Եվգենի Պետրոսյան և Ելենա Ստեպանենկո

«Երկրորդ Ջիգարխանյան կսարքեմ». սիրահարված և նիհարած Ստեպանենկոն սպառնացել է Պետրոսյանին

408
Դեռ հայտնի չէ, թե ով է սիրավեպ ունեցել` հումորի՞ստը, թե՞ նրա կինը։ Փաստաբանը սենսացիոն մանրամասներ է պատմել։

ԵՐԵՎԱՆ, 24 օգոստոսի — Sputnik. Հայտնի հումորիստներ Եվգենի Պետրոսյանի և Ելենա Ստեպանենկոյի ամուսնալուծության մասին տեղեկատվությունից երեք շաբաթ անց աստղային զույգի գործընկերներն ու ընկերները նոր սենսացիոն մանրամասներ են պատմել նրանց բաժանման պատճառների մասին։ Իրենց տեսակետները նրանք ներկայացրել են ռուսական առաջին ալիքի եթերով հեռարձակվող «Թող խոսեն» («Пусть говорят») հաղորդման շրջանակներում։

Հաղորդման գլխավոր հյուրերից մեկը Պետրոսյանի փաստաբան Սերգեյ Ժորինն էր, որը հայտնել է, որ մամուլում մի շարք ապատեղեկատվություն է շրջանառվում, և դա արվում է հատուկ։ Հումորիստի խոսքով` բոլորը գիտեն, թե ով և ինչի համար է այդ ամենը տարածում տեղեկատվական տիրույթում։

Փաստաբանը վստահեցրել է, որ իրականում «1.5 մլրդ, հղի օգնական և նամն բաներ չկան»։ Նրա խոսքով` այդ ամենն ապատեղեկատվություն է, որն ուղղված է «իրավիճակը թեժացնելուն», որպեսզի հետագայում` ամուսնալուծության ժամանակ, Ստեպանենկոն ստանա համատեղ ձեռքբերված ունեցվածքի մեծ մասը։

Իրավաբանը հերքել է նաև այն լուրերը, որ Պետրոսյանի օգնական Տատյանա Բրուխունովան է ամուսնալուծության մեղավորը։ Եվ ոչ մի «վերջին կաթիլ», որի մասին գրում է մամուլը, չի եղել, ամուսինները համատեղ կյանք չունեն արդեն 15 տարի։

Սերգեյ Ժորինը նշել է, որ նման դեպքերում բնական է վակումի առաջացումը, որը ակնհայտորեն լրացվում է ինչ-որ մեկով։ Այսպես, փաստաբանի կարծիքով, Ստեպանենկոն իրեն լավ խնամում է, հետևում, կարգի է հրավիրել կազմվածքը, նիհարել, ավելի լավ տեսք ունի, իսկ դա տեղի է ունենում, երբ «կինը սիրահարված է»։

Ժորինի խոսքով` կես տարի առաջ, երբ ամուսինների և նրանց ներկայացուցիչների միջև ունեցվածքը կիսելու մասին բանակցություններ էին գնում, Ելենա Ստեպանենկոն վերջնագիր էր ներկայացրել` ասելով. «Եթե պայմաններին չհամաձայնեք, ձեզ երկրորդ Ջիգարխանյան կսարքեմ»։

Իրավաբանը նույնիսկ հայտնել է սև մոգության մասին, որը կիրառել են իր պաշտպանյալի դեմ։ Նա պատմել է, որ Եվգենի Պետրոսյանի մահճակալի տակ վուդուի արձանիկ են հայտնաբերել, որի վրա ասեղներ են եղել։ Փաստաբանը ենթադրել է, թե ո՞ւմ ձեռքի գործը կարող է լինել, եթե ոչ նրա կնոջ։

Անդրադառնալով տեսանյութին, որն իբրև թե հաստատում է Տատյանա Բրուխունովայի հղիությունը, փաստաբանը նշել է, որ տեսանյութը երկու տարի առաջ է նկարահանվել և որևէ բանի մասին չի խոսում։

«Կասկածում եմ, որ Ելենա Ստեպանենկոյին որևէ մեկն ապատեղեկատվությամբ հունից հանել է… Եթե նա ծննդաբերեր, ապա այլևս որևէ բան կիսելու հարց չէր լինի», – եզրահանգեց իրավաբանը։

