մեկուսարան

Երկու հայ «օրենքով գող» դուրս են եկել ռուսական բանտից

557
Երկուսին էլ ազատազրկել էին թմրանյութերի պատճառով, երկուսն էլ 3-4 տարի ազատազրկման էին դատապարտվել, երկուսն էլ նույն օրը դուրս եկան։

ԵՐԵՎԱՆ, 22 հունիսի — Sputnik. Ռուսաստանում մեկ օրվա ընթացքում ազատ են արձակվել երկու հայ «օրենքով գողեր»` Ռուբեն Քոսյանն ու Արսեն Մկրտչյանը։ Սեփական աղբյուրներին վկայաբերելով` այս մասին հայտնում է «Փրայմ քրայմ» գործակալությունը։

Արսեն Մկրտչյանը (Արսեն Երևանցի) հայտնի «օրենքով գողերից» մեկի` Մայիս Մկրտչյանի (հայտնի էր «Կնդո» մականունով, մահացել է 2005 թվականին) զարմիկն է։ Նա հաստատվել է Կալուգայի շրջանում և այնտեղ մեծ ազդեցություն ունի։ Արսեն Երևանցին թմրանյութեր պահելու համար 3,5 տարվա ազատազրկման էր դատապարտվել անցյալ տարվա սեպտեմբերին։

Աղբյուրի տվյալներով` Արսեն Երևանցու ազատազրկման ժամկետը նվազեցրել են առողջական վիճակի պատճառով։ Նշենք, որ Կալուգայի «օրենքով գողն» առաջին անգամ էր հայտնվել բանտախցում։

Ռուբեն Քոսյանը, որը գողական աշխարհում հայտնի է որպես Ռուբեն Իվանովսկի, երկար տարիներ գործունեություն է ծավալել ՌԴ Իվանովսկի մարզում և այնտեղ հզոր դիրքեր է զբաղեցնում։ 2015 թվականի ամռանը նրան 3 տարվա ազատազրկման էին դատապարտել թմրանյութեր պահելու համար։

557
Ըստ թեմայի
Օրենքով գողին` թմրանյութի համար. Ալեքսանդր Մակարյանին մեղադրանք է առաջադրվել
Ոստիկանները խուզարկել են «օրենքով գողերի» և քրեական հեղինակությունների տները. տեսանյութ
«Օրենքով մեկենասը». ո՞վ է Դոն Պիպոն, և ինչպես նա դարձավ Օռնելա Մուտիի սիրելի հայը
Airbus A320

Մոտ 200 ռուսաստանցիներ արտագնա չվերթով Հայաստանից Ռուսաստան են վերադարձել

8
Քաղաքացիների գրանցման և նստեցման գործընթացն անցել է բնականոն ռեժիմով՝ պահպանելով Հայաստանի պարետատան սահմանած անվտանգության բոլոր միջոցները:

ԵՐԵՎԱՆ, 27 մայիսի – Sputnik․ ՌԴ քաղաքացիների՝ հայրենիք վերադառնալու համալիր աշխատանքների շրջանակում մայիսի 27-ին Երևան-Նովոսիբիրսկ-Եկատերինբուրգ արտագնա չվերթով 195 մարդ է մեկնել: Տեղեկությունը հայտնում է Հայաստանում ՌԴ դեսպանատունը։

Չվերթն իրականացրել է «Ուրալյան ավիաուղիներ» ինքնաթիռը։ Դեսպանատան հյուպատոսական բաժնի դիվանագետները «Զվարթնոց» օդանավակայանում համակարգել են ուղևորների գրանցման և նստեցման գործընթացը և քաղաքացիներին անհրաժեշտ աջակցություն ցուցաբերել։ Ողջ գործընթացն անցել է բնականոն ռեժիմով՝ պահպանելով ՀՀ պարետատան սահմանած անվտանգության բոլոր միջոցները:

«Ռուսաստանցիներին տուն վերադարձնելու ուղղությամբ աշխատանքները շարունակվում են»,- նշված է դեսպանատան հայտարարության մեջ։

Վերջին ամսվա ընթացքում Հայաստանից Ռուսաստանի տարբեր մարզեր մեկնել է ընդհանուր առմամբ 637 ռուսաստանցի։ Արտագնա չվերթներ են կազմակերպվել դեպի Վորոնեժ, Սանկտ-Պետերբուրգ, Մոսկվա և այլ քաղաքներ։

