Սումգայիթի անմեղ զոհերի հիշատակին

Սումգայիթի անմեղ զոհերի հիշատակին. «Ռոսիա-24»–ն անդրադարձել է 31-ամյա վաղեմության դեպքերին

606
(Թարմացված է 10:11 01.03.2019)
«Ռոսիա-24» հեռուստաալիքը տեսանյութ է ներկայացրել Սումգայիթում հայերի ջարդերի 31-րդ տարելիցի կապակցությամբ։

ԵՐԵՎԱՆ, 1 մարտի — Sputnik. «Ռոսիա-24» պետական հեռուստաալիքի նորությունների երեկոյան բլոկում եթեր են հեռարձակել մի տեսանյութ, որը պատմում է, թե ինչպես են Հայաստանում հիշում Սումգայիթում զոհվածներին։

Ռեպորտաժում ներկայացվել է հայկական ջարդերի ականատեսների և նրանց բարեկամների անցած ամբողջ ճանապարհը։ Հեղինակներն այցելել են Հայոց ցեղասպանության հուշահամալիր տանող պուրակում գտնվող Սումգայիթյան անմեղ զոհերին նվիրված խաչքարը։

Հուշարձանի մոտ ծաղիկներ խոնարհած քաղաքացիներից բացի, սյուժեում կոտորածի մասին է պատմում նաև «Իմ քայլը» իշխող դաշինքի փոխխոսնակ Ալեն Սիմոնյանը։

Ավելի վաղ ՀՀ նախագահ Արմեն Սարգսյանն այցելել էր Ծիծեռնակաբերդ` հարգանքի տուրք մատուցելու Սումգայիթի ողբերգական իրադարձությունների անմեղ զոհերին։

1988թ.–ի փետրվարի 27-29–ը Ադրբեջանի Սումգայիթ հայաբնակ քաղաքում տեղի ունեցած կոտորածների զոհ դարձան տասնյակ հայեր, հարյուրավորները վիրավորվեցին։

Այդ ողբերգությունը բեկումնային կետ դարձավ հայ–ադրբեջանական ազգամիջյան հակամարտության սրման մեջ և հանգեցրեց Սումգայիթից Արցախ ու Հայաստան հայ փախստականների առաջին հոսքերին։

606
թեգերը:
Ծիծեռնակաբերդ, Ռուսաստան, Ադրբեջան, Սումգայիթ, Հայաստան