Աղբանոց

Մոսկովյան աղբանոց–բնակարանում 4 երեխայի են հայտնաբերել. տեսանյութ

105
Ընտանիքն ապրել է հակասանիտարական պայմաններում, երեխաները նույնիսկ փաստաթղթեր չեն ունեցել։ Նրանց կերակրել են աղբանոցից բերված ուտելիքով։

ԵՐԵՎԱՆ, 9 ապրիլի — Sputnik. Մոսկվայի մարզի խնամակալության մարմինները Միտիշչիում գտնվող բնակարանից տարել են չորս երեխայի` երեք տղայի ու մեկ աղջկա։ Այս մասին նշված է Մոսկվայի մարզի երեխաների իրավունքների պաշտպան Քսենյա Միշոնովայի կայքում։

«Ոստիկանությունը երեխաների մասին իմացել էր դեռ մարտի 13–ին` անհանգստացած հարևանների ահազանգից։ Հարևանները վաղուց չէին տեսել երեխաներին։ Ոստիկանները բնակարանում 2–ից 8 տարեկան չորս երեխայի էին հայտնաբերել։ Միայն ավագ աղջիկը ծննդյան վկայական ուներ», – նշվում է հայտարարության մեջ։

Մարդու իրավունքների պաշտպանի խոսքով` բնակարանը պիտանի չի եղել երեխաների կեցության համար, լցված է եղել հին ու նոր իրերով, երեխաներն անկողին չեն ունեցել, պոլիկլինիկայում հաշվառված չեն եղել, ապահովագրություն չեն ունեցել, դպրոց ու մանկապարտեզ չեն հաճախել։

360 պարբերականը գրում է, որ երբ ոստիկանությունը եկել է այդ տուն, այնտեղ եղել է տատը, որը, երեխաների խոսքով, լապտերով ուտելիք է գտել աղբանոցում ու բերել երեխաներին։

Խնամակալության մարմինները կարողացել են երեխաներին համար անհրաժեշտ փաստաթղթեր ձևակերպել` նրանց հիվանդանոց տեղափոխելու համար։ Բացի այդ, բժշկական հետազոտության արդյունքում մասնագետները պարզել են, որ երեխաների հետ պետք է աշխատեն դեֆեկտոլոգն ու լոգոպեդը։

Մոսկվայի մարզի ոստիկանները քրեական գործ են հարուցել մոր նկատմամբ։ Եթե կինն ապացուցի, որ կարող է փոխել իր կենսակերպը, պահել ու դաստիարակել երեխաներին, ապա հնարավոր է` երեխաներին վերադարձնեն մորը։

Նշենք, որ սա «մաուգլի» երեխաների հայտնաբերման առաջին դեպքը չէ։ Ավելի վաղ հաջողվել էր նմանատիպ երեխայի փրկել Մոսկվայի Լենինգրադյան փողոցում գտնվող բնակարաններից մեկում։ Մեկ այլ երեխայի էլ մահացած էին գտել մի քանի օր անց։

105
թեգերը:
Ռուսաստան
Ըստ թեմայի
Գևորգին դատում են Ուրալում. ազգականին հարվածել է աղյուսով, բայց երեխաներին փրկել է կրակից
Արարատում տղամարդը փրկել է կնոջն ու երեխաներին թունավորումից
Հարս են բերում գյուղ, որ երեխաները գոնե ուսուցիչ ունենան. մարզերում ուսուցչի սով է
111 տղա` 100 աղջկա դիմաց. ծնողները շարունակում են նախապատվությունը տալ տղա երեխաներին