Վահան Աբգարյան

Դեսպանի երաշխավորությունը չօգնեց. Մոսկվայի դատարանը Վահան Աբգարյանին կալանքի տակ թողեց

121
Մոսկվայի դատարանը հաշվի չառավ Baring Vostok հիմնադրամի գործընկեր Վահան Աբգարյանի փաստաբանների փաստարկները։ Աբգարյանի համար երաշխավորագիր էին ներկայացրել մի քանի մարդիկ, այդ թվում` Ռուսաստանում Հայաստանի դեսպան Վարդան Տողանյանը։

ԵՐԵՎԱՆ, 26 փետրվարի — Sputnik. Մոսկվայի քաղաքային դատարանն օրինական ճանաչեց Baring Vostok հիմնադրամի գործընկեր Վահան Աբգարյանի կալանքը։ Այս մասին հայտնում է ՌԻԱ Նովոստին` հիշեցնելով, որ Աբգարյանը մեղադրվում է խարդախության մեջ։

«Մոսկվայի Բասմանի դատարանի` խափանման միջոցը ընտրելու մասին որոշումն անփոփոխ թողնել, վերաքննիչ բողոքը չբավարարել», – որոշել է դատավորը։

Այդպիսով, դատարանը հաշվի չի առել փաստաբանների փաստարկները, որոնք խնդրել էին խափանման միջոցը փոխել 5 մլն ռուբլու գրավով, տնային կալանքով կամ «40 հարգարժան և վստահելի մարդկանց» անձնական երաշխավորությամբ։

Երեկ Աբգարյանի փաստաբան Ռուստամ Կուրմաևը հայտարարել է, որ դիմել էր դատարան` խնդրելով գործի նյութերին կցել ավելի քան 40 մարդու երաշխավորությունները։ Մասնավորապես, դատարանին դիմածների թվում են Ռուսաստանում Հայաստանի դեսպան Վարդան Տողանյանը, Ալֆա բանկի համահիմնադիր Պյոտր Ավենը, «Ալֆա կապիտալ» ընկերության տնօրենների խորհրդի նախագահ Օլեգ Կոսոգովը և Ivi.Ru–ի հիմնադիր Օլեգ Տումանովը։

Փաստաբանները պնդում են, որ հանցագործությունը կատարվել է ձեռնարկատիրական գործունեության ոլորտում, իսկ օրենսդրությունը նման դեպքերում արգելում է կալանավորել, քանի դեռ դատարանի վճիռ չկա։

«Չի կարելի խարդախության փաստաթղթավորումը ձեռնարկատիրական գործունեություն անվանել, դա ընդհանուր քրեական հանցագործություն է», – ի պատասխան ասել է տուժած կողմի ներկայացուցիչը։

Նա նաև նշել է այն միջազգային արձագանքը, որը ստացել է գործը։

«Ի՞նչը կխանգարի նրան պարզապես գիշերը տաքսի նստել և հինգ րոպեում առանց խցանումների հասնել ամերիկյան դեսպանատուն, ֆրանսիական դեսպանատուն։ Եվ մեր երկրում նոր Ջուլիան Ասանժ կստանանք, որը պատմելու է, թե ինչ վատ արդարադատություն ունենք մենք», – հայտարարել է նա։

Նշենք, որ Բասմանի դատարանը 2,5 մլրդ ռուբլի հափշտակելու գործի շրջանակում փետրվարի 16-ին երկու ամիս ժամկետով կալանավորել է ամերիկացի ներդրող, Baring Vostok–ի հիմնադիր Մայքլ Քալվիին ու ևս 5 հոգու, այդ թվում` հիմնադրամի գործընկեր Վահան Աբգարյանին։

Քննչական մարմնի վարկածով` Քալվին Baring Vostok–ի թոփ–մենեջեր, ֆրանսիացի Ֆիլիպ Դելպալի և «այլ չբացահայտված անձանց» հետ համոզել է «Արևելյան» բանկի բաժնետերերին կողմ քվեարկել հրաժարագնի մասին համաձայնագրին, ըստ որի` պարտքը վերադարձնելու փոխարեն «Արևելյանին» են փոխանցվել International Financial Technology Group ընկերության բաժնետոմսերի 59,9%–ը։ ՌԴ ՔԿ–ն վստահեցնում է, որ դրանց իրական արժեքը 600 հազար ռուբլի է, այնինչ 3 մլրդ ռուբլի են գնահատվել։

Քրեական գործում ներգրավված անձանց մինչև 10 տարվա ազատազրկում է սպառնում։ Նրանց մեծ մասը չեն ընդունում մեղադրանքը։

121
Ձեռնաշղթա

Ձերբակալել են ՌԴ կրթության և գիտության փոխնախարարին

49
(Թարմացված է 20:46 03.07.2020)
Փոխնախարարի նկատմամբ քրեական գործ է հարուցվել բյուջեի գումարները խարդախության միջոցով յուրացնելու փաստով։

ԵՐԵՎԱՆ, 3 հուլիսի – Sputnik. Ռուսաստանի ՆԳՆ աշխատակիցները ձերբակալել են կրթության և գիտության նախարարության բարձրաստիճան պաշտոնյայի և մի գործարարի։ Տեղեկությունը հայտնում է ՆԳՆ մամուլի ծառայությունը։

