ՌԴ քննչական կոմիտեի ղեկավարին Մաճկալյանն անձամբ կպատմի իր կնոջը սպանած բժիշկների մասին
(Թարմացված է 23:19 22.05.2018)
Ծագումով հայ ՌԴ քաղաքացին Վոլգոգրադում կորցրել է կնոջը և երկար սպասված որդուն։ Նա պնդում է, որ ողբերգությունը տեղի է ունեցել բժիշկների հանցավոր անփութության հետևանքով։ԵՐԵՎԱՆ, 22 մայիսի — Sputnik. Ողբերգական դեպք է տեղի ունեցել Վոլգոգրադի բնակիչ 27-ամյա Արամ Մաճկալյանի հետ։ Հղի կնոջն ու որդուն կորցրած քաղաքացին պնդում է, որ նրա կինը` Ելենա Մաճկալյանը, մահացել է բժիշկների անփութության պատճառով, գրում է «ԱԻՖ»-ը։
Օրերս հայտնի են դարձել անկախ փորձաքննության արդյունքները։ Պարզվել է, որ Արամի կնոջ լյարդը փոխել են տղամարդու լյարդով, որպեսզի ապացուցեն «հեպատիտ» ախտորոշումը։
Հղիության 30-րդ շաբաթում գտնվող աղջկան 2017թ.-ի հունվարին բժիշկները նախ ուղղորդել են հիվանդանոց, այնտեղից էլ` ծննդատուն, հետո կրկին` հիվանդանոց, ապա կրկին սկսված արյունահոսությամբ ուղարկել են պերինատալ կենտրոն։ Այնտեղ կատարվել է անհետաձգելի կեսարյան հատում, սակայն երեխայի կյանքը փրկել չի հաջողվել, իսկ ծննդկանն ընկել է կոմայի մեջ։
«Կեսարյան հատումից հետո բժիշկները որոշեցին նրան տանել Վոլգոգրադի շրջանային հիվանդանոց։ Նա այտուցված էր և կոմայի մեջ։ Մինչ մեր ճանապարհներով հասանք, նա երկու կլինիկական մահ էր տարել», — հիշում է Արամ Մաճկալյանը։
©
Sputnik / Сергей Гунеев
Մի քանի ժամ անց Ելենայի ծնողները զանգահարել են հիվանդանոց` աղջկա վիճակի մասին տեղեկանալու, բայց այնտեղ պատասխանել են. «Ինչու՞ եք նրան բերել այստեղ։ Նրա վրա կենդանի տեղ չկա։ Նա կենդանի դիակ է»։
Ելենան մահացել է 2017թ-ի հունվարի 26-ին։ Իր գեղեցկուհի կնոջն ու երկար սպասված որդուն հողին հանձնելով` Արամը երդվել է գտնել ճշմարտությունը և ապացուցել բժիշկների մեղքը։ Դրանից հետո նրա ամեն օրն սկսվում է տարբեր աստիճանի պաշտոնյաների հետ շփումներով, դատախազություն և քննչական կոմիտե այցերով։
Որպես Ելենա Մաճկալյանի մահվան նախնական պատճառ բժիշկները նշել են «աուտոիմունային հեպատիտը», «DIC ախտանիշը»։ Բայց Արամը հասել է կրկնակի փորձաքննության, որի արդյունքներն ստացել է 2018թ-ի մայիսին. ստացել է և ապշել։
Պարզվել է, որ լյարդի նմուշները, որոնք ներկայացվել են նախորդ հետազոտությանը, չեն պատկանում Ելենային։ Դրանք վերցվել են անհայտ տղամարդուց, որը հեպատիտով հիվանդ է եղել։ Այսինքն 27 տարեկան կինը ոչ մի «աուտոիմունային հեպատիտ» չի ունեցել։
Արամ Մաճկալյանը հավատում է, որ հետաքննության մարմիններն անպայման կպարզեն ամեն ինչ և կպատժեն մեղավորներին։ Նա մեկնելու է Մոսկվա, որպեսզի հանդիպի ՌԴ քննչական կոմիտեի ղեկավար Ալեքսանդր Բաստրիկինի հետ և անձամբ պատմի իր անձնական ողբերգության մասին։
Հանդիպումը տեղի կունենա մայիսի 23-ին։
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Սպանություն Ռուսաստանում. ծեծկռտուքի մասնակիցների թվում հայեր ու ադրբեջանցիներ կան
(Թարմացված է 18:50 02.03.2021)
Դանակի հարվածներ ստացած երիտասարդը մահացել է հիվանդանոցում։ Մարդասպանի նկատմամբ հետախուզում է հայտարարվել։ԵՐԵՎԱՆ, 2 մարտի – Sputnik. Կրասնոդարի երկրամասում քննիչները պարզում են ռուսների, հայերի և ադրբեջանցիների մասնակցությամբ տեղի ունեցած զանգվածային ծեծկռտուքի պատճառները: Իրավապահներն արդեն հետախուզում են հայտարարել 22-ամյա երիտասարդին դանակահարած և նրա 31-ամյա ընկերոջը վնասվածք հասցրած տղամարդու նկատմամբ: Ինչպես հաղորդում է տեղական «Ռեգիոն Online» կայքը, Բելորեչենսկում տեղի ունեցած սպանությունից հետո քաղաքի բնակիչները ծեծկռտուքը կապում են մասնակիցների ազգության հետ:
