Ռուբեն Վարդանյանը՝ Ծիծեռնակաբերդի հուշահամալիրում

Կիսով չափ «Ատլանտը». Ռուբեն Վարդանյանը բիզնես համայնքի «փայատեր» է դարձել

419
(Թարմացված է 19:03 19.07.2018)
Գործարքի վրա ռուսաստանցի հայ բիզնեսմենը ծախսել է մոտ 10 միլիոն դոլար:

ԵՐԵՎԱՆ, 19 հուլիսի — Sputnik.  Ռուբեն Վարդանյանը դարձել է «Ատլանտի» բիզնես համայնքի գործընկեր, որի շրջանակներում ստեղծվելու է նոր ընկերություն: Միլիոնատերն այդ մասին հայտարարել է «Ատլանտի»-ի հիմնադիր Միխայիլ Վորոնինի հետ համատեղ մամուլի ասուլիսի ժամանակ:

«Դա հավասար գործընկերություն է՝ 50-ը 50-ի, ես բիզնես եմ մտնում cash-in պայմաններով»,- ասել է Ռուբեն Վարդանյանը:

Forbes.ru-ի տվյալներով՝ ներդրումների հստակ գումարը գործընկերները չեն բացահայտել, բայց Ռուբեն Վարդանյանն ասել է, որ գումարներն այնքան էլ մեծ չեն, նա հետաքրքրված է «ակումբային» ենթակառուցվածքներով:

Գործարքի պայմաններից տեղյակ աղբյուրի փոխանցմամբ՝ խոսքը մոտ 10 միլիոն դոլարի մասին է: Գրեթե ամբողջ գումարն ուղղվելու է «Ատլանտի» բիզնես համայնքի ենթակառուցվածքների զարգացմանը: Ըստ Ռուբեն Վարդանյանի՝ Վորոնինը ստանալու է «մի փոքր վճար»:

Վորոնինն «Ատլանտի» բիզնես ֆորումը կազմակերպում է 2016 թվականից: Միջոցառմանը մասնակցում են նշանավոր քաղաքական գործիչներ և գործարարներ. օրինակ անցած տարվա հյուրերից մեկը Միխայիլ Ֆրիդմանն էր: Ռուբեն Վարդանյանի հետ գործարքից հետո Վորոնինը դառնալու է նախագծի գործընկեր և պատասխանատու է լինելու բոլոր օպերացիոն գործընթացների համար:

«Ռուսաստանում ձեռնարկատերերը պատրաստ են ավելի բաց լինել: Նոր ներդրումները թույլ կտան զարգացնել առցանց կրթության ուղղությունը, ինչպես նաև սեփական մեդիաալիքները»:

Ռուբեն Վարդանյանն ընդգծել է, որ ֆորումի շրջանակներում բիզնես գաղափարների ֆինանսավորումից բացի նա գործընկերոջը կփոխանցի տարիների իր փորձը և գործընկերային կապերը, որոնք կարող են օգտագործվել բիզնես համայնքի ամրապնդման համար: Ստացված միջոցներն ուղղվելու են համայնքի ենթակառուցվածքների զարգացմանը:

«Ատլանտի» բիզնես համայնքը գոյություն ունի 2012 թվականից և բացի համանուն բիզնես ակումբից և ֆորումից անցկացնում է Winning the hearts ֆորումը:

«Ատլանտի» մեկ ֆորումի անցկացման արժեքը, կազմակերպիչների խոսքով, 150 միլիոն ռուբլի է: Եկամտի 80 տոկոսը գալիս է տոմսերի վաճառքից, իսկ մնացած մասը՝ հովանավորների միջոցներից:

419
թեգերը:
Ռուբեն Վարդանյան, Ռուսաստան
Ըստ թեմայի
Ռուբեն Վարդանյանն ասաց՝ ինչպես է «Ավրորան» օգնում Հայաստանին
Ռուբեն Վարդանյանը խոսեց Նիկոլ Փաշինյանին սատարելու և ԱԱԾ բացահայտումների մասին
Ռուբեն Վարդանյանը հերթական ներդրումը կանի Դիլիջանում
Կարապետյանը ներքաղաքական հարցեր է քննարկել Ռուբեն Վարդանյանի ու Նուբար Աֆեյանի հետ
Միլիարդատեր Ռուբեն Վարդանյանը գիտի` ով և ինչպես է գումար աշխատելու ապագայում
«Պոսեյդոն»

