ԵՐԵՎԱՆ, 9 սեպտեմբերի — Sputnik. Ռուսաստանի Խանտի-Մանսիյսկ ինքնավար շրջանի տարածքում Ադլեր-Նիժնեվարտովսկ ուղղությամբ ընթացող գնացքը բախվել է ԿԱՄԱԶ բեռնատարին։
Նախնական տվյալների համաձայն` Խանտի-Մանսիյսկ ինքնավար շրջանում ուղևորատար գնացքի և բեռնատար ավտոմեքենայի բախվելու հետևանքով տուժել է 15 մարդ, այդ թվում՝ 4 երեխա, ՌԻԱ Նովոստիին հայտնել է շրջանի արտակարգ ծառայությունների աղբյուրը։
Դեպքի վայրում փրկարարներ են աշխատում։ Գնացքում գտնվել է 261 մարդ։
Համացանցում հայտնվել է Յուգրայում վթարի ենթարկված գնացքի տեսանյութը։ Վթարը տեղի է ունեցել Նիժնեվարտովսկ հասնելուց 15 րոպե առաջ։