Հիշեցնենք, որ աստղային զույգի ամուսնալուծության մասին հայտնի դարձավ օգոստոսի 3-ին։ Ստեպանենկոն Պետրոսյանի հետ համատեղ ձեռք բերած ունեցվածքը կիսելու վերաբերյալ հայց է ներկայացրել դատարան։ Երգիծաբանի փաստաբան Սերգեյ Ժորինի խոսքով` նա ուզում է ստանալ ունեցվածքի ավելի քան 80%-ը։ Պետրոսյանը պատասխան հայց է ներկայացրել, որում առաջարկում է ունեցվածքը հավասարապես երկու մասի բաժանել։ Պետրոսյանն ու Ստեպանենկոն մոտ 30 տարի միասին են ապրել։

408
թեգերը:
Ռուսաստան
թեմա:
Եվգենի Պետրոսյանի և Ելենա Ստեպանենկոյի բաժանությունը (35)
Ըստ թեմայի
«Մենք հասուն մարդիկ ենք». Եվգենի Պետրոսյանի դուստրը չի սատարո՞ւմ հորը
Եվգենի Պետրոսյանն անկայուն հոգեբանական վիճակում է. փաստաբան
Եվգենի Պետրոսյանի ամուսնալուծության մութ կողմերը. 1.5 միլիարդը կարող է ֆեյք լինել
«Լենա, դու նրան ձանձրացրել ես». Ժիրինովսկին պաշտպանում է Եվգենի Պետրոսյանին
Եվգենի Պլյուշչենկոն Երևանում կներկայացնի «Ախթամար» ներկայացում-մյուզիքլը սառույցի վրա
Արմայիս Քամալով

Հայազգի բժիշկը կորոնավիրուսի դեմ պայքարի համար արժանացել է Պուտինի սահմանած շքանշանի

16
(Թարմացված է 17:31 22.09.2020)
Ռուսաստանի նախագահ Վլադիմիր Պուտինը Արմայիս Քամալովին և մյուս բուժաշ.խատողներին հանձնված պարգևները սահմանել է ընդամենը մի քանի ամիս առաջ։

ԵՐԵՎԱՆ, 22 սեպտեմբերի - Sputnik. Մոսկվայի պետական համալսարանի համալսարանական կլինիկայի տնօրեն Արմայիս Քամալովը ստացել է Ալեքսանդր Նևսկու շքանշան, իսկ մի խումբ բժիշկներ և բուժքույրեր ՝ Լուկա Կրիմսկիի և Պիրոգովի շքանշան։ Տեղեկությունը հայտնում է Ռուսաստանի Առաջին ալիքը:

Բժիշկները պարգևներ են ստացել կորոնավիրուսի դեմ պայքարում ունեցած մեծ ավանդի և մասնագիտական պարտքը կատարելիս ցուցաբերած անձնազոհության համար:

Ռուսաստանի նախագահ Վլադիմիր Պուտինն այդ պարգևները սահմանել է ընդամենը մի քանի ամիս առաջ ՝ համաճարակների դեմ պայքարում ունեցած վաստակի, բուժման առաջադեմ մեթոդների մշակման համար և ոչ միայն:

Ակադեմիկոս Արմայիս Կամալովը ծնվել է թբիլիսահայերի ընտանիքում, իսկ դպրոցն ավարտելուց հետո տեղափոխվել է Մոսկվա: Այնտեղ նա ավարտել է ինստիտուտը և սկսել աշխատել։

Ռուսաստանցի բժիշկը հայտնել է համավարակը վերջնական հաղթահարելու հավանական ժամկետները

16
թեգերը:
Արմայիս Քամալով, պարգևատրում, Վլադիմիր Պուտին, բժիշկ
թեմա:
Կորոնավիրուսը աշխարհում
Ըստ թեմայի
Հայ բժիշկները շարունակում են պայքարել կորոնավիրուսի դեմ. տեսանյութ
Հայ բժիշկը նշանակվել է Ռուսաստանի Սամարայի մարզի առողջապահության նախարար
Ռուսաստանում կորոնավիրուսի դեմ պատվաստանյութն առաջինը կստանան բժիշկներն ու տարեց մարդիկ
ՌԴ արտգործնախարար Սերգեյ Լավրով

Լավրովը ՄԱԿ–ում հանդես է եկել ՀԱՊԿ-ի անունից ու նշել անցյալի ու ապագայի սպառնալիքները

