ՀՀ արտգործնախարար. հպարտության զգացումը ինձ փոխանցվել է պատերազմին մասնակցած պապիցս
ԵՐԵՎԱՆ, 8 մայիսի — Sputnik. Հպարտության զգացումը պատերազմին մասնակցած մարդկանց ընտանիքներում փոխանցվում է սերնդեսերունդ։ Այս մասին այսօր Հայաստանում Ռուսաստանի դեսպանատանը կազմակերպած ընդունելության ժամանակ հայտարարեց ՀՀ արտգործնախարար Զոհրաբ Մնացականյանը։
«Մենք խոնարհվում ենք ֆաշիզմից և նացիզմից աշխարհն ազատագրելու գործում որոշիչ ներդրում ունեցած և միլիոնավոր մարդկանց ազատություն շնորհած մեր պապերի, մեր հայրերի հիշատակի առաջ։ Այս հաղթանակը նախկին Խորհրդային Միության և հակահիտլերյան կոալիցիայի երկրների բոլոր ժողովուրդների ձեռքբերումն է», – հայտարարեց նախարարը։
Այս հաղթանակը հնարավոր է դարձել մարտի դաշտում կերտած անմահ սխրանքի և թիկունքում իրականացված անձնազոհ աշխատանքի շնորհիվ։ Մայիսի 9-ը ընդհանուր մարտերի և ընդհանուր աշխատանքի հիշատակի օր է։ Հենց համախմբվածությունն օգնեց հաղթել ֆաշիզմին։ Սերնդեսերունդ փոխանցվում և պահպանվում է ընկած հերոսների հիշատակը, փոխանցվում հերոսական պայքարի մասնակիցների անձնական հիշողություններն ու վերապրումները։ «Միավորման և փոխօգնության անգին փորձը պարտադրում է շարունակել համընդհանուր ջանքերը՝ հանուն խաղաղության և մեր ժողովուրդների անվտանգության»,- ավելացրեց նախարարը։
©
Photo : official site of Bryansk municipality
«Եվս մեկ անգամ ուզում եմ շնորհավորել Մեծ հաղթանակի առթիվ մեզ բոլորիս, բոլոր վետերաններին, ձեր ընտանիքներին և մերձավորներին, մաղթել քաջառողջություն և ամենայն բարին, շնորհակալ ենք ձեզ շատ։ Չեք պատկերացնում, որքան ուժեղ էներգիա է ձեզնից փոխանցվում մեզ` հաջորդ սերնդին», – հայտարարեց Մնացականյանը։
Այս պատմությունը նաև իր ընտանիքի և պատերազմ անցած իր պապի պատմությունն է։ Նման ոգու ուժով է համակված եղել նաև Մնացականյանի հայրը և այդ զգացողությունը փոխանցել որդուն, այնուհետև նաև թոռներին։
«Հաղթանակի այդ զգացողությունը փոխանցվում է սերնդեսերունդ, այն իսկապես համախմբում է մեզ։ Այն մեզ վստահության ոգի է ներշնչում նրանում, որ Հայրենիքի պաշտպանությունը մեծ պատիվ ու սխրանք է։ Շնորհակալություն ձեզ ևս մեկ անգամ, շնորհավորում եմ Հաղթանակի օրվա կապակցությամբ», – հայտարարեց նախարարը։
Հիշեցնենք՝ Հայաստանում մայիսի 9-ին նշվում է եռատոնը. Մեծ հայրենականի հաղթանակը, Շուշի հայկական հին բերդաքաղաքի ազատագրումը՝ 1992 թվականին և Պաշտպանության բանակի ձևավորման օրը:
թեգերը:
Փաշինյանն ուղերձ է հղել Ռուսաստանի վարչապետին
(Թարմացված է 13:19 03.03.2021)
ՀՀ վարչապետն իր շնորհավորական ուղերձում անդրադարձել է նաև Հայաստանի և Ռուսաստանի հարաբերություններին։ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանը Ռուսաստանի Դաշնության կառավարության նախագահ Միխայիլ Միշուստինին շնորհավորական ուղերձ է հղել ծննդյան օրվա առթիվ: Տեղեկությունը հայտնում է վարչապետի մամուլի ծառայությունը։
©
Sputnik / Наталья Селиверстова
«Հարգելի Միխայիլ Վլադիմիրի, ընդունեք սրտանց շնորհավորանքներս Ձեր ծննդյան օրվա առիթով, մաղթում եմ հաջողություններ Ռուսաստանի Դաշնության կառավարության ղեկավարի պաշտոնում: Այսօր կցանկանայի առանձնահատուկ ընդգծել Ձեր անձնական ներդրումը հայ-ռուսական դաշնակցային հարաբերությունների զարգացման գործում, որոնց ամրապնդումը լիովին համապատասխանում է մեր երկրների եղբայրական ժողովուրդների հիմնարար շահերին: Վստահ եմ, որ ամուր բարեկամությունը, փոխըմբռնումը և վստահությունը հետայսու ևս կնպաստեն Հայաստանի և Ռուսաստանի միջպետական հարաբերությունների ողջ համալիրի հարստացմանը՝ նոր փոխշահավետ ծրագրերով»,– գրել է Փաշինյանը։
ՀՀ վարչապետը Միշուստինին մաղթել է քաջառողջություն, հաջողություն և բարեկեցություն:
Նշենք, որ այսօր լրանում է ՌԴ վարչապետի 55-ամյակը։
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։