Հայ–թուրքական սահման

Ռուս սահմանապահները Հայաստանում որոնվող Թուրքիայի քաղաքացի են ձերբակալել

211
Ձերբակալվածին փոխանցել են Աստրախանի մարզի ՌԴ ՆԳՆ վարչության աշխատակիցներին` հետագա դատավարական գործողություններ իրականացնելու համար։

ԵՐԵՎԱՆ, 17 հունվարի — Sputnik. Ռուս սահմանապահները Աստրախանի մարզի «Կարաուզեկ» հսկիչ անցակետում Թուրքիայի 53-ամյա քաղաքացու են ձերբակալել, որի նկատմամբ դաշնային հետախուզում էր հայտարարվել ՀՀ տարածքում կատարած հանցագործության համար։ Այս մասին հայտնում է Կալմիկիայի և Աստրախանի մարզի ՌԴ ԱԴԾ սահմանապահ վարչության մամուլի ծառայությունը։

Տղամարդը մեղադրվում է ճանապարհային երթևեկության կանոնները խախտելու և տրանսպորտային միջոցի շահագործման հետևանքով մարդու առողջությանը անզգուշությամբ ծանր կամ միջին ծանրության վնաս հասցնելու փաստի առիթով հարուցած քրեական գործով։

Օտարերկրյա քաղաքացուն գտել են սահմանային անցակետում` Ստամբուլից (Թուրքիա) Ատիրաու (Ղազախստան) մեկնող «Մերսեդես» մակնիշի ավտոմեքենայի ձևակերպման ընթացքում։

Ձերբակալվածին փոխանցել են Աստրախանի մարզի ՌԴ ՆԳՆ վարչության աշխատակիցներին` հետագա դատավարական գործողություններ իրականացնելու համար։

211
թեգերը:
Ռուսաստան
Ըստ թեմայի
Հայ-ադրբեջանական սահմանի մի շարք հատվածներում զինված ուժերին կփոխարինեն սահմանապահները
ԱԱԾ տնօրենը խոսեց հայ-թուրքական սահմանը խախտողների ակտիվության մասին
Երևանի անտունների կացարանում էլ են «հնդիկներ» բնակվում ու չեն ուզում հեռանալ Հայաստանից
ՌԴ արտգործնախարար Սերգեյ Լավրով

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

335
(Թարմացված է 16:05 26.11.2020)
Ռուսաստանի արտգործնախարարը կարծում է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։ 

ԵՐԵՎԱՆ, 26 նոյեմբերի - Sputnik.  «Երկրորդ կարգի» երկրների շարքը, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ կարող է համալրել նաև Բելառուսը։ Այսօր Ռուսաստանի ու Բելառուսի ԱԳՆ-ների կոլեգիաների նիստում ելույթի ժամանակ նման կարծիք է հայտնել ՌԴ արտգործնախարար Սերգեյ Լավրովը։

Լավրովն ընդգծել է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։

«Այդ սովորությունը սահմանափակում է իրավահավասար, փոխհարգալից երկխոսության վերականգնման հնարավորությունը։ Նույնիսկ Արևելյան գործընկերության մասնակիցներին են կարգերի դասում։ «Երկրորդ կարգի» երկրների խմբին, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ, դասվում է նաև Բելառուսը», - ավելացրել է նա։

Նա նշել է, որ ներկայիս իրավիճակում Ռուսաստանը ոչ թե մտածում է՝ ինչպես աշխատել Եվրամիության կառույցների հետ, այլ ուզում է հասկանալ՝ արդյո՞ք արժե համագործակցել նրանց հետ, քանի դեռ այդ կառույցներն այսպես են աշխատում։

Ղարաբաղի վերաբերյալ հայտարարության կենսունակությունը վերահաստատվում է ամեն օր. Լավրով

Նա նշել է, որ հարաբերությունները ԵՄ-ի հետ այսօր բարդ են։ Պատճառը ԵՄ մի շարք երկրների ոչ գործընկերային, հաճախ ոչ բարեկամական պահվածքն է, որն արժանանում է ամբողջ Եվրամիության հավանությանը։

335
թեգերը:
Եվրամիություն, Սերգեյ Լավրով, Ադրբեջան, Հայաստան
Ըստ թեմայի
Էրդողանի հայտարարությունը Մակրոնի հասցեին անընդունելի է Եվրամիության համար. Ժոզեպ Բորել
Եվրամիությունը 3 միլիոն եվրո օգնություն կհատկացնի ԼՂ բնակչությանը
Երևան և Բաքու կատարած այցերի արդյունքները կներկայացվեն Պուտինին. Լավրով
Միգրանտների աջակցության կենտրոն

Ռուսաստանում նորից տեղ կգտնվի ԵԱՏՄ երկրների միգրանտների համար․ ԵԱԶԲ փորձագետներ

100
(Թարմացված է 15:34 26.11.2020)
Նավթի գների աճին զուգահեռ Ռուսաստանում և Ղազախստանում տնտեսական ակտիվությունը կսկսի վերականգնվել, իսկ սահմանափակումների վերացումից հետո միգրանտները կկարողանան վերադառնալ այդ երկրներ։

ԵՐԵՎԱՆ, 26 նոյեմբերի – Sputnik. Եվրասիական զարգացման բանկի (ԵԱԶԲ) երկրների վերլուծության կենտրոնի ղեկավար Ալեքսեյ Կուզնեցովն այսօր Sputnik Արմենիա միջազգային մուլտիմեդիոն մամուլի կենտրոնում կայացած հեռուստակամուրջի ժամանակ վստահեցրեց, որ ճգնաժամի ավարտից հետո Ռուսաստանում կրկին տեղ կգտնվի ԵԱՏՄ երկրների աշխատանքային միգրանտների համար։

