Մառա Բաղդասարյան

Մառա Բաղդասարյանին ուզում են զրկել Ռուսաստանի քաղաքացիությունից

66
Վարորդական իրավունքի վկայականից ցմահ զրկված Մառային մի քանի օր առաջ կրկին բռնացրել են ավտոմեքենայի ղեկի դիմաց։ «Տրեզվայա Ռոսիա» դաշնային նախագծի ղեկավար Սուլթան Համզաևի համբերության բաժակը լցվել է։

ԵՐԵՎԱՆ, 10 հուլիսի — Sputnik. «Տրեզվայա Ռոսիա» դաշնային նախագծի ղեկավար Սուլթան Համզաևն առաջարկել է սկանդալային Մառա Բաղդասարյանին զրկել Ռուսաստանի քաղաքացիությունից։ Համապատասխան ուղերձը նա հղել է Սահմանադրական դատարանի նախագահ Վալերի Զորկինի անունով, հաղորդում է ՌԻԱ Նովոստին։

Հուլիսի 6-ի, լույս 7-ի գիշերը ոստիկանները Մոսկվայում կանգնեցրել են Mercedes մակնիշի մեքենան, որը վարել է Մառա Բաղդասարյանը։

Հիշեցնենք, որ դատարանի որոշմամբ` Բաղդասարյանը ցմահ զրկվել է վարորդական իրավունքից։ 24-ամյա մրցարշավորդին բազմիցս ձերբակալել են և տուգանել ճանապարհային երթևեկության կանոնները խախտելու համար, սակայն տուգանքների մեծամասնությունը նա մինչև հիմա չի վճարել։

«Տրեզվայա Ռոսիայի» ղեկավարը կարծում է, որ աղջիկն իր պահվածքով լիովին վարկաբեկել է իրեն և արժանի չէ Ռուսաստանի քաղաքացիության», — նշված է կազմակերպության հաղորդագրությունում։

Հիշեցնենք, որ Մառա Բաղդասարյանը 2016 թվականի մայիսին հայտնի էր դարձել որպես Gelandewagen-ով սկանդալային մրցավազքի մասնակից։ Նրան ձերբակալել էին 2016 թվականի նոյեմբերին Մոսկվայի Լենինյան պողոտայում։ Mercedes-ով մրցավազքը, որը քրեական գործ հարուցելու պատճառ էր դարձել, «Լուկոյլ» ընկերության փոխնախագահի որդի Ռուսլան Շամսուարովն ու նրա ընկերներն իրականացրել էին 2016 թվականի մայիսին, ընդ որում` իրենց արկածները հեռարձակել էին համացանցում։ Որոշ տվյալների համաձայն` Մառա Բաղդասարյանը Շամսուարովի ընկերուհին է։

Մառա Բաղդասարյանը մի քանի տասնյակ ՃՏՊ-ների մասնակից է։ 2015 թվականին նա իր ընկերների հետ եղել է BMW-ի մեջ, որը դուրս է եկել հանդիպակաց գոտի և բախվել մեծ Range Rover-ին։ Վթարից հետո 2 մարդ մահացել էր, իսկ Բաղդասարյանը կոմայի մեջ էր հայտնվել։

2017 թվականի մարտին դատարանը Բաղդասարյանին զրկել էր մեքենա վարելու իրավունքից, հուլիսին դատապարտել էր 600 ժամ ուղղիչ աշխատանքների։

66
Ըստ թեմայի
Մրցարշավորդ Մառա Բաղդասարյանն ուզում է ազատվել «Մերսեդեսից»
Մառա Բաղդասարյանը դատի է տվել Ճանապարհային երթևեկության անվտանգության պետական տեսչությանը
Առանց վարորդական իրավունքի մրցարշավորդը. արկածախնդիր Մառա Բաղդասարյանին կրկին տուգանել են
Սկանդալային Մառա Բաղդասարյանն «ուրախացրել» է իր նոր վարորդական իրավունքի վկայականով