«Արմենիա» ավիաընկերությունը չեղարկել է առաջիկա բոլոր կանոնավոր չվերթերը

Հիշեցնենք, որ կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։

Օրը հայտնի է. ՀՀ քաղաքացիներին Երևան կտեղափոխեն Մինսկից, Դամասկոսից ու Սանկտ Պետերբուրգից

8
թեգերը:
դեսպանատուն, չվերթ, Ռուսաստան, Հայաստան
Ըստ թեմայի
Հայաստանի և այլ երկրների քաղաքացիներ Կահիրեից թռել են «Բելավիայի» չվերթով
Հայաստան-Ռուսաստան կանոնավոր չվերթերը կբացվեն. ինչ են պարտավոր անել Հայաստան եկածները
Ryanair պատրաստվում է հուլիսի 1-ից վերականգնել իր չվերթերի 40%-ը
Ռուսաստանի տարբեր քաղաքներից 6 չվերթ է նախատեսվում դեպի Երևան. երբ են դրանք կայանալու
 Airbus A320

Սանկտ Պետերբուրգից Հայաստան են վերադառնում 225 քաղաքացի. նրանց մեջ զորակոչիկներ կան

10
(Թարմացված է 19:33 27.05.2020)
Չարտերային չվերթով Հայաստան են վերադառնում նաև 5 զորակոչիկ: Նրանց ու ևս 14 անվճարունակ քաղաքացիների ուղևորատոմսերի համար վճարել են բարերարները։

ԵՐԵՎԱՆ, 27 մայիսի - Sputnik. Ժամեր առաջ Ռուսաստանի հյուսիսային մայրաքաղաք Սանկտ Պետերբուրգից դեպի Երևան ուղևորվեց հերթական չարտերային թռիչքը։ Սանկտ-Պետերբուրգում ՀՀ գլխավոր հյուպատոսությունը հայտնում է, որ չվերթը մեկնարկել է ՌԴ ժամանակով ժամը 16.05-ին։

«Հայաստանի Հանրապետություն վերադարձավ 225 քաղաքացի, 5-ը` մինչև երկու տարեկան երեխա: 19 քաղաքացու ուղևորատոմսի արժեքը վճարվել է տեղի հայ բարերարների կողմից՝ գլխավոր հյուպատոսության միջնորդությամբ, որոնցից 5-ը զորակոչիկ են, մնացածը՝ անվճարունակ»,- նշված է հյուպատոսության հաղորդագրության մեջ։

Նշենք, որ Սանկտ-Պետերբուրգում ՀՀ գլխավոր հյուպատոսության ջանքերով կազմակերպված չվերթն իրականացնում է «Ուրալյան ավիաուղիներ» ընկերությունը։

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան ՀՀ քաղաքացիների, այսպես կոչված, տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց ինքնամեկուսացման պահանջ է ներկայացվում։

10
թեգերը:
դեսպանություն, Ռուսաստան, Հայաստան, կորոնավիրուս, չվերթ
Ըստ թեմայի
«Արմենիա» ավիաընկերությունը չեղարկել է առաջիկա բոլոր կանոնավոր չվերթերը
Brussels Airlines-ը վերսկսում է Երևան-Բրյուսել-Երևան կանոնավոր չվերթերը
Մոտ 200 ռուսաստանցիներ արտագնա չվերթով Հայաստանից Ռուսաստան են վերադարձել
Գոռ Հարությունյան

Գոռին տուն ճանապարհեցին. ինչերի միջով է անցել փոքրիկը հիվանդանոցային 9 ամիսների ընթացքում

17
Գոռն իր կարճ կյանքի ընթացքում մի շարք վիրահատություններ ու բարդ թերապիաներ է անցել։ Բժիշկների ջանքերի շնորհիվ փոքրիկը կազդուրվել է, և չնայած վերականգնողական կուրսը շարունակվում է, նրան տուն են ճանապարհել։

ԵՐԵՎԱՆ, 27 մայիսի – Sputnik․ Այսօր 9 ամսական Գոռ Հարությունյանին դուրս գրեցին Երևանի «Սուրբ Աստվածամայր» հիվանդանոցից։ Փոքրիկը հիվանդանոցի պատերից բացի դեռևս ոչինչ չի տեսել։ Լույս աշխարհ գալուց անմիջապես հետո նրան այստեղ են բերել, իսկ հաջորդ օրն արդեն վիրահատել են։

