Գևորգ Ավետիսյանը իր երեխայի հետ

Եկատերինբուրգում հրդեհի ժամանակ երեխաների փրկած Ավետիսյանին չեն շտապում օգնել

86
(Թարմացված է 22:42 28.02.2019)
Եկատերինբուրգում վառվող տնից երեխաներին փրկած հայը դեռ ընտանիքի հետ բնակվում է վարձով` սպասելով քաղաքային իշխանությունների աջակցությանը։

ԵՐԵՎԱՆ, 28 փետրվարի — Sputnik, Նանա Մարտիրոսյան. Եկատերինբուրգում երեք երեխայի կյանք փրկած Գևորգ Ավետիսյանի բնակարանային խնդիրը չի լուծվել, թեև քաղաքապետ Ալեքսանդր Վիսոկինսկին հայտարարել էր լրագրողներին, որ զբաղվում է այդ խնդրով։

Հունվարի վերջին Ավետիսյանը Եկատերինբուրգի Ցիգանսկի ավանում այրվող տնից երեխաների էր փրկել։

Քաղաքային իշխանությունները նրան պարգևատրեցին պատվոգրով և կրակմարիչ շնորհեցին։ Սակայն մեկ ամիս անց նրան հինգ երեխաների և կնոջ հետ վտարեցին տնից։

Sputnik Արմենիայի թղթակցին Ավետիսյանը հայտնեց, որ շարունակում է ապրել վարձակալած բնակարանում, և Եկատերինբուրգի քաղաքապետի հետ որևէ հանդիպում չի ունեցել, թեև քաղաքապետարանում նրան խոստացել էին օգնել հերթ կանգնել բնակարան ստանալու  համար։

«Գուցե, նա ինչ–որ կարգադրություն է արել, սակայն մեզ այն դեռ չի հասել», – նշեց Ավետիսյանը։

Նա նաև նշեց, որ որոշ քաղաքացիներ պատրաստ են նրան ժամանակավոր օգնություն տրամադրել մինչև կլուծվի բնակարանային հարցը։ Ավելին, հայկական համայնքի ներկայացուցիչները փորձում են օգնել աշխատանքի հարցում, ինչպես նաև աջակցել այլ հարցերում, սակայն նրա բազմազավակ ընտանիքի հիմնական խնդիրը նախկինի պես բնակարանն է մնում։

Եկատերինբուրգի քաղաքապետ Ալեքսանդր Վիսոկինսկին լրագրողների հետ զրույցում ասել է, որ տեղյակ է Ավետիսյանների ընտանիքի իրավիճակին և խոստացել է օգնել։

«Այո, մենք հիմա զբաղվում ենք դրանով։ Հասկանալի է, որ հնարավորություն ենք փնտրելու օգնել նրանց։ Այն, ինչ օրենքի սահմաններում է, մենք անկասկած, կանենք», – վստահեցրել է քաղաքապետը։

Ավետիսյանը կնոջ` Տատյանայի հետ բնակվում էր մեկ հարկանի երկու սենյականոց բնակարանում, որը պատկանում էր ձեռնարկությանը։ Տունը Տատյանային էր հասել պապից։ Ընտանիքը վերանորոգել էր այն, ծախսել ավելի քան 300 հազար ռուբլի, կարգի բերել տունը, սակայն վերջերս դատական կարգադրիչները հարկադրել էին լքել այն։

Ինչպես պարզվեց, հարևանները, որոնք նաև նրանց բարեկամներն էին, բողոքել էին բազմազավակ ընտանիքի դեմ, պահանջելով վտարել նրանց տնից։ Դատարանը որոշել էր, որ Տատյանան և իր երեխաները բնակարանից օգտվելու իրավունք ունեն, սակայն տվյալ բնակարանը զբաղեցնելու իրավական հիմքերի բացակայության պատճառով նրանց մերժել էին սոցիալական վարձակալության պայմանագիր կնքել։

86
թեգերը:
Ռուսաստան
Ըստ թեմայի
Փաշինյանի իշխանությունը շարունակում է Մոսկվայի հետ մերձենալու ուղին. քաղաքագետ
Ղևոնդյան. «ՀՀ ԱԺ նախագահի ելույթը ՌԴ Դաշնային խորհրդի նիստում բավականին մեսիջաշատ էր»
Անհասկանալի է ռուսաստանցի պատգամավորների մասնակցությունը հակահայկական ակցիային. Միրզոյան
Սումգայիթում հայերի ջարդը էթնիկ զտումների հիմք է դարձել. Միրզոյանը` Մոսկվայում