Նիկոլ Փաշինյան

Մոսկվայում կհանդիպեն արդյո՞ք վարչապետ Փաշինյանն ու նախագահ Ալիևը. պատասխան Երևանից

151
(Թարմացված է 14:23 11.06.2018)
Արդյո՞ք ՀՀ վարչապետ Նիկոլ Փաշինյանը Մոսկվայում կհանդիպի Ադրբեջանի նախագահ Իլհամ Ալիևի հետ։

ԵՐԵՎԱՆ, 11 հունիսի — Sputnik. Մոսկվայում ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպում չի նախատեսվում։ Այս մասին Sputnik Արմենիայի հետ զրույցում ասաց ՀՀ վարչապետի մամուլի քարտուղար Արման Եղոյանը։

Ավելի վաղ հայտնի էր դարձել, որ Ֆուտբոլի աշխարհի առաջնության բացման արարողությանը կմասնակցի նաև ՀՀ վարչապետ Նիկոլ Փաշինյանը։ Դա կլինի վարչապետի կարգավիճակում նրա առաջին այցը Մոսկվա։ Բացման արարողությանը ներկա է լինելու նաև Ադրբեջանի նախագահ Իլհամ Ալիևը։

«Մոսկվայում Հայաստանի վարչապետի ու Ադրբեջանի նախագահի հանդիպում չի նախատեսվում», – ասաց Եղոյանը։

Հիշեցնենք` Ֆուտբոլի աշխարհի առաջնության խաղերն անցկացվելու են Մոսկվայում, Սանկտ Պետերբուրգում, Կազանում, Սոչիում, Եկատերինբուրգում, Կալինինգրադում, Սամարայում, Սարանսկում, Դոնի Ռոստովում, Վոլգոգրադում։ Բացման խաղը տեղի կունենա հունիսի 14-ին` Մոսկվայի «Լուժնիկի» մարզադաշտում։ Առաջնության եզրափակիչ խաղը նույնպես կանցկացվի «Լուժնիկի» մարզադաշտում հուլիսի 15-ին։

151
թեգերը:
Իլհամ Ալիև, Նիկոլ Փաշինյան, Ռուսաստան
Ըստ թեմայի
Աշխարհահռչակ տնտեսագետը լավ արդյունքներ ունենալու գաղտնիքներն է բացել Նիկոլ Փաշինյանին
Նիկոլ Փաշինյանը Մոսկվայում կմասնակցի Ֆուտբոլի աշխարհի առաջնության բացմանը
Նիկոլ Փաշինյանը ևս մեկ պաշտոնյայի ազատեց պաշտոնից