Անգելա Մերկել

Մերկելը հայտարարել է, որ Գերմանիան կսատարի հակառուսական պատժամիջոցների երկարաձգումը

32
(Թարմացված է 21:01 12.12.2018)
Կանցլերը մտահոգություն է հայտնել Կերչի նեղուցում Ռուսաստանի գործողությունների վերաբերյալ։

ԵՐԵՎԱՆ, 12 դեկտեմբերի — Sputnik. ԵՄ գագաթնաժողովին Գերմանիան կսատարի Ռուսաստանի դեմ պատժամիջոցների երկարաձգումը, որոնց ժամկետն ավարտվում է 2019 թվականի հունվարին։ Այս մասին Բունդեսթագում ելույթ ունենալիս հայտնել է Գերմանիայի կանցլեր Անգելա Մերկելը, փոխանցում է Reuters–ը։

Կերչ
© Photo : Пресс-служба пограничного управления ФСБ РФ по Республике Крым

Կանցլերը մտահոգություն է հայտնել Կերչի նեղուցում Ռուսաստանի գործողությունների վերաբերյալ։ Նրա խոսքով` Բեռլինը չի ընդունում «Ազովի ծովի նկատմամբ փաստացի հավակնությունները»։ Կերչի նեղուցում Ռուսաստանի կողմից ուկրաինական երեք ռազմանավերի ձերբակալումը նոյեմբերի վերջին հանգեցրեց ԵՄ կոչերի՝ կապված Ռուսաստանի նկատմամբ պատժամիջոցների խստացման հետ։

Ուկրաինայի ռազմածովային ուժերի՝ Ռուսաստանի պետական սահմանը խախտած «Բերդյանսկ», «Նիկոպոլ» և «Յանի Կապու» նավերը ՌԴ տարածքային ջրերի սահմաններում ապօրինի գործողությունների փորձ են իրականացրել: ՌԴ Անվտանգության դաշնային ծառայության սահմանապահ բաժնի և ՌԴ Սևծովյան նավատորմի՝ ուղեկցող նավերի և կատերների՝ անհապաղ կանգ առնելու օրինական պահանջներին չեն արձագանքել, կատարել են վտանգավոր մանևր: Ուկրաինական ռազմանավերի հարկադիր կանգնեցման նպատակով կիրառվել է զենք: Արդյունքում` Սև ծովում ՌԴ տարածքային ջրերում Ուկրաինայի ռազմածովային ուժերի բոլոր երեք նավերն էլ կալանվել են: Ուկրաինայի զինված ուժերի երեք վիրավոր զինծառայողներին բժշկական օգնություն է ցուցաբերվել: Նրանց կյանքին վտանգ չի սպառնում:

Կիևը դա գնահատել է որպես ագրեսիայի դրսևորում և Ուկրաինայի որոշ մարզերում ռազմական դրություն հայտարարել։

Մոսկվան տեղի ունեցածը ընտրություններից առաջ Պորոշենկոյի կողմից սադրանք է անվանել։

ԵՄ–ն Ռուսաստանի դեմ սահմանափակումների երկարաձգման հարցը կապեց Մինսկի համաձայնագրերի կատարման ընթացքին։ Ամեն կես տարին մեկ ԵՄ–ն լսում է Ֆրանսիայի և ԳԴՀ–ի զեկույցը ևս կես տարով պատժամիջոցները երկարաձգելու մասին քաղաքական որոշումն ընդունելուց առաջ։

Հուլիսի սկզբին Ռուսաստանի նկատմամբ տնտեսական սահմանափակումները երկարացվել էին մինչև 2019 թվականի հունվարի 31-ը։

32
թեգերը:
Գերմանիա, Եվրամիություն, Ռուսաստան
Ըստ թեմայի
Նավթային բծեր ԵԽԽՎ-ում․ ինչի՞ է հանգեցրել Ադրբեջանի «խավիարային» դիվանագիտությունը
ԱՄՆ պատժամիջոցը զինակից Թուրքիային. ինչո՞վ կպատասխանի Անկարան
Կրկին պատժամիջոցներ. կդառնա՞ն դրանք Հայաստան-Իրան հարաբերությունների առավել զարգացման խթան
«Թուրքական լոլիկները Հայաստանի ու Բելառուսի միջոցով էին Ռուսաստան հասնում». փոխնախարար
ԱՄՆ–ն խոչընդոտում է «Ռուսալ Արմենալի» աշխատանքը, ինչը խանգարում է ՀՀ տնտեսությանը. Բաբկո
Թաքցրած հաղթաթուղթ. կարգելի՞ արդյոք ԱՄՆ–ը Հայաստանին ու Ադրբեջանին զենք գնել Ռուսաստանից