Միայն Ռուսաստանը նման զենք ունի, բայց առանց լուրջ պատճառի երբեք չի գործարկի

34
(Թարմացված է 14:17 27.05.2020)
Ռուսական անօդաչու ստորջրյա համալիրը պատասխան հարված է երաշխավորում հակառակորդի հարձակման դեպքում։ Տեխնոլոգիապես առավել զարգացած երկրների շարքում միայն Ռուսաստանը նման զենք ունի։

Ալեքսանդր Խրոլենկո, ռազմական վերլուծաբան

Ռուսական պաշտպանաարդյունաբերական համալիրում ՌԻԱ Նովոստիի աղբյուրը մայիսի 26 –ին հայտնել է, որ «Պոսեյդոն» ստորջրյա անօդաչու սարքի գործարկումը նախատեսված է 2020 թվականի աշնանը, իսկ հիմա փորձարկում են նորագույն համակարգի առանձին հանգույցներն ու ագրեգատները։ Գործարկումը կիրականացվի «Բելգորոդ» բազմաթիրախային ատոմային սուզանավից, որը նորագույն անօդաչուների առաջին փորձառու կրողն է։ Փորձարարական նավը վերամշակվել է հատուկ «Պոսեյդոնի» (նախագիծ 09852) համար ու ջուր է իջեցվել 2019 թվականի ապրիլին Սևերոդվինսկում։ Փորձարկումները կտևեն մինչև 2021 թվականը, և բարեհաջող ավարտի դեպքում «Բելգորոդն» ու «Պոսեյդոնները» կներառվեն Ռուսաստանի ռազմածովային նավատորմում։

Միջմայրցամաքային անօդաչուների առաջին հաստիքային կրողը հետագայում կդառնա «Խաբարովսկ» ատոմային սուզանավը (նախագիծ 098531), որը նախատեսվում է ջուր իջեցնել ամառվա սկզբին, փորձարկումները մոտ երկու տարի կտևեն։ Աշխարհի ոչ մի երկիր նման համակարգ կամ «Պոսեյդոնից» պաշտպանվելու միջոցներ չունի։ ՌԴ նախագահ Վլադիմիր Պուտինը «Պոսեյդոնի» մշակման մասին հայտարարել էր 2018 թվականին։ Սա Ռուսաստանի անհամաչափ պատասխանն է Արևելյան Եվրոպայում Պենտագոնի ու ՆԱՏՕ-ի հարվածային ներուժի վտանգավոր կուտակմանը, ԱՄՆ-ի հակահրթիռային պաշտպանությանը, որը կարող է կիրառվել ՌԴ-ի պաշտպանական ներուժի վերացման համար։

Անհավանական անօդաչու

«Պոսեյդոնը» ռազմավարական միջցամաքային խորջրյա սարք է` միջուկային էներգետիկ սարքավորումով, որը կարող է 1000 մետր խորության տակ մինչև 10 հազար կիլոմետր անցնել 100 հանգույց արագությամբ (185 կմ/ժամ)։

24 մետր երկարություն ու մոտ 1,6 մետր տրամագիծ ունեցող սարքը նախատեսված է ավիակիր խմբավորումները վերացնելու համար։ Երբ մեծ արագությամբ չի շարժվում, գրեթե ձայն չի հանում, այդ պատճառով այն դժվար է գտնել օվկիանոսում։ Անօդաչու ռեժիմում «Պոսեյդոնը» կարող է տեղաշարժվել այնպիսի խորության վրա ու այնպիսի արագությամբ, որն անհասանելի է հնարավոր հակառակորդի գոյություն ունեցող ու հեռանկարային սուզանավերի ու հրթիռների համար։ Կառավարման ատոմային համակարգը թույլ է տալիս հայտնաբերել և հաղթահարել հականավային սահմաններն ու պաշտպանության այլ համակարգերը։ Դա անխոցելիություն ու հարվածային անհավանական էֆեկտ է երաշխավորում։

Ռուսական մշակումը դեռ փորձարկումների փուլում է անհանգստացրել ԱՄՆ ռազմավարական հրամանատարությանը (STRATCOM)։ Նախորդ տարվա փետրվարին STRATCOM-ի ղեկավար Ջոն Հայթենը նշել էր, որ «Պոսեյդոնը» սկզբունքորեն նոր զենք է, իսկ ԱՄՆ-ում ռուսական նորույթի նմանակներ չեն մշակվում։

