ԵՐԵՎԱՆ, 18 նոյեմբերի — Sputnik. Հեռուստահաղորդավար Մաքսիմ Գալկինն ու լեգենդար երգչուհի, ԽՍՀՄ ժողովրդական արտիստ Ալլա Պուգաչովան ամուսնացել են: Այդ մասին Instagram-ի իր էջում գրել է Գալկինը` տեղադրելով եկեղեցական արարողության տեսագրությունը:
«Լուսավոր և ուրախ իրադարձություն է մեզ մոտ: Մենք պսակադրվել ենք»,- գրել է Գալկինը:
Ձայնագրության մեջ երևում է, որ արարողությանը մասնակցում են զույգի երեխաները` Գարին և Ելիզավետան, որոնք ուշադիր հետևում էին, թե ինչ է տեղի է ունենում: Ալլա Բորիսովնան, բոլոր ավանդույթները խախտելով, բաց վարդագույն երանգի` շպարի գույն, հարսանեկան զգեստ էր ընտրել:
Վերջին անգամ Պուգաչովան պսակվել էր Երուսաղեմի Սուրբ Երրորդություն եկեղեցում իր չորրորդ ամուսնու` Ֆիլիպ Կիրկորովի հետ: Մինչ այդ նա ամուսնացած է եղել Կրիստինա Օրբակայտեի հոր` Միկոլաս Օրբակասի, ռեժիսոր Ալեքսանդր Ստեֆանովիչի և պրոդյուսեր Եվգենի Բոլդինի հետ: Կիրկորովն ու Պուգաչովան իրենց ամուսնությունը գրանցել էին 1994 թվականի մարտին Սանկտ Պետերբուրգում:
Մաքսիմ Գալկինն ու Ալլա Պուգաչովան սկսել են հանդիպել 2001 թվականից, 10 տարի անց՝ ամուսնացել: 2013 թվականին նրանք երկվորյակ ունեցան:
