ՌԴ ոստիկանություն

Հատուկ գործողություն Ռուսաստանում. որտե՞ղ էր առևանգած հայ գործարարը

315
(Թարմացված է 20:34 13.07.2018)
Քննչական խումբը ձերբակալել է ռուսաստանաբնակ հայ գործարարի առևանգման հետ առնչություն ունեցող քաղաքացիներին։

ԵՐԵՎԱՆ, 13 Հուլիս — Sputnik. «Օրլովսկայա Նիվա» ագրոհոլդինգի սեփականատեր, հայ գործարար Սերգեյ Բուդագովը, որին ավելի վաղ առևանգել էին Օրյոլ (Ռուսաստան) քաղաքում, օպերատիվ-քննչական խմբի կողմից հայտնաբերվել և ազատվել է։ Այս մասին հայտնում է Ռուսաստանի Քննչական կոմիտեի տարածքային վարչության կայքը։

Հուլիսի 10-ին Օրյոլ քաղաքում այգեգործական ընկերության մերձակայքում անհայտ անձինք կանգնեցրել են Lexus LX 570 մակնիշի ավտոմեքենան, որում գտնվում էր ագրոհոլդինգի սեփականատերը։

Զենքով սպառնալով` ավազակները զավթել են ավտոմեքենան և տուժածի հետ միասին ուղևորվել Լուժկովսկի գերեզմանոցի ուղղությամբ։ Այնտեղ նրանք կապել են վարորդին և թողել մեքենայի մեջ, իսկ Բուդագովին բռնի ուժով նստեցրել մեկ այլ ավտոմեքենա ու տարել անհայտ ուղղությամբ։

Տուլայի մարզի տարածքում մանրամասն ծրագրած և իրականացրած հատուկ գործողությունների ընթացքում պարզվել է Սերգեյ Բուդագովի գտնվելու վայրը։ Գործարարն արդեն ազատության մեջ է, նրա կյանքին և առողջությանը վտանգ չի սպառնում։

Ինչպես հայտնում են, Բուդագովի առևանգմանն առնչություն ունեցող անձինք ձերբակալվել են։

Քննչական խումբը շարունակում է աշխատել դեպքի վայրում (որտեղ ավազակները պահում էին գործարարին)։

315
Ըստ թեմայի
Անգործ ադրբեջանցիներն առևանգել են ռուս գործարարին
Սփյուռքահայ գործարարին «քցել» են Հայաստանում. նա խոստանում է պաշտոնյաների անուններ տալ
Ռուսաստանում կորած հայ գործարարին գտել են գլխատված վիճակում