Ռուսաստանի պլանային վարժանքներն ու «մկների վազվզոցը». ի՞նչ է կատարվում բալթյան տարածքում

Ավելի վաղ ԱՄՆ-ում կանխատեսում-հրապարակումներ էին հայտնվել, որ իբր գլոբալ հակամարտության դեպքում ստորգետնյա սուզանավը կարող է 100-մեգատոննանոց ջերմամիջուկային մարտալիցք հասցնել ԱՄՆ-ի ափերին, ինչը կարող է ցունամի առաջացնել ու օվկիանոս տանել ամբողջ ափամերձ ենթակառուցվածքը ավիակիրների, պաշտպանական գործարանների ու քաղաքների հետ։ Այդպիսով, անօդաչու «Պոսեյդոնը» դեռ մինչ ԶՈւ անցնելը ազդեց միջազգային միջավայրի, մասամբ՝ Ռուսաստանի համար ոչ բարեկամ երկրների ռազմական ղեկավարության որոշումների վրա։ Սակայն առանց լուրջ պատճառի (օրինակ՝ ագրեսիայի ակտ ՌԴ-ի նկատմամբ) «Պոսեյդոնը» երբեք չի գործարկվի։

Առեղծվածային «Խաբարովսկ»

«Խաբարովսկ» նորագույն սուզանավն այսօր Ռուսաստանի ամենամեծ ռազմական գաղտնիքներից է։ Բաց աղբյուրների տվյալներով` նավը սկզբունքորեն նոր միջուկային էներգետիկ սարք ունի ու կարող է մինչև վեց անօդաչու «Պոսեյդոն» կրել, որը արևմտյան մամուլում «Ահեղ դատաստանի օրվա տորպեդներ» են անվանում։ «Խաբարովսկի» հիմնական բնութագրերը գաղտնի են։

Սա ստորջրյա ռազմավարական զենքի համակարգերի նոր սերունդն է։ Ատոմային կրող սուզանավերի ու «Ահեղ դատաստանի օրվա տորպեդների» «կրկնակի գաղտնիությունը արդյունավետ պատասխան-հանդիպակաց միջուկային հարված է երաշխավորում, նույնիսկ եթե հեռավոր ապագայում ԱՄՆ-ին ու ՆԱՏՕ-ին հաջողվի ցամաքում, ծովում ու տիեզերքում ՀՀՊ-ի «անխոցելի» համակարգ ստեղծել։

«Պեսեյդոնը» Ռուսաստանի տեխնոլոգիական գերակայության միակ վկայությունը չէ, բայց բավականին տպավորիչ ու սթափեցնող է հնարավոր հակառակորդի համար։ Սակայն Ռուսաստանի Դաշնությունը սպառնալիքներ ստեղծելու մոլագար ձգտում չունի։ Ավելին՝ աշխարհում ռազմավարական կայունությունն ամրապնդելու համար Մոսկվան պատրաստ է արևմտյան գործընկերների հետ քննարկել պայմանագրային արդարացի պարտավորությունները` աշխարհում կայունության հասնելու համար՝ հաշվի առնելով ռուսական սպառազինության նորագույն ռազմավարական համակարգերի հնարավորությունները։

Ինչպես խորտակվեց ու գտնվեց «Արմենիա» ջերմանավը․ ծովում տեղի ունեցած ողբերգություն

34
թեգերը:
Զենք, Ռուսաստան
Ըստ թեմայի
Կայունության գործիք. ՌԴ–ն վերսկսել է Տու-160Մ ռազմավարական հրթիռակիրների արտադրությունը
Ինչո՞ւ է Ռուսաստանն ուժեղացնում Կասպիական նավատորմը
Հայաստանն ընդլայնում է ռազմական ոլորտի սահմանագծերը. ի՞նչ է արվել վերջին 1 տարում
ՀՀ-ն $40 մլն է ծախսել հնդկական ռադարների համար. ինչու են անտեսվել ռուսական անալոգները
Արմեն Սարգսյան

«Թուրքիայի հետ բանակցությունը` ինձ վրա». ի՞նչ նախագիծ էին մտածել Սարգսյանն ու Չեռնոմիրդինը

