ԵՐԵՎԱՆ, 22 ապրիլի — Sputnik. Ռուսաստանաբնակ հայազգի հանդիսավար Գարիկ Մարտիրոսյանը ևս անտարբեր չէ հայաստանյան իրադարձությունների նկատմամբ: Նա Instagram-ի իր էջում արձագանքնել է այս օրերին Երևանում և Հայաստանի տարբեր մազերում ժողովրդական հանրահավանքներին ու բողոքի ցույցերին՝ նշելով, որ լրջորեն անհանգստացած է երկրի ներկայի և ապագայի համար:

© Photo : press office of the Parliament of RA

Կոչ եմ անում զերծ մնալ իրավիճակը լարելու փորձերից և դրսևորել զսպվածություն. Սարգսյան

«Ողջույն բոլորին: Ինչպես հայրենիքի սահմաններից դուրս ապրող իմ հայրենակիցներից շատերը, այնպես էլ ես անհանգստությամբ եմ հետևում Հայաստանում ծավալվող իրադարձություններին: Ես չեմ կարող և չեմ ցանկանում անտարբեր մնալ, քանի որ սիրում եմ իմ հայրենիքը և շատ եմ անհանգստանում դրա ապագայի համար, որը կապված է ներկայի հետ:

Իսկ մեր ներկան այսօրվա դրությամբ այսպիսին է՝ արդեն 7 օր է՝ Երևանում և երկրի շատ ուրիշ քաղաքներում մեծ թվով քաղաքացիներ արտահայտում են իրենց բողոքը: Ես ոչ քաղաքագետ եմ, ոչ քաղաքական գործիչ, ոչ չինովնիկ և այդ պատճառով կարող եմ մտածել միայն որպես հասարակ քաղաքացի»,- նշել է հանդիսավարը:

Նա հավելել է, որ չնայած մեկշաբաթյա բողոքն անցնում է խաղաղ, սակայն օրեցօր կրքերն ավելի են բորբոքվում, մարդիկ անհանգստացած են, և պատկան կառույցների յուրաքանչյուր սխալ քայլ կարող է անդառնալի ողբերգական հետևանքներ ունենալ:

Ուստի Գարիկ Մարտիրոսյանը հորդորում է բոլոր նրանց, ովքեր կարող են ազդել իրադարձությունների հետագա զարգացումներին, մեծ պատասխանատվությամբ վերաբերվել մարդկանց ճակատագրերին, լինել իմաստուն, հավասարակշիռ, հարգել ժողովրդին և արյունահեղություն թույլ չտալ:

Ամեն դեպքում նա լավատեսորեն է տրամադարված և հույս է փայփայում, որ ամեն ինչ բարեհաջող կավարտվի: Գարիկը հավատում է Հայաստանին և հայ ժողովրդին:

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը