ԵՐԵՎԱՆ, 20 մարտի — Sputnik. Հայաստանի 11–ամյա քաղաքացու դին հայտնաբերվել է Ռուսաստանի մայրաքաղաքի Յուժնոյե Նեդվեդկո շրջանում։ Այս մասին «Մոսկվա» քաղաքային նորությունների գործակալությանը հայտնել է իրավապահ մարմինների աղբյուրը։
Sputnik Արմենիայի հետ զրույցում Ռուսաստանում Հայաստանի դեսպանատնից ասացին, որ պարզում են երեխայի քաղաքացիությունն ու դեպքի հանգամանքները։
Երեխան մանկական ուղեղային կաթված (ՄՈւԿ) ուներ ու ոչ մի տեղ չէր սովորում։ Նրան հայտնաբերել են Մոլոդցովի փողոցի բնակարաններից մեկում. մարմնի վրա բռնության հետքեր չեն եղել։
«Երեխայի գործազուրկ մայրը պարզաբանել է, որ որդին ծնված օրվանից ՄՈւԿ ուներ։ Տղան ոչ մի տեղ չէր սովորում, ռուսական հոգենևրոլոգիական դիսպանսերում էլ հաշվառված չէր», – պարզաբանել է գործակալության զրուցակիցը։
Տվյալ պահին իրավապահները միջադեպի փաստով ստուգումներ են անցկացնում։ Նշանակված է դատաբժշկական փորձաքննություն։