258
(Թարմացված է 21:55 26.05.2020)
Վիկտոր Չեռնոմիրդինն ու Արմեն Սարգսյանը ծանոթացել են 1980-ականներին կեսին։ Ապագա նախագահին, որն այն ժամանակ երիտասարդ գիտնական էր, հրավիրել էին Հայաստանի գազամատակարող ընկերության աշխատանքը բարելավելուն ուղղված նախագծի աշխատանքներին մասնակցելու։

ԵՐԵՎԱՆ, 26 մայիսի – Sputnik. ՀՀ նախագահ Արմեն Սարգսյանը Sputnik Արմենիայի հետ զրույցում պատմել է, որ 90-ականներին, երբ ղեկավարում էր Հայաստանի կառավարությունը, գործընկեր Վիկտոր Չեռնոմիրդինի հետ քննարկել է սփյուռքահայերի միջոցներով ՌԴ-ում էներգաընկերության ձեռքբերելու հարցը։

«Այլ` ֆանտաստիկ գաղափարներ էլ կային՝ համատեղ ընկերություն ստեղծելու։ Սփյուռքից գումար ներգրավելու և Ռուսաստանում էներգետիկ, նավթային կամ գազային ընկերություն գնելու։ Հիշում եմ՝ երբ Վիկտոր Ստեպանովիչի  հետ քննարկում էինք դա, նրա առաջին արձագանքն էր` նորից ինչ-որ ֆանտաստիկ գաղափար ասացիր», - պատմեց նախագահը։

Սարգսյանի խոսքով՝ Չեռնոմիրդինն ասել է, որ նավթային տերություն լինելու համար պարտադիր չէ նավթ ունենալ ու որպես օրինակ է բերել Նիդեռլանդներն ու Մեծ Բրիտանիան, որտեղ նավթ չկա, բայց Shell-ի ու BP-ի պես ընկերություններ կան։ Չեռնոմիրդինն այն ժամանակ համաձայնել էր։

«Նույնիսկ Ռուսաստանից Վրաստանով ու Հայաստանով դեպի Թուրքիա գնացող գազատարի գաղափար կար։ Նա (Չեռնոմիրդինը`խմբ) իր վրա է վերցրել թուրքական կողմի հետ հարցի քննարկումը։ Այն ժամանակ Թուրքիայի վարչապետը Թանսու Չիլերն էր», - ասաց Սարգսյանը։

Նախագահն ասաց, որ Չեռնոմիրդինի գրասենյակում առաջացած մեկ այլ գաղափար էլ է կյանքի կոչվել։

«Մենք ստորագրեցինք համատեղ ընկերություն ստեղծելու մասին առաջին փաստաթուղթը։ Հետագայում դա դարձավ «ԱրմՌոսգազպրոմը» (ներկայումս «Գազպրոմ Արմենիա»` խմբ.)», - նշեց նախագահը։

Նրա խոսքով՝ ի սկզբանե նախատեսվում էր այդ ընկերությունը դարձնել ուժեղ տարածաշրջանային խաղացող, որը գազային էներգետիկ օբյեկտներ կունենա ոչ միայն Հայաստանում, այլև տարածաշրջանի այլ երկրներում։        

Լավրովը խոսել է Հայաստանի և Ռուսաստանի ռազմական համագործակցության բնույթի մասին                   

Այդպես, փոխադարձ վստահությունն ու բարեկամությունը համարձակ գաղափարների ու հետաքրքիր նախագծերի հիմք դարձան։

«Երբեք չեմ մոռանա, երբ ծանր վիճակում հիվանդանոցում պառկած էի, Վիկտոր Չեռնոմիրդինն ամեն շաբաթ կնոջս ծաղիկ էր ուղարկում»,-ավելացրեց Սարգսյանը։  

Լավրովն ասաց` ով կարող է ՀԱՊԿ դիտորդ դառնալ ապագայում

Նրանց ընկերությունը երկար տարիներ է տևել, չէր խանգարում նաև այն, որ հաճախ չէին կարողանում հանդիպել։ Երբ  Չեռնոմիրդինն արդեն հիվանդ էր, Սարգսյանը փորձում էր օգնել նրան, չէ՞ որ ժամանակին ինքն էլ էր ծանր հիվանդության միջով անցել։ Սարգսյանը հիշում է, որ Չեռնոմիրդինի համար ավելի դժվար էր, քանի որ նա այն ժամանակ արդեն կորցրել էր կնոջը։

