանող ռազմատրանսպորտային ինքնաթիռներից բացի պարբերաբար կարելի է լսել «Էրեբունի» ռուսական ավիաբազայի ՄիԳ-29 կործանիչների ձայնը։

«Դա կապված է բացառապես Ղարաբաղում խաղաղապահական գործողությունների հետ։ Տեղափոխվում են ստորաբաժանումներ, տեխնիկական միջոցներ, անհրաժեշտ շինանյութեր ու կոնստրուկցիաներ։ Այժմ մենք առաջին, բայց միաժամանակ ամենակարևոր ու ամենաբարդ փուլում ենք, որը լարված աշխատանք է պահանջում։ Իսկ լոգիստիկան ապահովում են այդ թվում նաև մարտական ինքնաթիռներն ու ուղղաթիռները», - նշեց Խրոլենկոն։

Նա կարծում է, որ հակամարտության յուրաքանչյուր գոտի յուրովի վտանգավոր է, միշտ վտանգ կա ավտոտրանսպորտային միջոցների, ռազմական շարասյունների, բեռների համար։

Արցախում ռուս խաղաղապահները շուրջ 1000 պայթյունավտանգ զինամթերք են վնասազերծել

«Չմոռանանք, որ բաժանման գծի այն կողմում ոչ միայն ադրբեջանական, այլև թուրքական զորքերն են։ Հայտնի է, որ Թուրքիայի խորհրդարանը թույլտվություն է ստորագրել՝ թուրքական զորքը Ադրբեջան մտցնելու մասին։ Հայտնի է նաև, որ թուրքական սակրավորներն աշխատում են Լեռնային Ղարաբաղում, բաժանման գծի այն կողմում», - հիշեցրեց Խրոլենկոն։

Նման իրավիճակը առիթ է տալիս մտածելու, որ հնարավոր է՝ տարբեր սադրանքներ լինեն։ Փորձագետի կարծիքով՝ Ղարաբաղում հաստատվող խաղաղությունը բոլորին չէ, որ դուր է գալիս։ Այն դեռ բավականին փխրուն է։ Տարատեսակ դիվերսիաներից խուսափելու համար մարտական ավիացիան մեծ ակտիվությամբ է աշխատում։ Հետագայում, երբ մարդիկ ու հաստիքային տեխնիկան հիմնականում տեղափոխված լինեն տեղակայման մշտական վայրեր, լոգիստիկ բեռնվածությունը կնվազի, ու Հայաստանի երկնքում կսկսեն ավելի քիչ կործանիչներ ու ուղղաթիռներ թռչել։

Խրոլենկոն կարծում է, որ հակամարտության յուրաքանչյուր կողմ յուրովի է ընկալում խաղաղապահներին։ Ոմանք ընկալում են նրանց որպես պաշտպանների, իսկ ոմանք՝ որպես սպառնալիք ու խոչընդոտ։ Անկասկած ռուսական զորքը խոչընդոտ է թուրքականի համար։ Հավանաբար, նրանք ընկալում են ռուս զինվորականներին որպես իրենցից հաղթանակը խլած մարդկանց։

«Ռեջեփ Էրդողանի մասնակցությունը դեկտեմբերի 8-ին Բաքվում կայանալիք շքերթին շատ բանի մասին է վկայում։ Թուրքիան տարածաշրջանում հեռուն գնացող ծրագրեր ունի», - ավելացրեց ռազմական փորձագետը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

589
թեգերը:
ինքնաթիռ, խաղաղապահ, ռուս, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
ՀԱՊԿ երկրների ԱԳ և ՊՆ ղեկավարները կքննարկեն խաղաղապահներին մասին փաստաթուղթը․ Զաս
Ստեփանակերտի օդանավակայան

Ինքնաթիռները Ռուսաստանից կարող են Արցախ թռչել արդեն դեկտեմբերին

552
(Թարմացված է 19:48 04.12.2020)
Օդանավակայանը սպասարկելու է նաև մարդատար չվերթեր ոչ միայն Մոսկվայից, այլև ՌԴ այլ շրջաններից։