14
(Թարմացված է 16:59 22.09.2020)
ՌԴ արտգործնախարարի խոսքով` ժամանակակից պայմաններում ՄԱԿ–ը պետք է մնա արդյունավետ կառույց, որը համակարգված աշխատանք է տանում`  խստորեն հետևելով իր  կանոնադրությանը։

ԵՐԵՎԱՆ, 22 սեպտեմբերի – Sputnik.  Աշխարհում հակամարտությունները պետք է լուծվեն միայն դիվանագիտական միջոցներով։ ՄԱԿ–ի 75-ամյա հոբելյանի առիթով ասել է ՌԴ արտգործնախարար Սերգեյ Լավրովը ՀԱՊԿ անդամ երկրների անունից գլխավոր ասամբլեային ուղղված իր տեսաուղերձում։

Նրա խոսքով` 75 տարի առաջ դրվեց համընդհանուր գլոբալ տան` ՄԱԿ–ի, հիմնաքարը։

«Անցյալին նայելով՝ մենք հիանում ենք այն վճռականությամբ, որով համաշխարհային կազմակերպության հիմնադիր հայրերը ձգտում էին  միջազգային հարաբերությունների ժողովրդավարական համակարգ կառուցել։ Նրանք միավորվեցին, որպեսզի ապագա սերունդներին ազատեն պատերազմի արհավիրքներից, հավատք հաստատեն մարդու իրավունքների նկատմամբ, արդար աշխարհակարգի և սոցիալական առաջընթացի համար պայմաններ ստեղծեն», – ասել է Լավրովը։

Միևնույն ժամանակ տարիներ անց ոմանք այս մեծ ձեռքբերումը հակված են ընդունել որպես ինքնին կատարված մի բան։ Սակայն հարկ է հիշել, որ այդ ուղղությամբ արված յուրաքանչյուր քայլ իսկական սխրանք է, որոնցից գլխավորը, անկասկած, նացիզմի դեմ տարած հաղթանակն էր։ Ազատ ժողովուրդների միավորումը սարսափելի ողբերգության դեմ հիմք դարձավ նախկինում ուտոպիստական համարվող գաղափարները կյանքի կոչելու համար։

ՀԱՊԿ-ի և ՄԱԿ-ի գլխավոր քարտուղարները համատեղ հայտարարություն են արել

Այս համապատկերում, նախարարի խոսքով, բացարձակապես անհեթեթ են պատմությունը վերանայելու,  ֆաշիզմի նկատմամբ տարած հաղթանակում որոշիչ ներդրում ունեցած ժողովուրդների դերը նվաստացնելու փորձերը։  Այն սարսափելի ժամանակներում զոհվածների հիշատակը սուրբ է։

«Բոլորս պետք է հիշենք պատմության դասերը,  հարգենք ազատարար զինվորների սխրանքները, ապահովենք նրանց հիշատակին կանգնեցված հուշարձանների պահպանությունը», – նշել է նախարարը։

Ցավոք, ՄԱԿ–ի ստեղծումից հետո սկսված «սառը պատերազմը» թույլ չտվեց ամբողջությամբ բացահայտել կազմակերպության հսկայական ստեղծարար ներուժը։ Միայն 44 տարի անց, երկու անհաշտ համակարգերի աշխարհաքաղաքական դիմակայումը խորհրդանշող Բեռլինի պատի անկումից հետո, նոր հույս ծնվեց։ Խոսքն արդեն ոչ միայն ռազմական բախումները կանխելու, այլև անվստահության ու անհավասարության հաղթահարման, նեոգաղութատիրական նկրտումների զսպման, հանուն համընդհանուր ապագայի կերտման կառուցողական համագործակցություն հաստատելու մասին էր։

Այսօր, ցավոք, աշխարհի տարբեր տարածաշրջաններում շարունակվում են ռազմական հակամարտությունները։ Դրանց են գումարվում ժամանակակից սպառնալիքները՝ միջազգային ահաբեկչությունը, թմրա և կիբեռհանցագործություն, կլիմայի փոփոխություն։ Այս տարի ցանկը համալրրվեց ևս մեկ ահեղ մարտահրավերով` կորոնավիրուսի համավարակով, որը սոցիալ-տնտեսական և այլ ոլորտներում լուրջ ճգնաժամերի պատճառ դարձավ։

«Այս կապակցությամբ բավական արդիական ենք համարում ՄԱԿ–ի գլխավոր քարտուղարի` COVID–19–ի հետ կապված գլոբալ հրադադարի վերաբերյալ կոչը, որը ՀԱՊԿ անդամ–երկրները սատարեցին միաձայն», – ասել է նախարարը։

