Կաթոլիկ եկեղեցի

Մոսկվայում հայ կաթոլիկների համար եկեղեցի կկառուցեն

57
(Թարմացված է 17:34 11.01.2019)
Մոսկվայի քաղաքապետի գլխավորած հանձնաժողովը հավանություն է տվել եկեղեցու շինարարության համար հողամաս տրամադրելու որոշմանը։

ԵՐԵՎԱՆ, 11 հունվարի — Sputnik. Մոսկվայում հայկական կաթոլիկ եկեղեցի կկառուցվի։ Այս մասին հայտնում է Մոսկոմստրոյինվեստի կայքը։

Նշվում է, որ քաղաքաշինական–հողատարածքային հանձնաժողովը` Մոսկվայի քաղաքապետ Սերգեյ Սոբյանինի գլխավորությամբ, 2018 թվականի դեկտեմբերի 27–ին հավանություն է տվել հարավային Բուտովո շրջանում եկեղեցու շինարարության համար հողատարածք տրամադրելու որոշմանը։

«0,7 հա մակերեսով հողատարածքը հայկական կաթոլիկ եկեղեցուն անհատույց օգտագործման կփոխանցվի 9 տարի ժամկետով` եկեղեցու ու ծխական կրոնական մշակութային կենտրոնի նախագծման ու կառուցման համար», – այս մասին հայտնել է Մոսկոմստրոյինվեստի նախագահի պաշտոնակատար Անաստասիա Պյատովան։

Հայտնում են, որ եղկեղեցու ընդհանուր մակերեսը կարող է կազմել 1000 քառակուսի մետր, իսկ ծխատան մակերեսը` 850 քառակուսի մետր։

57
թեգերը:
Ռուսաստան
Ըստ թեմայի
Որտեղ ասես չկանք. արգենտինացի Արմենը` Բանգլադեշի հին եկեղեցու պահապան
Հնդկաստանում հին հայկական եկեղեցին Կանանց ակումբի է վերածվել. ո՞վ է որոշել փրկել այն
Մի եկեղեցու պատմություն. ինչն է միավորում Այվազովսկուն, Մանթաշյանին ու Քոչարյանին