ԵՐԵՎԱՆ, 4 դեկտեմբերի – Sputnik. Արցախի ու Ռուսաստանի իշխանությունները քննարկում են օդային հաղորդակցության հարցը։ Առաջին ինքնաթիռները Ռուսաստանից կարող են վայրէջք կատարել Ստեփանակերտի օդանավակայանում արդեն դեկտեմբերին։ Տեղեկությունը հայտնում է ՌԻԱ Նովոստին՝ հղում անելով Արցախի վարչակազմում ունեցած իր աղբյուրներին։

«Երկու կողմն էլ՝ մեր ու ռուսականը, ջանքեր են գործադրում, որ դա տեղի ունենա», -  ասել է գործակալության զրուցակիցը՝ պատասխանելով մինչ տարեվերջ Ստեփանակերտի օդանավակայանի աշխատանքի վերականգման մասին հարցին։

Նա ավելացրել է, որ օդանավակայանը սպասարկելու է նաև մարդատար չվերթեր ոչ միայն Մոսկվայից, այլև ՌԴ այլ շրջաններից։

Մեկ այլ աղբյուր հաստատել է այդ ծրագրերի հավաստիությունը։ Նրա խոսքով՝ «հավանաբար մինչ այս ամսվա մեջ մենք կտեսնենք՝ ինչպես են ռուսական առաջին ինքնաթիռները վայրէջք կատարում Լեռնային Ղարաբաղում»։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Ինչ տվեց Արցախի վերաբերյալ եռակողմ հայտարարությունը․ քարտեզ

 

552
թեգերը:
օդանավակայան, Ռուսաստան, Արցախ
Շուշիի Ղազանչեցոց եկեղեցին ադրբեջանական հրթիռակոծությունից հետո

ՅՈՒՆԵՍԿՕ-ն կօգնի՞ փրկել Ադրբեջանի վերահսկողության տակ գտնվող հայկական հուշարձանները

88
(Թարմացված է 23:33 05.12.2020)
Արցախի մշակութային և կրոնական ժառանգության հուշարձաններին շարունակում է ոչնչացման վտանգ սպառնալ, հատկապես նրանց, որոնք մնացել են Ադրբեջանի վերահսկողության տակ գտնվող տարածքներում։

ԵՐԵՎԱՆ, 5 դեկտեմբերի – Sputnik. Արցախի մշակութային և կրոնական ժառանգությունը ոչնչացումից և պղծումից կարելի է փրկել միմիայն հատուկ ստեղծված խմբի կողմից մշտական վերահսկողության և մոնիթորինգի դեպքում։ Այդպիսի համոզմունք է հայտնել կրթության, գիտության, մշակույթի և սպորտի փոխնախարար Նարինե Խաչատուրյանը։

Sputnik Արմենիայի թղթակցի հետ զրույցում Խաչատուրյանն ընդգծեց, որ մոնիթորինգի խմբում կարող են լինել ինչպես միջազգային կազմակերպությունների, մասնավորապես՝ ՅՈՒՆԵՍԿՕ-ի ներկայացուցիչներ, այնպես էլ ռուս խաղաղապահներ և Արցախի իշխանությունների ներկայացուցիչներ։ Այդ համատեքստում Խաչատուրյանը դրական է գնահատել ՅՈւՆԵՍԿՕ-ի պատվիրակության սպասվող այցն Արցախ։

Ավելի վաղ ՅՈւՆԵՍԿՕ-ի գլխավոր տնօրեն Օդրե Ազուլեն Ռուսաստանի արտգործնախարար Սերգեյ Լավրովի հետ հեռախոսազրույցի ընթացքում հայտարարել էր Արցախ առաքելություն ուղարկելու մտադրության մասին։ Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան իր հերթին նշել էր, որ Մոսկվան աջակցում է այդ որոշմանը:

