ԵՐԵՎԱՆ, 22 փետրվարի — Sputnik. Մոսկվայի«Սիներգիա» բիզնես-դպրոցի տնօրեն Գրիգորի Ավետովը որոշել է աջակցել ռուս մարզիկներին, որոնց զրկել են Պհենչհանում ձմեռային օլիմպիական խաղերին իրենց դրոշի տակ մասնակցելու հնարավորությունից։ Այս մասին հայտնում է «Ռուսկայա պլանետա» պարբերականը։
Ավետովը ելույթ է ունեցել Մոսկվայում «Տրանսֆորմացիա —2» բիզնես-ֆորումում` իր աջակցությունը հայտնելով «Ես քո կողմից եմ» («Я за тебя») նախագծին։
«Մարզիկները, որոնք պարտադրված էին առանց դրոշի ու օրհներգի մեկնել Փհենչհան, դավաճաններ չեն։ Նրանք 4 տարի աշխատել են` ամբողջ աշխարհին ռուսի հնարավորություններն ի ցույց դնելու համար։ Ամենակարևորը դա է», — պարբերականը մեջբերում է Ավետովի խոսքերը։
Գործարարի խոսքով` «Ես քո կողմից եմ» ծրագիրն իրականացվում է առանց կառավարության գումարի կամ օգնության, ու ցանկացած մարդ կարող է միանալ նախաձեռնությանը։
Երեքշաբթի` փետրվարի 20-ին, «Տրանսֆորմացիա — 2» մեծ բիզնես- ֆորումի շրջանակում, որն անցկացվում էր Մոսկվայի կառավարության հովանու ներքո, հուշագիր ստորագրվեց` «Ումնայա շկոլա» գիտության ու բարձր տեխնոլոգիաների տեղեկատվական պորտալի ու «Սիներգիա» բիզնես-դպրոցի ռազմավարական համագործակցության մասին։
Instagram սոցիալական կայքում արդեն էջ է ստեղծվել, որի նպատակն է աջակցել ռուսաստանցի մարզիկներին Փհենչհանի Օլիմպիական խաղերին։