Կորոնովիրուսով վարակված 4-ամյա փոքրիկի վիրահատությունը 1.5 ժամ է տևել

Բժիշկները նրա մոտ կերակրափողի ատրեզիա՝ անանցանելիություն էին հայտնաբերել դեռ մինչև ծնվելը, բայց կրծքավանդակի բաց վիրահատությունից հետո կերակրափող-շնչափողային խուղակ հայնաբերվեց։

«Սուրբ Աստվածամայր» ԲԿ-ի վիրաբուժական գծով փոխտնօրեն Դավիթ Դալլաքյանը պատմեց, որ երեխան ծնվել է 1500 գրամ քաշով։ Այդ պատճառով բժիշկները ստիպված են եղել բացել կրծքավանդակը, տորակոսկոպիա իրականացնել և փակել խուղակը։

Врач Давид Далакян во время выписки 9-месячного Гора Арутюняна
© Sputnik / Aram Nersesyan
Դավիթ Դալլաքյան

Մեկ շաբաթ անց երեխայի մոտ նոր կերակրափող են ձևավորել։ Բայց նրա մոտ կլլման ակտի խանգարում է հայտնաբերվել, և փոքրիկի սնուցումն ապահովելու համար բժիշկները նրա ստամոքսում խողովակ են տեղադրել։

Որոշ ժամանակ անց կարերի հատվածում կերակրափողը նորից է սկսել նեղանալ։ Բժիշկները կրկին վիրահատել են կերակրափողը։ Հիմա երեխայի վիճակը կայունացել է, բայց նրան շարունակում են կերակրել ստամոքսի խողովակով, քանի որ դեռևս կլլման ակտի խանգարումներ կան։

«Հուսով ենք՝ ժամանակի ընթացքում խնդիրը կվերանա, և երեխան կկարողանա բերանով սնվել։ Մենք ուրախ ենք, որ նա վերջապես տուն է գնալու։ Տնային պայմաններում և ընտանեկան միջավայրում ավելի շուտ կկազդուրվի»,- ասաց բժիշկը։

9-месячный Гор Арутюнян
© Sputnik / Aram Nersesyan
Գոռ Հարությունյան

Նա ավելացրեց, որ Հայաստանում տարեկան 10-12 երեխայի կերակրափողի անանցանելիության վիրահատություն է արվում։ 90 տոկոսի դեպքում երեխաները ողջ են մնում և վերադառնում են սովորական կյանքին։

Գոռի մայրը՝ Արփինե Հարությունյանը, ավելացրեց, որ 9 ամիս շարունակ փոքրիկի հետ միասին գտնվել է բժշկական կենտրոնում և երբեք հույսը չի կորցրել, որ երեխան կբուժվի։

«Երեխայի խնդիրների մասին հղիության ընթացքում իմացա։ Այն ժամանակ ինձ ասացին, որ ողջ մնալու հավանականությունը 50-50 է, և ես պատրաստ էի ցանկացած սցենարի՝ թե՛ լավ, թե՛ վատ։ Բայց հիմա համոզված եմ, որ իմ ուժեղ տղան հաղթելու է»,- ասում է երիտասարդ կինը։

Мама 9-месячного Гора, Арпине Арутюнян
© Sputnik / Aram Nersesyan
Արփինե Հարությունյանը որդու` Գոռի հետ

Նա վստահ է, որ բժիշկների ջանքերով երեխան կկարողանա հաղթահարել բոլոր դժվարությունները, և իրենք օրինակ կդառնան հուսահատված ծնողների համար։ Կինն ավելացրեց, որ այս պահին երեխայի քաշը 4920 գրամ է, նա վերականգնողական թերապիա է անցնում, և եթե ամեն ինչ լավ ընթանա, շուտով կշարունակի ապրել այնպես, ինչպես իր տարիքի մյուս երեխաները։

9-месячный Гор Арутюнян
© Sputnik / Aram Nersesyan
Գոռ Հարությունյան

Կապանցի 7-ամյա տղային Մոսկվայում վիրահատել են. մանրամասներ

17
թեգերը:
բժիշկ, երեխա, հիվանդանոց
Ըստ թեմայի
«Դու մենակ չես». «Միսս Հայաստան» դառնալու երազանքը 8-ամյա Էլենին օգնեց հաղթահարել քաղցկեղը
«Դու մենակ չես». ապարանցի Ռոմիկն ուզում է առողջանալ, գեղեցիկ կին ու «Յաշիկ» ունենալ
«Դու մենակ չես». Գավառի դատարանի 5–ամյա «շեֆն» ու ցավոտ կատետորները. ինչ է երազում Աշոտը