ՌԴ ԱԳՆ

Անընդունելի է. ՌԴ ԱԳՆ–ն` հայկական արմատներով ռուսաստանցիների մուտքը Բաքու արգելելու մասին

120
(Թարմացված է 14:15 18.01.2019)
Հաղորդագրության մեջ ընդգծվում է, որ Մոսկվան կուզեր Բաքվից առարկայական պարզաբանումներ լսել ռուսաստանցիների հետ կապված յուրաքանչյուր միջադեպի վերաբերյալ «գործի հետ անմիջական առնչություն չունեցող ընդհանուր մտորումների փոխարեն։

ԵՐԵՎԱՆ, 18 հունվարի — Sputnik. Ադրբեջանի ԱԳՆ–ի մոտեցումը` հայկական արմատներով Ռուսաստանի քաղաքացիների մուտքը երկիր արգելելու վերաբերյալ, անթույլատրելի է, ՌԴ ԱԳՆ–ն պաշտոնական պարզաբանումներ է սպասում` Ադրբեջան ուղևորությունը իրենց դեսպանատան հետ համաձայնեցնելու Բաքվի ակնարկի վերաբերյալ։

«Ծանոթացել ենք հայկական արմատներով ռուսաստանցիների մուտքը այդ երկիր արգելելու մասին մեր հայտարարության վերաբերյալ Ադրբեջանի ԱԳՆ մամուլի ծառայության արձագանքին։ Նշում ենք, որ մեկնաբանության տոնայնությունը դուրս է դիվանագիտական քաղաքավարության կանոններից։ Ոչ պակաս տարակուսանք է առաջացնում նրա բովանդակությունը, որում պահանջում են «չուռճացնել» Ադրբեջան ժամանող Ռուսաստանի քաղաքացիների նկատմամբ խտրականության թեման, որպես ոչ էական` երկկողմ հարաբերությունների դինամիկ զարգացման ֆոնին։ Նման մոտեցումը, բնականաբար, անընդունելի է», – գրված է ՌԴ ԱԳՆ պաշտոնական հայտարարության մեջ։

Հաղորդագրության մեջ ընդգծվում է, որ Մոսկվան կուզեր Բաքվից առարկայական պարզաբանումներ լսել ռուսաստանցիների հետ կապված յուրաքանչյուր միջադեպի վերաբերյալ «գործի հետ անմիջական առնչություն չունեցող ընդհանուր մտորումների փոխարեն»։

Ադրբեջանի ԱԳՆ–ի ասած «այդ մասնավոր դեպքերի» շարքում կան նաև այն աստիճան աղաղակող դեպքեր, ինչպես 2018 թվականի մայիսին` Լենինգրադի 81-ամյա բնակչի, Հայրենական Մեծ պատերազմի վետերանի երկրի մուտք գործելն արգելելը կամ 2017 թվականի փետրվարին մի կնոջ, որին մի քանի ժամ շարունակ պահում էին հատուկ վայրում էի իր 4 տարեկան երեխայի հետ», – հայտնել են նախարարությունում։

«Բացի այդ պարզաբանումներ ենք սպասում դիվանագիտական ալիքներից` Ադրբեջան մեկնելիս իրենց դեսպանատան հետ ուղևորությունը համաձայնեցնելու անհրաժեշտության վերաբերյալ ադրբեջանական կողմի ակնարկի մասին, ինչը խախտում է ՌԴ–ի և Ադրբեջանի քաղաքացիների առանց վիզային ռեժիմի ուղևորություններ իրականացնելու մասին 1997 թվականի հուլիսի 3-ին կնքած համաձայնագիրը», – ընդգծել են ՌԴ ԱԳՆ–ում։

Ադրբեջանական կողմի բովանդակային արձագանքից է կախված Մոսկվայի հետագա քայլերը։

Ավելի վաղ Ադրբեջանի ԱԳՆ–ում հայտարարել էին, որ Ռուսաստանի քաղաքացի Քրիստինա Գևորգյանի հետ կապված միջադեպը «մասնավոր դեպքը ուռճացնելու փորձ է»` ավելացնելով, որ ռուս–ադրբեջանական հարաբերություններում խնդիրներ չկան։

Դեկտեմբերի 29-ին ՌԴ քաղաքացի Քրիստինա Գևորգյանը Facebook–ի իր էջում գրել էր, որ 13 ժամ անցկացրել է Բաքվի Հեյդար Ալիևի միջազգային օդանավակայանում «տեղեկատվական և այլ մեկուսացման մեջ և նյարդային վիճակում»։ Նա ուզում էր Ամանորի տոներն անցկացներ Ադրբեջանում, սակայն անձնագրային բաժնում նրան անմիջապես կանգնեցրել են։ Գևորգյանը հայտնել է, որ իրենից բացի երկու ընտանիք ևս չեն կարողացել մուտք գործել Բաքու` բարեկամներից մեկի հայկական ազգանվան պատճառով։

 

120
թեգերը:
Ադրբեջան, Ռուսաստան
Ըստ թեմայի
Ինչու հայկական ազգանուններով ՌԴ քաղաքացիներին Բաքու չեն թողնում. պարզաբանում է դեսպանը
Ադրբեջանի ԱԳՆ-ն պատասխանել է Զախարովային ՌԴ քաղաքացիություն ունեցող հայերի թեմայով
ՌԴ ԱԳՆ–ն գրություն է ուղարկել Ադրբեջանի դեսպանատուն ռուսաստանցիների խտրականության հարցով