Տարեցտարի այս և բազմաթիվ այլ գլոբալ խնդիրներին արձագանքելը ավելի  ու ավելի դժվար է դառնում, հատկապես համաշխարհային հանրության  աճող անհամերաշխության պայմաններում։ Տպավորություն կա, որ այս իրավիճակը կապված է մյուս պետությունների օրինական շահերի հետ որոշ երկրների կողմից հաշվի չնստելու ցանկության հետ։

Գործի են դրվում «կանոնների վրա հիմնված աշխարհակարգի» նման հայեցակարգերի և ստանդարտների սերմանումը պետությունների ներքին գործերին միջամտելու և  ՄԱԿ–ի ԱԽ առաջնահերթությունները խախտելով՝ միակողմանի պատժամիջոցների կիրառման, անհանդուրժողականության և ատելության դրսևորումներին զուգահեռ։

ՄԱԿ-ի գլխավոր քարտուղարը կոչ է հղել Փաշինյանին և Ալիևին

Ըստ Լավրովի, սակայն, պատմության բնական ընթացքը բեկել հնարավոր չէ։  Այսօր միջազգային ասպարեզում տնտեսական աճի նոր կենտրոններ են ամրապնդվում, մեծանում է ռազմական հակամարտությունները բացառապես խաղաղ միջոցներով կարգավորելու անհրաժեշտությունը, աճում է փոխկախվածությունը։

Աշխարհը հոգնել է բաժանարար գծերից, պետությունները «յուրայինների» և «օտարների» բաժանելուց, աշխարհը բազմակողմանի փոխօգնության և համագործակցության ընդլայնում է պահանջում: Այլ կերպ ասած, 75 տարի առաջ ՄԱԿ–ի ստեղծման ժամանակ ձևակերպած նպատակները գնալով ավելի արդիական են դառնում։

«Այդ պատճառով ավելի կարևոր է մեզ համար այսօր վերահաստատել ՄԱԿ–ի Կանոնադրությանը և միջազգային իրավունքի ընդունված նորմերին մեր հավատարմությունը, շեշտը դնել ՄԱԿ–ի համակարգմամբ իրական բազմակողմանիության և գլոբալ խնդիրների լուծման կոլեկտիվ փնտրտուքներին ուղղված ջանքերի աշխուժացման անայլընտրանքայնության վրա», – ասել է Լավրովը։

Նրա կարծիքով` հոբելյանական տարեթիվը լավ առիթ է գծանշել համաշխարհային կազմակերպության հետագա գործունեությունը։ Ժամանակակից պայմաններում ՄԱԿ–ը պետք է արդյունավետ կառույց մնա, որը համակարգված աշխատանք է տանում՝ խստագույնս պահպանելով իր Կանոնադրությունը։  Չի կարելի թույլ տալ ՄԱԿ–ի համակարգի հիմնական մարմինների մանդատների լղոզում և նրանց իրավասությունների կրկնօրինակում, ինչը միայն կհետաձգի ցանկալի նպատակների իրականացումը։

ՄԱԿ–ն իր գործնական քայլերում պետք է հաշվի առնի տարածաշրջանային կազմակերպությունների, այդ թվում՝ ՀԱՊԿ–ի, փորձը։

Նախարարի խոսքով`  ՄԱԿ–ի ձեռքբերումների առյուծի բաժինը կապված է նրա խաղաղապահ գործունեության հետ։ Խաղաղությունը պահպանելուն ուղղված գործողությունների հետ այսօր, ինչպես երբևէ, մեծ հույսեր են կապվում. չէ՞ որ դրանք կոչված են լուծելու հրատապ խնդիրները, նպաստելու երկարաժամկետ կարգավորմանը։

«Միևնույն ժամանակ համաշխարհային հանրության գլխավոր խնդիրներից մեկը պետք է մնա հակամարտության կարգավորումը բացառապես խաղաղ, քաղաքա-դիվանագիտական միջոցներով, միջազգայնորեն ճանաչված բանակցային ձևաչափերի շրջանակում, միջազգային իրավունքի նորմերի հիման վրա», – ասել  է Լավրովը։

Անկասկած, առաջնահերթություն պետք է մնա ահաբեկչության և կազմակերպված հանցավորության դեմ պայքարի համագործակցության ընդլայնումը։  Տեղեկատվահաղորդակցման տեխնոլոգիաների զարգացման ֆոնին, որոնք ակտիվ կիրառվում են ահաբեկչական, հանցավոր և ռազմական նպատակներով, կարևոր խնդիր է դառնում միջազգային տեղեկատվական անվտանգության ապահովումը։

