Նիկիտա Միխալկով

«Comedy Woman–ի ոչխարներն այսպես են կատակում».Միխալկովը վիրավորել է Եփրիկյանի «աղջիկներին»

304
Հայտնի ռեժիսոր Նիկիտա Միխալկովն անդրադարձել է Comedy Woman–ի` խորհրդային գեներալ Դմիտրի Կարբիշևի մասին կատակին։

ԵՐԵՎԱՆ, 5 փետրվարի — Sputnik. Ռեժիսոր և պրոդյուսեր Նիկիտա Միխալկովը Comedy Woman հեռուստաշոուի մասնակիցներին ոչխար է անվանել խորհրդային գեներալ Դմիտրի Կարբիշևի մասին կատակների համար։

Ռեժիսորն այդ մասին խոսել է Youtube ալիքով հեռարձակվող «Бесогон» հեղինակային ծրագրի եթերում։ Բանն այն է, որ Comedy Woman–ի մասնակից ու հեղինակ Նատալյա Եփրիկյանի «սաները» համակենտրոնացման ճամբարում հերոսաբար մահացած գեներալի անունը 2013 թվականին օգտագործել են իրենց համարներից մեկում։

Դրվագներից մեկում Եկատերինա Վարնավան ասում է, որ իր մեջքով սարսուռ է անցնում, իսկ Նատալյա Մեդվեդևան կատակում է, որ դա «գեներալ Կարբիշևի սառած ոգին է, հետևից մոտեցել է ու գրկել»։

«Երբ Comedy Woman–ի ոչխարներն այսպես են կատակում, գոնե հասկանո՞ւմ են` ինչի մասին են խոսում։ Ում մասին են խոսում։ Նրանք գոնե մի վայրկյան պատկերացնու՞մ են` ինչ է նշանակում, երբ 40 աստիճան սառնամանիքին քեզ վրա սառը ջուր են լցնում ու վերածվում ես սառցե հուշարձանի», – հարցնում է Միխալկովը։

Նշենք, որ գեներալ–լեյտենանտ Դմիտրի Կարբիշևն արիության մարմնավորում է դարձել Մեծ հայրենական պատերազմի տարիներին։ Նա մահացել է 1945 թվականի փետրվարի 18–ին։ Գեներալին այլ կալանավորների հետ (մոտ 500 մարդ) հանել են հրապարակ ու սառնամանիքին սառը ջուր լցրել նրանց վրա։ Գեներալ–լեյտենանտը հետմահու արժանացել է Խորհրդային Միության հերոսի կոչման (1948 թվականի փետրվարի 28–ին)։

304
Ըստ թեմայի
«Գզգզված» Comedy Woman-ը. Եփրիկյանը Վարնավայի հետ հետաքրքրաշարժ լուսանկար է հրապարակել