Բանկի կանխատեսումների համաձայն` 2021 թվականին Urals տեսակի նավթի գինը կկազմի մեկ բարելի դիմաց 49 դոլար: Կուզնեցովի խոսքով` դա բավական է, որ տնտեսության մեջ աստիճանաբար վերականգնվի վճարունակ պահանջարկը։

Վերականգնումը նույն կերպ տեղի կունենա նաև Ղազախստանում։ Այդ երկրների միջոցով դրական դինամիկան կփոխանցվի Տաջիկստանին, Ղրղզստանին և Հայաստանին։ Ղրղզստանի համար դա կնշանակի հավելյալ 1% ՀՆԱ աճ, Հայաստանի համար՝ 0,5%։

ԵԱԶԲ-ի երկրների վերլուծության կենտրոնի ավագ վերլուծաբան Կոնստանտին Ֆյոդորովն էլ նշեց` ինչ վերաբերում է Հայաստանին, Տաջիկստանին ու Ղրղզստանին, ապա նրանց համար բարենպաստ գներ են սահմանվել մետաղների, մասնավորապես՝ պղնձի և ոսկու համար, որոնք տևական ժամանակ պահվում են բորսաներում:

«Մենք չենք կարծում, որ ռուսական աշխատաշուկայում զանգվածային և մշտական կերպով կզբաղեցվեն այն աշխատատեղերը, որոնք զբաղեցնում էին միգրանտները։ Այդ պատճառով հաջորդ տարի մենք ակնկալում ենք, որ ԵԱՏՄ երկրների սեզոնային միգրանտներն աստիճանաբար կզբաղեցնեն այդ աշխատատեղերը»,-ասաց նա։

Դրա հետ մեկտեղ բանկը, ըստ ԵԱԶԲ-ի ու Կայունացման և զարգացման եվրասիական հիմնադրամի գլխավոր տնտեսագետ Եվգենի Վինոկուրովի, սթրես-սցենար ունի այն դեպքի համար, եթե համավարակը ձգձգվի: Նավթի գինն այս դեպքում կարող է կազմել մեկ բարելի դիմաց 40-42 դոլար, իսկ տնտեսական աճը Ռուսաստանում և Ղազախստանում կարող է կրճատվել 0,8-0,9 տոկոսով (հիշեցնենք` կորոնավիրուսային ճգնաժամից առաջ Urals-ը 55 ԱՄՆ դոլարից բարձր մակարդակում էր, մարտ-ապրիլին` 0-ի և ավելի ցածր մակարդակում, իսկ հիմա` 40-ից մի փոքր պակաս):

Նշենք, որ 2019 թ․-ին Ռուսաստանից ֆիզիկական անձանց դրամական փոխանցումների զուտ ծավալը կազմել է մոտ 630 մլն դոլար կամ ՀՆԱ-ի մոտ 5 տոկոսը:

100
թեգերը:
միգրանտ, Ռուսաստան
Ըստ թեմայի
«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան
Կենտրոնական բանկը փորձում է պահել գներն ու ֆինանսական կայունությունը. հայտարարություն
Դրամի փոխարժեքն ընկնում է, բայց անհանգստանալ պետք չէ․ Արամյանը բացատրում է` ինչու
Մայր Աթոռ սուրբ Էջմիածին

Աստվածամուխ Սուրբ Գեղարդը դուրս կբերվի. Թադեոս և Բարդուղիմեոս առաքյալների տոնն է

0
(Թարմացված է 12:29 27.11.2020)
Ամենայն Հայոց կաթողիկոսը հրաշագործ Սուրբ Գեղարդով կօրհնի ներկա ժողովրդին և հայրենի մեր երկիրը:

ԵՐԵՎԱՆ, 27 նոյեմբերի – Sputnik. Մայր Աթոռի տեղեկատվական համակարգը հայտնում է, որ նոյեմբերի 28-ին դուրս կբերվի Աստվածամուխ Սուրբ Գեղարդը։

Հայաստանյայց Առաքելական Սուրբ Եկեղեցին հայոց առաջին լուսավորիչներ Ս. Թադեոս և Ս. Բարդուղիմեոս առաքյալների տոնն այս տարի տոնախմբելու է նոյեմբերի 28-ին: Առաքյալների տոնը Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի սրբատառ կոնդակով դեռևս 2015 թվականին հռչակվել է Աստվածամուխ Սուրբ Գեղարդի ուխտի օր:

«Տոնին Մայր Աթոռի Սուրբ Հովհաննես Մկրտիչ և Սուրբ Վարդան մատուռ-մկրտարանում ժամը 10:30-ին կմատուցվի պատարագ: Այս առիթով դուրս կբերվի և Ս. Պատարագի ընթացքում տաճարում կմնա Սուրբ Էջմիածնում պահվող Աստվածամուխ Սուրբ Գեղարդը»,–նշված է հաղորդագրության մեջ։

Վերջում կաթողիկոսը հրաշագործ Սուրբ Գեղարդով կօրհնի ներկա ժողովրդին և հայրենի մեր երկիրը:

0
թեգերը:
պատարագ, Ամենայն Հայոց կաթողիկոս Գարեգին Բ, Սուրբ Գեղարդ, Մայր Աթոռ Սուրբ Էջմիածին
Ըստ թեմայի
Մայր աթոռը դատապարտում է Սուրբ Ղազանչեցոցի պղծման փաստը
Դադիվանքին որևէ վտանգ չի սպառնում. Մայր աթոռը հաստատեց
Ցավն ու վիշտը վերածելու ենք ուժի և զորության. Մայր աթոռում զոհվածների հիշատակի պատարագն է