Ռուսաստանը զենքի արտադրությամբ երկրորդն է աշխարհում

77
(Թարմացված է 12:11 10.12.2018)
Ռուս զինագործները 2011թ–ից հետևողականորեն ավելացրել են իրենց մասնաբաժինը շուկայում։

ԵՐԵՎԱՆ, 10 դեկտեմբերի — Sputnik. Ռուսաստանն իր զենքի արտադրությամբ 2000–ականների սկզբից առաջին անգամ աշխարհում երկրորդ տեղն է զբաղեցրել։ Այս մասին ասվում է Ստոկհոլմի Աշխարհի խնդիրների հետազոտությունների միջազգային ինստիտուտի (SIPRI) զեկույցում։

Ինչպես հաղորդում է AP գործակալությունը, Ռուսաստանը նախկինի պես հետ է մնում ԱՄՆ–ից, բայց առաջ է անցել Մեծ Բրիտանիայից։ Հետազոտության համաձայն` անցած տարի ռուսական սպառազինությունների վաճառքի ծավալներն ավելացել են 8,5 տոկոսով։ Ռուսաստանին բաժին է ընկել սպառազինությունների համաշխարհային շուկայի 9,5 տոկոսը, որի ընդհանուր արժեքը գնահատվում է 398,2 միլիարդ դոլար։

SIPRI ներկայացուցիչ Սայմոն Վիզեմանի խոսքով` ռուս զինագործները 2011թ–ից հետևողականորեն ավելացրել են իրենց մասնաբաժինը շուկայում։ Միաժամանակ, «Ալմազ Անթեյ» կոնցեռնը, որը սպառազինություն է արտադրում հակաօդային և հակահրթիռային պաշտպանության համար, հետազոտական կենտրոնի կողմից ներառվել է աշխարհի զենքի խոշորագույն արտադրողների ցուցակում։

Զեկույցում նշվում է, որ շուկայում առաջվա պես առաջին տեղում է ԱՄՆ–ն` զենքի համաշխարհային շուկայում 57 տոկոս մասնաբաժնով։ Շուկայում խոշորագույն ընկերություն է ճանաչվել Lockheed Martin կորպորացիան։

SIPRI–ում նշում են, որ սրընթաց տեմպերով զարգանում են թուրքական զինագործական ընկերությունները։ Թուրքիան ակտիվորեն փորձում է նվազեցնել կախվածությունը սպառազինության արտասահմանյան առաքողներից։

Միաժամանակ, զեկույցում տեղեկություն չկա չինական ընկերությունների մասին, քանի որ դրանք սովորաբար տվյալներ չեն հրապարակում արտադրության տեմպերի և ծավալների մասին։

77
Նիկոլայ Պատրուշևն ու Արթուր Բաղդասարյան

ՀՀ ԱԽ նախկին քարտուղար Արթուր Բաղդասարյանն ու ՌԴ ԱԽ քարտուղար Պատրուշևն են հանդիպել

61
(Թարմացված է 16:31 27.11.2020)
Զրուցակիցները քննարկել են երկու երկրների դաշնակցային հարաբերությունների խորացման հարցերը։

ԵՐԵՎԱՆ, 27 նոյեմբերի - Sputnik. Մոսկվայում տեղի է ունեցել Ռուսաստանի Անվտանգության խորհրդի քարտուղար Նիկոլայ Պատրուշևի և Հայաստանի ԱԽ նախկին քարտուղար, ՀՀ-ում Ռուսաստանի Տարածաշրջանային ակադեմիայի (ՀԱՊԿ և ԵԱՏՄ) խորհրդի նախագահ Արթուր Բաղդասարյանի հանդիպումը։ Տեղեկությունը հայտնում է ՀԱՊԿ ակադեմիայի մամուլի ծառայությունը։