Նշվում է, որ միջադեպի ժամանակ մասնակիցներից մեկը դանակով հարվածել է 22-ամյա երիտասարդի կրծքին և վնասվածքներ հասցրել նրա 31-ամյա ընկերոջ որովայնին: Չնայած ցուցաբերված բուժօգնությանը՝ երիտասարդը մահացել է հիվանդանոցում։ Սպանվածի և վիրավորի ինքնությունը չի նշվում։
Քննիչները պաշտոնապես չեն հայտարարել ազգամիջյան թշնամանքի հավանականության մասին։ Իսկ Բելորեչենսկի շրջանում Ռուսաստանի հայերի միության բաժանմունքի ղեկավար Ռուբեն Մադելյանը հայտարարել է, որ ազգամիջյան բախման նշաններ չկան։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Միաժամանակ Բելորեչենսկի շրջանի ադրբեջանական համայնքի ներկայացուցիչ Աֆղանօղլի Ալազովը կայքին ասել է` ինքն ամաչում է, որ իր ազգի ներկայացուցիչներն այդպես են վարվել։
«Նման բան չպետք է լիներ։ Նա խայտառակել է ազգին, ես ներողություն եմ խնդրում նրա փոխարեն», – նշել է Ալազովը։
Նրա ասածից կարելի է ենթադրել, որ հետախուզման մեջ գտնվող ենթադրյալ հանցագործը ծնունդով Ադրբեջանից է։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
թեգերը:
Սահմանադրությունը չի նախատեսում ԳՇ պետին ազատելու ընթացակարգ. Մելոյան
(Թարմացված է 13:06 03.03.2021)
Սահմանադրագետ Գոհար Մելոյանը Sputnik Արմենիայի եթերում նշել է, որ տեսակետը, թե «Զինվորական ծառայության և զինվորական կարգավիճակի մասին» օրենքի 40-րդ հոդվածը չարաշահման տեղիք է տալիս։«Սահմանադրությունը չի նախատեսում ԳՇ պետին ազատելու ընթացակարգ». Մելոյան
ՀՀ սահմանադրությամբ ամրագրված է ԶՈւ ԳՇ պետին և այլ զորքերի բարձրագույն հրամանատարական կազմին նշանակելու դեպքերն ու կարգը և չի նախատեսում նրանց ազատելու ընթացակարգ։ Sputnik Արմենիայի հետ զրույցում նման կարծիք հայտնեց սահմանադրագետ Գոհար Մելոյանը։
«139-րդ հոդվածում բացառապես խոսվում է միայն ԳՇ պետի նշանակելու մասին, այսինքն` վերջինիս ազատելու հնարավորություն սահմանադրությունը ո՛չ նախագահին, ո՛չ վարչապետին չի տալիս»,- ասաց նա։
Նրա խոսքով` նույն հոդվածում նշվում է, որ ԶՈւ ամենաբարձր պաշտոնատար անձը ԳՇ պետն է, և որ սահմանադիրը նրան տվել է հատուկ կարգավիճակ` առանձնացնելով ԶՈւ և բարձրագույն հրամանատարական կազմից` հաշվի առնելով ԶՈւ նշանակությունը ՀՀ անվտանգության և անձեռնմխելիության տեսանկյունից։ Սա ևս, ըստ սահմանադրագետի, բխում է սահմանադրության ընդհանուր դրույթներից։ Այս դեպքում հարց է ծագում` ինչպե՞ս և ո՞ր դեպքում ԳՇ պետը կարող է ազատվել կամ հեռացվել զբաղեցրած պաշտոնից։
«ԳՇ պետն ազատվում է իր պաշտոնից ընդհանուր հիմունքներով, այսինքն` իր դիմումի համաձայն, քաղաքացիության կորստի, մահվան, օրինական ուժի մեջ մտած մեղադրական դատավճռի առկայության և նմանատիպ դեպքերում»,- պարզաբանեց Մելոյանը։
Սահմանադրագետի դիտարկմամբ` այն, որ մի շարք անձինք նշում են, թե «Զինվորական ծառայության և զինվորական կարգավիճակի մասին» օրենքի 40-րդ հոդվածը բարձրագույն հրամանատարական, զինվորական պաշտոն զբաղեցնող անձանց պաշտոնից ազատելու հայեցողական հնարավորություն է ընձեռում, չարաշահման տեղիք է տալիս։
«Այս օրենքը ևս իր հերթին չի կարող տարածվել ԳՇ պետի վրա, որովհետև, նախ` Սահմանադրությունը նման հնարավորություն չի նախատեսում, բացի այդ, սահմանադրությունը մեր օրենսդրական դաշտի բարձրագույն օրենքն է և վերադաս է այլ օրենքների նկատմամբ»,- նշեց Մելոյանը։
Հիշեցնենք` ՀՀ նախագահի մամուլի ծառայությունը եչել տեղեկություն էր տարածել, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը։
Միաժամանակ նշվում էր, որ Սարգսյանը կդիմի Սահմանադրական դատարան, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։