«Առաքելության թվում կլինեն Ռուսաստանի, Ֆրանսիայի, ԱՄՆ-ի և «Կապույտ վահան» միջազգային կազմակերպության չորս ներկայացուցիչ։ Նրանց այցը նախատեսվում է 2020թ․-ի դեկտեմբերին – 2021թ․-ի հունվարին»,-ասաց Խաչատուրյանը։

Депутат НС от фракции Мой шаг Нарине Хачатурян на церемонии гашения марки к 150-летию Ованеса Туманяна (18 февраля 2019). Еревaн
© Sputnik / Aram Nersesyan
Նարինե Խաչատուրյան

Փոխնախարարի խոսքով՝ առաքելությունը վատ ժամանակ է գալիս, ձմռանը վայրեր կան, որոնք փաստացի անհասանելի են։ Առայժմ անհայտ է նաև՝ արդյոք Հայաստանի կամ Արցախի ներկայացուցիչներն ուղեկցելու են նրանց, թե ոչ։ Նա նշեց, որ նախարարությունը կազմել է մշակութային և կրոնական ժառանգության այն հուշարձանների ցուցակը, որոնց առաջին հերթին է վտանգ սպառնում։

Դրանք հիմնականում այն հուշարձաններն են, որոնք մնացել Ադրբեջանի ենթակայությանն անցած տարածքներում։ ՅՈւՆԵՍԿՕ-ն պետք է փոխանցի այդ ցուցակը Հայաստանի արտաքին գործերի նախարարությանը։

Ի՞նչ է առաջարկում ՌԴ–ն Ղարաբաղում մշակութային արժեքների պահպանման համար

Փոխնախարարն անհանգիստ է այն հուշարձանների համար, որոնք մնացել են Ադրբեջանի վերահսկողությանն անցած տարածքներում։ Այդ համատեքստում նա օրինակ բերեց Մարտակերտի շրջանի Թալիշ գյուղում վերջերս կատարված վանդալիզմը։ Խաչատուրյանն ընդգծեց, որ հայտնի չէ Հադրութի և Շուշիի թանգարանների ցուցանմուշների ճակատագիրը։

«Այս փուլում կարևոր է, որ առաքելությունը արձանագրի, թե ինչ վիճակում են հիմա հուշարձանները։ Ընդ որում՝ որոշ ժամանակ անց պետք է կրկնակի մոնիթորիգ անցկացնել»,-ասաց Խաչատուրյանը։

Նա ընդգծեց, որ միայն պատմամշակութային ժառանգության հուշարձաններին պարբերական այցելությունն ու դրանց վիճակի ստուգումը թույլ կտա խուսափել դրանց ոչնչացումից: Խաչատուրյանը կարծում է, որ հայկական մասունքների անվտանգության պահպանման կանոնավոր մոնիթորինգն առավել հեշտ կլինի իրականացնել տեղում գտնվողների համար։

Դա կարող է լինել հատուկ աշխատանքային խումբ՝ բաղկացած  ռուս խաղաղապահներից, տեղական իշխանությունների ներկայացուցիչներից։ Նա միջազգային կառույցներին կոչ է արել ավելի ակտիվ և ուշադիր լինել այդ հարցի նկատմամբ։

Արցախում  պատմամշակութային ժառանգության ավելի քան երեք հազար հուշարձան կա (ամրոցներ, վանքեր, խաչքարեր, տապանաքարեր)։ Դրանք բոլորը վաղուց արդեն գույքագրվել են և անձնագրեր ունեն։

88
թեգերը:
Կրթության, գիտության, մշակույթի և սպորտի նախարարություն (ԿԳՄՍ), ՅՈՒՆԵՍԿՕ, Հուշարձան, Արցախ
Ըստ թեմայի
Ղազանչեցոցը հրթիռակոծելը մշակութային զտման հերթական փորձն է. Տիգրան Համասյանի կոչը
Մշակութային զենքը՝ պատերազմի դեմ․ Երևանում, ի հեճուկս ամեն ինչի, մեկնարկեց «Ոսկե ծիրանը»
Ռուսաստանի մշակութային գործիչները դիմել են ՅՈւՆԵՍԿՕ-ին՝ Արցախի հուշարձանների խնդրով