ԵՐԵՎԱՆ, 18 հուլիսի — Sputnik. Հուլիսի 16-ին Մոսկվայից Երևան թռչող Nordwind Airlines ավիաընկերության օդանավը արտակարգ վայրէջք է կատարել Վոլգոգրադում։ Պատճառը ուղևորուհիներից մեկի վատ ինքնազգացողության էր։
«1936 թվականին ծնված ուղևորուհուն փրկել հնարավոր չեղավ։ Կինը, որը ՌԴ քաղաքացի էր, մահացել է օդանավակայանից Վոլգոգրադի հիվանդանոցներից մեկը տեղափոխելու ճանապարհին»,– Sputnik Արմենիայի հետ զրույցում ասաց ՀՀ քաղավիացիայի գլխավոր վարչության մամուլի քարտուղար Սաթենիկ Հովհաննիսյանը։
Մոսկվայից ինքնաթիռը դուրս էր եկել ժամը 17:50–ին, օդանավում 223 ուղևոր էր գտնվում։ «Զվարթնոց» միջազգային օդանավակայանում ինքնաթիռը վայրէջք կատարեց տեղի ժամանակով ժամը 22:50–ին։
