Կիրիլ Վիշինսկի

Վիշինսկու գործում ապացույցների բազա չկա. Լուկաշևիչը` Խերսոնի դատարանի որոշման մասին

19
(Թարմացված է 17:03 11.01.2019)
ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը մեկնաբանել է Ուկրաինայում կալանավորված լրագրող Կիրիլ Վիշինսկու գործով դատավարությունը։

ԵՐԵՎԱՆ, 11 հունվար — Sputnik. «ՌԻԱ Նովոստի – Ուկրաինա» կայքի ղեկավար Կիրիլ Վիշինսկու գործով որոշումը կապված է ապացույցների բազայի պակասի կամ բացակայության հետ։ ՌԻԱ Նովոստիին այս մասին ասել է ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը։

Ավելի վաղ Խերսոնի դատարանը երկարացրել էր Վիշինսկու կալանքը մինչև հունվարի 27–ը։ Լրագրողին խերսոնի մեկուսարանում են պահում։ Սակայն նրա պաշտպանները բողոքարկել են որոշումը։ Վերաքննիչ դատարանը բողոքը քննելու է հունվարի 14–ին։

«Մի բան է պահանջել, որ դատը հնարավորինս շուտ կայանա, այլ բան է, որ հասկանալի է` խոսքը մեր լրագրողին առանց որևէ պայմանների ազատ արձակելու անհրաժեշտության մասին է, քանի որ ակնհայտ է, որ նա քաղաքական նկատառումներով է ձերբակալվել», – վստահ է Լուկաշևիչը։

Նա նշել է, որ Ռուսաստանը շարունակելու է Վիշինսկու կալանավորման հարցը բարձրացնել ԵԱՀԿ–ում։

«Ցավոք, Վիշինսկու հարցով սկզբունքային փոփոխություններ չկան ո՛չ ուկրաինական կողմի արձագանքի, ո՛չ ԶԼՄ–ների ազատության հարցերով ներկայացուցիչ Արլեմ Դեզիրի արձագանքի հարցում։ Թեև ինչպես բազմիցս ասել ենք, ամեն անգամ հիշեցնում ենք մեր քաղաքացու լրագրողական իրավունքների աղաղակող խախտման մասին», – ասել է Լուկաշևիչը։

ԵԱՀԿ մամուլի ազատության հարցերով ներկայացուցիչ Արլեմ Դեզիրն ավելի վաղ խոսել էր Կիևի գործողությունների մասին։ Վիշինսկուն ազատազրկման մեջ պահելու ժամկետի հերթական երկարացումից հետո Դեզիրը հիասթափություն էր հայտնել Ուկրաինայի դիրքորոշման վերաբերյալ և կոչ էր արել ազատել լրագրողին։

Մայիսի 17-ին Խերսոնի քաղաքային դատարանը որոշել է կալանավորել Վիշինսկուն։ Պաշտպանական կողմը բողոքարկել է այդ որոշումը, բայց դատարանը մերժել է բողոքարկումը։ Վիշինսկին դատական նիստի ժամանակ օգնության խնդրանքով դիմել է Ռուսաստանի նախագահին։ Նա նաև հայտարարել է, որ կհրաժարվի Ուկրաինայի քաղաքացիությունից։

Վլադիմիր Պուտինը իրավիճակն աննախադեպ է անվանել։ Մոսկվան բողոքի նոտա է հղել Կիև` պահանջելով դադարեցնել մամուլի ներկայացուցիչների նկատմամբ բռնությունները։

19
Ըստ թեմայի
Խերսոնի վերաքննիչ դատարանը Վիշինսկուն թողել է կալանքի տակ
Աջակցություն Վիշինսկուն. Ուկրաինայի դեսպանատան մոտ ակցիա է անցկացվել
Ռուս իրավապաշտպանը չի հավատում, որ Վիշինսկու մոտ կարող էին ատրճանակ գտնել