ԵՐԵՎԱՆ, 21 փետրվարի — Sputnik. Ռուսաստանի տարածքում երկրորդ միլիարդատեր կինն է հայտնվել։ Այս մասին հայտնում է Forbes պարբերականը։
Երբ Տատյանա Բակալչուկի Wildberries ընկերությունը դարձել է ԱՊՀ–ի ամենամեծ առցանց խանութը, ձեռնարկության կապիտալիզացիան զգալի աճել է։ Ի դեպ, այս տարի Wildberries առցանց խանութը համացանցում չորրորդ տեղն է զբաղեցրել ռուսական ամենաթանկ ընկերությունների վարկանիշային աղյուսակում։
Բակալչուկի բիզնեսի արժեքը, ըստ պարբերականի, 1,2 միլիարդի է հասել։ Անգլերենի դասախոս Տատյանա Բակալչուկն ու նրա ամուսինը բիզնեսը հիմնել են 2004 թվականին։
Նախկինում Ռուսաստանի միակ միլիարդատեր կինը Ելենա Բատուրինան էր` Մոսկվայի նախկին քաղաքապետ Յուրի Լուժկովի կինը։