ԵՐԵՎԱՆ, 7 հունիսի — Sputnik. Այսօր Վլադիմիր Պուտինին ուղիղ կապի ժամանակ բարդ հարց տվեցին։
Ռուսաստանի նախագահը կարդում էր ռուսաստանցիներից ստացվող հարցերը։ Մի հետաքրքրասեր քաղաքացի հարցրեց, թե ինչու են կովի մսին տավարի միս ասում։ Ռուսաստանի նախագահը վերահասցեավորեց հարցը այդ ոլորտի փոխվարչապետ Ալեքսեյ Գորդեևին։
– Ինչո՞ւ է կովի միսը տավարի միս կոչվում, – հարցրեց Պուտինը Գորդեևին։
– Ամոթ է, բայց չեմ կարող պատասխանել այդ հարցին։ Պետք է բառարանում նայեմ, – պատասխանեց փոխվարչապետը։
Տավար նշանակում է խոշոր եղջերավոր անասուն։ Դրա համար կովի մսին անվանում են «տավարի միս»։
Հունիսի 7-ին արդեն 16-րդ անգամ Վլադիմիր Պուտինը պատասխանում էր քաղաքացիների հարցերին ուղիղ եթերով։ Սակայն այս տարի ուղիղ կապի ձևաչափը փոխվել էր. տաղավարում հանդիսատես չկար, իսկ նախագահի հետ կապի մեջ էին մարզպետներն ու կառավարության անդամները։