Նշվում է, որ քրեական գործը հարուցվել է խարդախության ճանապարհով բյուջետային փողերը յուրացնելու փաստով։

«Ոստիկանները պարզել են, որ 2016 թվականին առևտրային կազմակերպության ղեկավարը, բյուջետային դրամական միջոցներ ստանալով, ենթակա ԱՁ–ների հետ մի շարք պայմանագրեր է կնքել ՌԴ կրթության և գիտության նախարարության շահերից բխող աշխատանքներ կատարելու համար` միևնույն ժամանակ մտադրություն չունենալով ամբողջ ծավալով կատարել ստանձնած պարտավորությունները։ Այնուհետև պատվիրատուին ներկայացվել են կատարված աշխատանքի արդյունքները, որոնք ի սկզբանե չեն համապատասխանել պայմանագրերի պայմաններին։ Աշխատանքի ընդունումն իրականացրել է կասկածյալի հանցակիցը, որը գերատեսչությունում ղեկավար պաշտոն է զբաղեցրել։ Այդպիսով, նախարարությանն ավելի քան 40 մլն ռուբլու վնաս է հասցվել»,– գրված է գերատեսչության հաղորդագրության մեջ։

Զախարովան մանրամասներ է հայտնել Շրի Լանկայում կալանավորված հայ և ռուս կենսաբանների գործից

Ինչպես հայտնում է Mash–ի Տելեգրամ ալիքը, ՆԳՆ–ն ձերբակալել է ՌԴ գիտության փոխնախարար Մարինա Լուկաշևիչին։

Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում

49
թեգերը:
Ձերբակալում, փոխնախարար, Ռուսաստան
Ըստ թեմայի
Ամերիկացիները «ռուսական հետք» են գտել համաշխարհային ահաբեկչության մեջ. ինչ են առաջարկում
Անվտանգության դաշնային ծառայությունը ձերբակալել է Շամիլ Բասաևի երկու գրոհայինի․ տեսանյութ
Մոսկվայում կանխել են քրեական հեղինակությունների հավաքը
Վլադիմիր Պուտին

Նրանք ցույց են տվել` ովքեր են այնտեղ աշխատում. Պուտինը` ԼԳԲՏ դրոշի մասին

151
(Թարմացված է 19:24 03.07.2020)
ՌԴ նախագահը հիշեցրել է, որ Ռուսաստանում օրենք է ընդունվել անչափահասների շրջանում միասեռականության քարոզն արգելելու մասին։

ԵՐԵՎԱՆ, 3 հուլիսի - Sputnik. ՌԴ նախագահ Վլադիմիր Պուտինը սահմանադրական փոփոխություններով զբաղվող աշխատանքային խմբի հետ հանդիպման ժամանակ ասել է, որ Ռուսաստանում կրոնական և ազգային, ինչպես նաև սեռական փոքրամասնությունների իրավունքների ոչ մի սահմանափակում չի եղել, չկա և չի լինի:

Խորհրդակցության ընթացքում Դաշնության խորհրդի տեղեկատվական քաղաքականության հանձնաժողովի նախագահ Ալեքսեյ Պուշկովը խոսել է Մոսկվայում ԱՄՆ դեսպանատան շենքի վրա ծածանվող ԼԳԲՏ դրոշի մասին և ասել, որ ծիածանագույն դրոշը կախել են հունիսի 24-ին՝ ի պաշտպանություն սեռական փոքրամասնությունների։

Եկեք գաղտնազերծենք տեղեկությունները. Պուտինը հոդված է գրել Երկրորդ համաշխարհայինի մասին

- Ո՞վ է աշխատում այդ շենքում, - հարցրել Է Պուտինը։

- Ամերիկացիները, ամերիկացի դիվանագետները։

- Իսկ դրոշը... Հասկանալի է...

- Դրոշը ծիածանագույն է:

- Դե լավ։ Նրանք ցույց տվել, թե ովքեր են այնտեղ աշխատում։ Սարսափելի չէ։ Չէ՞ որ մենք շատ ենք խոսել այդ մասին, և մեր դիրքորոշումը հասկանալի է»,- ասել Է Պուտինը։

Պուտինի մամուլի քարտուղարը պատասխանել է Բոլտոնի սկանդալային գրքին վերաբերող հարցին

Նախագահի խոսքով ՝ մարդը պետք է մեծանա և ինքնուրույն որոշի իր ճակատագիրը, ոչինչ պարտադրել պետք չէ։ Նա հիշեցրել է, որ ՌԴ-ում օրենք է ընդունվել անչափահասների շրջանում միասեռականության քարոզն արգելելու մասին։

Պուտինն ասել է, թե որքան հաճախ է հասցնում շփվել թոռնիկների հետ

151
թեգերը:
ԱՄՆ, դրոշ, Վլադիմիր Պուտին, ԼԳԲՏ, Ռուսաստան
Ըստ թեմայի
Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին
«Մամ, զանգիր Պուտինին». փոքրիկը խնդրում է բացել դպրոցները
Պուտինը հանձնարարել է կատարելագործել հեռավար կրթությունը, բայց հիշել կարևորի մասին
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

98
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

98
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