258
թեգերը:
Արմեն Սարգսյան, Վիկտոր Չեռնոմիրդին, «Գազպրոմ Արմենիա» ընկերություն, գազ, Թուրքիա, Ռուսաստան, Սերգեյ Լավրով
Посетители на арт-объекте Приют памяти на фестивале ландшафтных объектов Архстояние

Չինացիները սկսել են տարբեր երկրներում թանկ տներ գնել

0
(Թարմացված է 14:51 27.05.2020)
2020 թվականի առաջին եռամսյակում Հարավային Կորեայի անշարժ գույքի չինական պահանջարկը նախորդ տարվա նույն ժամանակահատվածի համեմատ ավելացել է 180 տոկոսով։

ԵՐԵՎԱՆ, 27 մայիսի - Sputnik. Հարուստ չինացիները կորոնավիրուսի հետ կապված իրավիճակի համեմատաբար կայունանալուց անմիջապես հետո սկսել են ամբողջ աշխարհում թանկարժեք անշարժ գույք գնել։ Տեղեկությունը հայտնում է Bloomberg պարբերականը։

Չինացիների հետաքրքրությունների աշխարհագրությունը բավականին լայն է՝ Սինգապուրից ու Հարավային Կորեայից մինչև Ավստրալիա, Նոր Զելանդիա ու բազում այլ երկրներ։ Նշվում է, որ Չինաստանի հարուստ քաղաքացիներն այդպիսով փորձում են ապահովել ֆինանսական կայունությունը, որին կարող է ուժեղ հարված հասցնել յուանի անկումը։ Ամենամեծ պահանջարկն ունեն Շանհայում, Սեուլում ու Սիդնեյում գտնվող օբյեկտները։ Հաճախ գործարքները հեռակա տարբերակով են կնքվում, գնորդները ընտրություն են կատարում լուսանկարների ու տան մեջ վիրտուալ տուրի հիման վրա։

Juwai Iqi ռիելթորական գործակալության տվյալներով՝ 2020 թվականի առաջին եռամսյակում Հարավային Կորեայի անշարժ գույքի չինական պահանջարկը նախորդ տարվա նույն ժամանակահատվածի համեմատ ավելացել է 180 տոկոսով։ Նոր Զելանդիայում 75 տոկոսանոց աճ է գրանցվել, Մեծ Բրիտանիայում ու ԱՄՆ-ում` հակառակը, չինացի հաճախորդների կողմից պահանջարկն ընկել է համապատասխանաբար 32 ու 18 տոկոսով։

Ի՞նչ փոփոխության է ենթարկվել անշարժ գույքի շուկան. գների դինամիկա

Վերլուծաբանները նշում են, որ էլիտար անշարժ գույքի մեծ պահանջարկը տանում է դրա թանկացումը Չինաստանում ու զսպում է այլ երկրներում գների անկումը։

Ավելի վաղ հայտնի էր դարձել, որ 2020 թվականի ապրիլին ՌԴ քաղաքացիները Թուրքիայում անշարժ գույք գնելու հարցում առաջ են անցել չինացիներից։ Թուրքական օբյեկտներ գնող արտասահմանցի հաճախորդներից առաջատար են Իրանի ու Իրաքի քաղաքացիները (միասին 260 օբյեկտ են գնել), երրորդ տեղում ռուսաստանցիներն են (61 օբյեկտ), Աֆղանստանի բնակիչները չորրորդ տեղում են (54 օբյեկտ), չինացիները՝ հինգերորդ՝ (40)։

Անշարժ գույքի շուկայում ստեղծված իրավիճակը մտահոգում է վարչապետին

0
թեգերը:
առանձնատուն, աշխարհ, Անշարժ գույք, Չինաստան
Ըստ թեմայի
ԱՄՆ-ում վրեժի այնպիսի տարբերակներ են մտածում, որ Չինաստանը նախանձի Ռուսաստանին
Կորոնավիրուսն ու միջուկային մրցավազքը. ինչի՞ մեջ է ԱՄՆ–ն փորձում ներքաշել Չինաստանին
Չինաստանից մեծ թվով բժշկական պարագաներ ու սարքավորումներ են բերվել