ԵՐԵՎԱՆ, 16 փետրվարի — Sputnik. Հայտնի պարուհի, pol-dance-ի աշխարհի չեմպիոն Վարդան (Վարդանուշ Մարտիրոսյան) որոշել է դիմահարդարմամբ զբաղվել։ Այդ մասին նա տեղեկացրել է Instagram-ի իր էջում։
«Եթե նոր մասնագիտության մասին ես երազում կամ նոր գիտելիքներ ես ուզում ստանալ, հրավիրում եմ մասնակցելու դիմահարդարման դասընթացների։ Պարապմունքները կսկսվեն երկուշաբթի։ Ես անձամբ մասնակցել եմ այդ դասընթացին և այժմ ինքնուրույն կարող եմ դիմահարդարում անել ցանկացած իրադարձության համար և ոչ միայն ինքս ինձ։ Եվս մեկ մասնագիտություն ձեռք բերեցի։ Գործնական փորձ ունեի և եթե նախկինում բոլորին դիմահարդարում էի զուտ փորձ ձեռք բերելու համար, ապա այժմ հանգիստ կարող եմ դրանով գումար վաստակել։ Դիմահարդարման իմ մատուցած ծառայությունները դեռ բավական մատչելի են», — գրել է Վարդան։
Վարդայի գրառումը երկու ժամվա ընթացքում ավելի քան 4, 2 հազար հավանության է արժանացել։ Հրապարակման տակ նաև հիացական մեկնաբանություններ կան։
«Վարդա, դուք հիասքանչ եք։ Ինչպես է ձեզ հաջողվում հասցնել ամեն ինչ», — գրել է պարուհու բաժանորդներից մեկը։
Հետաքրքիր է, թե ինչպես Վարդայի այս գրառմանը կարձագանքի հայկական արմատներ ունեցող հայտնի ռուսաստանաբնակ դիմահարդար Գոհար Ավետիսյանը։ Նա հետխորհրդային տարածքում դեռ միակ հայուհին էր, ով այդ ոլորտում նման հաջողությունների էր հասել։
Գոհար Ավետիսյանի դիմահարդարման դասընթացները մեծ պահանջարկ ունեն։ Թեև դրանք մատչելի չեն, բայց մի քանի ամիս առաջ արդեն նրա մոտ հերթեր են գոյանում։ Գոհարը հաճախ վարպետության դասեր է տալիս նաև ԱՊՀ երկրներում։ Instagram-ում նա ավելի քան 4,5 մլն բաժանորդ ունի։
