Դանակ

Սպանություն Մոսկվայում. անհայտ անձը սպանել է Կարինա Վարդանովային

319
(Թարմացված է 14:49 03.04.2019)
Մոսկվայի քննչական մարմինները քրեական գործ են հարուցել կնոջ սպանության առիթով։

ԵՐԵՎԱՆ, 3 ապրիլի — Sputnik. 57-ամյա Կարինա Վարդանովայի մարմինը դանակի բազմաթիվ վնասվածքներով հայտնաբերվել է Մոսկվայի Կուտուզովսկի պողոտայում գտնվող տներից մեկի շքամուտքի մոտ։ Այս մասին գրված է ՌԴ ՔԿ Մոսկվայի գլխավոր քննչական վարչության կայքում։

Նշվում է, որ քննչական մարմինը քրեական գործ է հարուցել ՌԴ ՔՕ 105-րդ հոդվածի 1-ին մասի (սպանություն) հատկանիշներով։

ԶԼՄ–ներում տեղեկություն էր տարածվել, որ կինը «Детский паллиатив» բարեգործական հիմնադրամի տնօրեն Կարինա Վարդանովան է։

Միևնույն ժամանակ, ինչպես փոխանցում է ՌԻԱ Նովոստին, գործակալության իրավապահ մարմինների աղբյուրը հերքել է այս լուրը` նշելով, որ խոսքը նրա անվանակցի մասին է։

«Սպանվածը 57-ամյա Վարդանովա Կարինա Էդուարդովնան է։ Նրա աշխատավայրը, աշխատանքի բնույթն ու գործունեության տեսակն այժմ պարզվում են», – ասել է գործակալության զրուցակիցը։

Համալիր քննչական գործողություններ և օպերատիվ–հետախուզական միջոցառումներ են իրականացվում` կատարված հանցագործության բոլոր հանգամանքները և այդ հանցագործությանը մասնակից անձանց պարզելու ուղղությամբ։ Քրեական գործի հետաքննությունը շարունակվում է։

 

319
թեգերը:
Սպանություն, Ռուսաստան
թեմա:
Վթար, պատահար, սպանություն, գողություն (1038)
Ըստ թեմայի
Սպանություն Երևանում. 50 տարեկան տղամարդուն սպանել է հարևանը
Դաժան սպանություն Տավուշում. մուրճով խփել է տղամարդու գլխին. կասկածյալը բերման է ենթարկվել
Սպանություն Կոտայքի մարզում. կա կասկածյալ