ԵՐԵՎԱՆ, 16 օգոստոսի – Sputnik. «Ты супер! Танцы» նախագծի հայ մասնակից Աստղիկ Մխիթարյանը երազում է դառնալ հայտնի և սիրված։
Աստղիկի առաջին ծանոթությունը պարի հետ եղել է «Թռչունյան տուն» մանկատուն-կրթարանում։ Աղջիկը տարվեց պարով ու զբաղվում է դրանով առաջին դասարանից։
«Որոշ ժամանակ անց ես սկսեցի լատինաամերիկյան պարերով զբաղվել։ Որոշ հաջողությունների հասա, մասնակցել եմ մրցույթների, մրցանակային տեղեր եմ զբաղեցրել, պարգևներ ու դիպլոմներ ստացել», – պատմեց Աստղիկը։
Հետո լատինաամերիկյան պարերին ավելացան ռուսական, գնչուական, հայկական ժողովրդական պարերը։ Հիմա նա իր կյանքն առանց պարի չի պատկերացնում։
Աստղիկն ու նրա պարընկեր Դավիթ Այվազյանը, որը նույնպես «Ты супер! Танцы» նախագծի մասնակից է, չեն կարող ընտրություն կատարել պարի ու թատրոնի միջև։ Աղջիկն ափսոսում է, որ միայն 12 տարեկանում է իր համար բացահայտել թատերական արվեստի աշխարհը։ Նրա սիրելի դերասանը Մհեր Մկրտչյանն է։
«Դա շատ բարդ հարց է։ Եթե հնարավոր լիներ, ես կըտնրեի և՛ պարը, և՛ թատրոնը։ Բեմն ինձ գրավում է։ Կուզենայի, որ բոլորն ինձ ճանաչեն ու սիրեն։ Բայց ես հասկանում եմ, որ պետք է ընտրեմ մասնագիտություն, որն ինձ ավելի հոգեհարազատ է», – ասում է Աստղիկը։
Աղջիկը ցանկանում է հարստանալ ու բարեգործությամբ զբաղվել, օգնել երեխաներին, որոնք նրա պես մանկատանն են ապրել։
«Եթե երբևիցե հարստանամ` կօգնեմ մեր մանկատանը։ Դա կլինի առաջինն, ինչ ես կանեմ», –ասում է «Ты супер! Танцы» նախագծի մասնակիցը։
Այն հարցին, թե մարդկային ո՞ր որակներն է ամենից շատ կարևորում, Աստղիկը պատասխանեց`ազատամտությունն ու բարությունը։
Յուրահատուկ նախագիծը կօգնի ծնողական խնամքից զուրկ երեխաներին առաջին քայլերն անել պարային աշխարհում։
ՆՏՎ հեռուստաալիքը մոտ հազար հայտ է ստացել. լայնածավալ ընտրական փուլին մասնակցել են մանկատներում, գիշերօթիկ դպրոցներում ու խնամատարության տակ գտնվող երեխաները։ Ընտրական փուլում իրենց ուժերը փորձել են երեխաներ 13 երկրից` Ռուսաստանից, Հայաստանից, Ադրբեջանից, Բելառուսից, Ղազախստանից, Ղրղըզստանից, Լատվիայից, Մոլդավիայից, Տաջիկստանից, Թուրքմենստանից։
Ամենափոքր մասնակիցը 7 տարեկան է, ամենամեծերը` 18։ Ընտրական փուլն անցած մասնակիցների մեջ չորս զույգ երկվորյակ կա։ Նախագծում հայտնված բոլոր պարողները տաղանդավոր են, սակայն շատերը դեռ մեծ բեմում հանդես գալու փորձ չունենք։
Շուտով 145 մասնակիցները կսկսեն ակտիվորեն պատրաստվել նկարահանումներին։ Երեխաներին օգնելու են պրոֆեսիոնալ պարուսույցներն ու մանկավարժները։
«Ты супер! Танцы» նախագծի պրեմիերան կկայանա այս տարվա սեպտեմբերին։
«Ты супер! Танцы» միջազգային մրցույթը, որը կանցկացնեն ՆՏՎ հեռուստաընկերությունը և Sputnik միջազգային լրատվական կայքը և ռադիոն, կմիավորեն Ռուսաստանի, ԱՊՀ և Բալթյան երկրների երեխաններին՝ հնարավորություն ընձեռելով նրանց իրականացնել երազանքը։ Հայաստանը մրցույթում կներկայացնի պարային զույգ Գյումրիից` Աստղիկ Մխիթարյանը և Դավիթ Այվազյանը։
