ԵՐԵՎԱՆ, 17 ապրիլի — Sputnik. Մոսկովյան «Արարատի» նախկին մարզիչ Ալեքսանդր Գրիգորյանի գլխավորած Վլադիվոստոկի «Լուչ Էներգիա» ֆուտբոլային ակումբի երկրպագուներից մեկը մարզչի վրա կենդանի աքաղաղ է նետել։
Սկանդալը տեղի է ունեցել Ռուսաստանի Ֆուտբոլի ազգային լիգայի առաջնության 33 մրցաշրջանի ժամանակ, երբ Գրիգորյանի թիմը 1-0 հաշվով հաղթում էր։ Դրանից ֆուտբոլասերները Գրիգորյանի հասցեին վիրավորական արտահայտություններ էին բղավում։ Վորոնեժի ոստիկանությունը ձերբակալել է ֆուտբոլային խուլիգաներին ու նրան բաժանմունք տարել։
Վորոնեժի «Ֆակելի» ու «Լուչ Էներգիայի» հանդիպումը կայացել է Վորոնեժում Արհմիությունների կենտրոնական մարզադաշտում ու ավարտվել 3-1 հաշվով` հօգուտ դաշտի տերերի։ «Ֆակելի» գոլերից մեկի հեղինակը հայ ֆուտբոլիստ Արմեն Համբարձումյանն էր։
Գրիգորյանի ու նրա սեփական թիմի երկրպագուների միջև վիճաբանությունն առաջացել է 2015 թվականին, երբ նա որոշել է լքել «Լուչին», որն այն ժամանակ ֆինանսական դժվարություններ ուներ։ Արդեն «Տոսնո» ակումբից հեռանալուց հետո Գրիգորյանին Վլադիվոստոկ հրավիրեցին, սակայն նա ընտրեց «Սկա–Խաբարովսկը»։ Երբ մարզիչը 2018 թվականին «Լուչ» վերադարձավ, երկրպագուները չներեցին նրան «դավաճանության» համար։
Ինքը` Ալեքսանդր Գրիգորյանը երկրպագուների բողոքի ակցիաները խուլիգանություն է համարում։