Նշվում է, որ հանդիպումն անցել է ջերմ և կառուցողական մթնոլորտում։ Զրուցակիցները քննարկվել են Ռուսաստանի և Հայաստանի դաշնակցային հարաբերությունների հետագա խորացման հարցեր, տարածաշրջանային և գլոբալ անվտանգության խնդիրներ, նոր իրողությունների լույսի ներքո համագործակցության զարգացման մեխանիզմներն ու ուղղությունները:

«Հանդիպման ընթացքում նշվեց զինադադարի հետ կապված պայմանավորվածությունների կատարման կարևորությունը, սահմանների սահմանազատման, գերիների փոխանակման, անհայտ կորածների վերադարձի, մշակութային հուշարձանների պահպանման և պաշտպանության կարևորությունը»,- նշված է հաղորդագրության մեջ։

Ընդգծվել է հումանիտար, սոցիալ-տնտեսական, գիտահետազոտական և կրթական ոլորտում համագործակցության կարևորությունը, այդ թվում` ՀՀ-ում Ռուսաստանի տարածաշրջանային Ակադեմիայի և Ռուսաստանի ու Հայաստանի այլ շահագրգիռ կառույցների շրջանակներում:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

61
թեգերը:
Նիկոլայ Պատրուշև, Արթուր Բաղդասարյան, Ռուսաստան, Հայաստան
Ըստ թեմայի
Կառավարությունում հանդիպել են Հայաստանի ու Ռուսաստանի 4 փոխվարչապետները
Ռուսաստանը Կարմիր խաչին 2 մլն եվրո է փոխանցել` Արցախում կատարվելիք գործողությունների համար
Ղարաբաղ է ժամանել Ռուսաստանի ԱԻՆ-ի աշխատակիցների լրացուցիչ խումբը
Վլադիմիր Պուտին

Պուտինն ինտենսիվ հեռախոսակապի մեջ է Հայաստանի ու Ադրբեջանի առաջնորդների հետ․ Կրեմլ

64
(Թարմացված է 14:21 27.11.2020)
ՌԴ մամուլի քարտուղարն ընդգծել է, որ նախագահի միջազգային բոլոր հեռախոսազրույցների մասին պաշտոնական հաղորդագրություններ չեն տարածվում։

ԵՐԵՎԱՆ, 27 նոյեմբերի - Sputnik. Ռուսաստանի նախագահ Վլադիմիր Պուտինն ինտենսիվ հեռախոսակապի մեջ է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Տեղեկությունն այսօր լրագրողների հետ զրույցում հայտնել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Փաշինյանի խոսքերն այն մասին, որ նա երկու հեռախոսազրույց է ունեցել Պուտինի հետ։

«Մենք նախագահի միջազգային բոլոր հեռախոսազրույցների մասին պաշտոնական հաղորդագրություններ չենք տարածում», - նշել է Պեսկովը։

Նրա խոսքով՝ Պուտինը բազմիցս նշել է, որ Ղարաբաղյան կարգավորման թեմայով նա ինտենսիվ հեռախոսային երկխոսության մեջ է Հայաստանի ու Ադրբեջանի իր գործընկերների հետ։

Ավելի վաղ ՀՀ վարչապետ Նիկոլ Փաշինյանը Facebook-ում գրել էր, որ գիշերը մեկ ժամվա մեջ երկու անգամ հեռախոսազրույց է ունեցել ՌԴ նախագահ Վլադիմիր Պուտինի հետ ու քննարկել է Արցախում տիրող իրավիճակը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1678 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

64
թեգերը:
Իլհամ Ալիև, Ադրբեջան, Հայաստան, Նիկոլ Փաշինյան, Վլադիմիր Պուտին, Դմիտրի Պեսկով
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փորձում են Հայաստանում անիշխանության տպավորություն թողնել. Փաշինյան
Եռակողմ համաձայնագիրը դատափետողները չեն ասում` առաջարկո՞ւմ են հրաժարվել դրանից. Փաշինյան
Սոթքում տեղի ունեցող գործընթացները եռակողմ հայտարարության շրջանակում են. վարչապետ

Սա ավելի շատ գլխացավանք է բերում, քան օգուտ. Անի Սամսոնյանը` ռազմական դրության մասին

0
(Թարմացված է 17:17 27.11.2020)
ԱԺ «Լուսավոր Հայաստան» խմբակցության պատգամավոր Անի Սամսոնյանը Sputnik Արմենիայի հետ զրույցում անդրադարձել է խորհրդարանում ծավալված քննարկումներին, որոնք առնչվում էին ՀՀ–ում ռազմական դրությունը չեղարկելուն։

Անի Սամսոնյանի փոխանցմամբ` իրենք գործընկերներին փորձեցին բացատրել, որ ռազմական դրության բոլոր իրավակարգավորումները հիմնականում կորցրել են իրենց գործնական նշանակությունը։ Ըստ նրա` դրանք միջոցառումների ցանկ էին, որոնք նախատեսված էին պատերազմ վարելու համար, բայց նոյեմբերի 9-ից ՌԴ անվտանգության երաշխիքով կնքված է զինադադար, մինչդեռ իշխող ուժը ցանկանում է երկրի անվտանգության առջև առկա վտանգների հիմնավորմամբ երկարաձգել ռազմական դրության ռեժիմը։

«Այս իրավական ռեժիմն արդեն գլխացավանք է բերում, քան օգուտ է տալիս։ Ասել, որ կա անվտանգության խնդիր, այդ մասին գիտենք տարիներ շարունակ, գիտենք, որ մեր բանակը կրել է կորուստներ, սակայն միևնույն ժամանակ հասկանում ենք, որ բանակի խնդիրն առնչվում է բանակի վերադասավորմանը, մեզ, ըստ էության, այդպես էլ չհամոզեցին, ուստի կա ռազմական դրությունը պահպանելու քաղաքական որոշում»,– նշեց ԱԺ պատգամավորը։

Սամսոնյանի համոզմամբ` մենք պետք է շատ արագ վերակազմավորենք մեր բանակը, իրականացնենք մոբիլ պաշտպանություն` չեզոքացնելով մեր սահմաններին կախված վտանգը։ Ըստ նրա` ադրբեջանցիներն անընդհատ դիմելու են սադրանքների, որոնց պետք է միշտ պատրաստ լինենք, սակայն պատգամավորի կարծիքով` մենք չենք կարող ապրել այս ծանր ռեժիմի պայմաններում, երբ մարդիկ չեն կարողանում լիարժեքորեն իրացնել իրենց իրավունքները։

Հիշեցնենք, որ «Լուսավոր Հայաստանն» ԱԺ-ին առաջարկել էր երկրում ստեղծված իրավիճակից դուրս գալու ճանապարհային քարտեզ, որի առաջին քայլը ռազմական դրության վերացումն է, ապա ՀՀ վարչապետ Նիկոլ Փաշինյանի հրաժարականը, քանի որ ՀՀ Սահմանադրության 115-րդ հոդվածն արգելում է ռազմական դրության ժամանակ վարչապետին անվստահություն հայտնելու գործընթացը: Ազգային ժողովը 36 կողմ, 56 դեմ, 2 ձեռնպահ ձայներով մերժեց «Լուսավոր Հայաստան» խմբակցության օրենսդրական առաջարկը՝ Հայաստանում ռազմական դրությունը չեղարկելու մասին:

0
թեգերը:
Անի Սամսոնյան, ռազմական դրություն, Հայաստան
թեմա:
Sputnik զրույց
Ըստ թեմայի
Էդմոն Մարուքյանը դիմել է ՌԴ նախագահ Վլադիմիր Պուտինին
Ինչու չի չեղարկվում ռազմական դրությունը և որքանով է այն իրավաչափ
Ռազմական դրության հիմքերը վերացել են, բայց սահմանափակումները մնում են. Գորգիսյան