Գլոբալ կայունությունը պահպանելու համար անհրաժեշտ է խոչընդոտել  սպառազինությունների, զինաթափման և չտարածման նկատմամբ վերահսկողության համակարգի թուլացման փորձերին։ Առանձնակի ուշադրություն են պահանջում անդրսահմանային բնույթի սպառնալիքներն անդրադարձնելու խնդիրները, այդ թվում օտարերկրյա զինյալ ահաբեկիչներին հակամարտության գոտիներ տեղափոխելու, քիմիական և կենսաբանական ահաբեկչության սպառնալիքներին, ինչպես նաև խաղաղ նպատակներով տիեզերական տարածքի օգտագործումն ապահովելու հետ կապված խնդիրներին։ 

ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով

Կազմակերպության ուշադրության կենտրոնում պետք է մնա խաղաղության ամրապնդման անբաժանելի պայման հանդիսացող զարգացմանն օժանդակումը։  Կարևոր է հնարավորինս արագ ավարտին հասցնել ապագաղութացման գործընթացը, որը բարդանում է նոր պայմաններում սեփական ազդեցությունը պահպանելու՝ նախկին մետրոպոլիաների ձգտմամբ։

Լավրովն ընդգծել է, որ Կազմակերպության ճակատագիրը նրա անդամ–պետությունների ձեռքերում է։

«Մեզ անհրաժեշտ է կրկին, ինչպես 1945 թվականին, մի կողմ դնել տարաձայնություններն ու միավորվել հանուն ընդհանուր խնդիրների լուծման` հենվելով իրավահավասար երկխոսության և շահերի փոխադարձ հարգանքի վրա», – ասել է ՌԴ արտգործնախարարը։

Նրա խոսքով` ՄԱԿ–ի հարթակը դրա համար ստեղծում է  բոլոր անհրաժեշտ պայմանները։

14
թեգերը:
Հավաքական անվտանգության պայմանագիր կազմակերպություն (ՀԱՊԿ), Սերգեյ Լավրով, Միավորված ազգերի կազմակերպություն (ՄԱԿ)
Ըստ թեմայի
8 տարվա ընդմիջումից հետո Սերգեյ Լավրովը Դամասկոս է գնացել. ինչ հանդիպումներ են նախատեսված
Լավրովը խոսել է Հայաստանի ու Ադրբեջանի արտգործնախարարների հանդիպումը կազմակերպելու մասին
ՀԱՊԿ-ի և ՄԱԿ-ի գլխավոր քարտուղարները համատեղ հայտարարություն են արել
Детское насилие

Մանկատան երեխաներին ծեծել են փայտով, զրկել հիգիենայի միջոցներից. մանրամասներ

0
Ոստիկանությունը պարզել է, որ մանկատան աշխատակիցները տարբեր պատրվակներով խփել են անչափահասներին, քաշել մազերը։

ԵՐԵՎԱՆ, 22 սեպտեմբերի — Sputnik. Ոստիկանությունը մանրամասներ է հայտնել `«Մանկան տուն» մանկատան երեխաներին ծեծելու առնչությամբ հարուցված քրգործի վերաբերյալ` տեղեկացնելով, որ երեխաները տևական ժամանակ զրկված են եղել կեցության նվազագույն պայմաններից։

«Պարզվել է, որ երեխաները զրկված են եղել անձնական հիգիենայի պահպանման միջոցներից: Բացի այդ, մանկատան աշխատակիցները տարբեր պատրվակներով փայտով, ձեռքերով խփել են անչափահասներին, քաշել մազերը` նրանց պատճառելով ֆիզիկական ցավ ու հոգեկան տառապանք»,–նշված է հաղորդագրության մեջ։

Հիշեցնենք, որ քննչական կոմիտեն տեղեկացրել էր`«Մանկան տուն» ՊՈԱԿ-ի երկու աշխատակցուհիներ ձերբակալվել են՝ սաների նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով։

Փաստի առթիվ ոստիկանությունում սեպտեմբերի 18-ին հարուցվել է քրգործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով»,-նշված է հաղորդագրության մեջ։

0
թեգերը:
ՀՀ Ոստիկանություն, ծեծ, երեխա, մանկատուն