ԵՐԵՎԱՆ, 26 օգոստոսի — Sputnik. Կուբանում տեղի ունեցած ողբերգական ավտովթարի պատճառը եղել է ավտոբուսի արգելակների խափանումը: Այս մասին հայտնում է ՌԻԱ Նովոստին:
Ավտոբուսի վարորդը` Կարապետ Միքայելյանը, ձերբակալվել է:
Այսօր՝ օգոստոսի 26-ին, Կրասնոդարում սգո օր է հայտարարվել, իսկ մահացածների ընտանիքներին մեկական միլիոն ռուբլի կվճարեն:
Հիշեցնենք, որ օգոստոսի 25-ին Կուբանում ավտոբուսը ընկել էր ծովը, ինչի հետևանքով 50 ուղևորներից 18-ը մահացել էին:
Ավելի վաղ ՀՀ ԱԻՆ–ը հայտնել էր, որ Կրասնոդարի Տեմրուկսկիի շրջանի Վորնա բնակավայրի շրջակայքի նոր կառուցվող նավամատույցից Սև ծովն ընկած ավտոբուսի զոհերի թվում կա 2 հայ, որոնք Ռուսատանի Դաշնության քաղաքացիներ են։
