Օդանավակայան

Մոսկվայի օդանավակայաններում ավելի քան 70 չվերթ է հետաձգվել

42
Մոսկվայի օդանավակայաններում չվերթերը շարունակվում են հետաձգվել թռիչքի համար աննպաստ եղանակի հետևանքով։

ԵՐԵՎԱՆ, 2 հուլիսի — Sputnik. Մոսկովյան օդանավակայաններում այսօրվա ընթացքում չեղարկվել է հինգ և հետաձգվել է 77 չվերթ, հայտնում են ռուսական ԶԼՄ-ները։

Դոմոդեդովո օդանավակայանում 66 չվերթ է հետաձգվել, մեկը՝ չեղարկվել։ Վնուկովո օդանավակայանում ութ չվերթ է հետաձգվել։

Օրերս վատ եղանակի հետևանքով Մոսկվայում հետաձգվել կամ չեղարկվել է մոտ 500 չվերթ։

Չեղարկվածների թվում է Մոսկվա — Երևան չվերթը։ Մոսկովյան օդանավակայաններից որոշ չվերթեր դեպի Երևան ուշացումով են իրականացվել։

Ռուսաստանի ԱԻՆ-ը զգուշացրել է Մոսկվայում ամպրոպային տարափների մասին։ Հիդրոմետ կենտրոնը կիրակի ուժգին քամու, անձրևի և ամպրոպի պատճառով վտանգի դեղին մակարդակ է հայտարարել։

42