ԵՐԵՎԱՆ, 13 ապրիլի — Sputnik. Ադրբեջանի երեք քաղաքացի առևանգել են Անդրեևկա գյուղում ուղևորափոխադրումներով զբաղվող կոմերցիոն ընկերության փոխտնօրենին։ Այս մասին հայտնում է ՌԻԱ Նովոստին։
2018 թվականի ապրիլի 11-ին ընկերության կառավարիչը դիմել է իրավապահ մարմիններին և հայտնել, որ գիշերը Սոլնեչնոգորսկի շրջանի Ադրեևկա գյուղում անհայտ անձինք, ուժ կիրառելով. մեքենա են նստեցրել իր տեղակալին ու տարել են անհայտ ուղղությամբ։ Նրան ազատելու համար չարագործները մեկ միլիոն ռուբլի են պահանջել (մոտ 16 հազար 200 դոլար)։
«Ոստիկանության աշխատակիցներն ազատել են առևանգված տղամարդուն, իսկ կասկածյալները` Ադրբեջանի երեք չաշխատող քաղաքացիները, ձերբակալված են», — լրագրողների հետ զրույցում ասել է Քննչական կոմիտեի ներկայացուցիչ Օլգա Վրադիյը։
Առևանգվածին ազատել են Մերձմոսկովյան շրջանում։ Առաջիկայում քննությունը կորոշի կասկածյալների նկատմամբ որպես խափանման միջոց կալանք կիրառելու հարցը։