ԵՐԵՎԱՆ, 9 հունիսի — Sputnik. ԽՄԿԿ կենտկոմի առաջին քարտուղար Նիկիտա Խրյուշչովի թոռնուհին և որդեգրած աղջիկը մահացել է Մոսկվայում գնացքի հարվածից: Այս մասին հայտնում է ՌԻԱ Նովոստին` հղում անելով իրավապահ մարմինների աղբյուրին:
Ըստ իրավապահ մարմինների աշխատակիցների` դեպքը տեղի է ունեցել «Սոլնեչնայա» կայարանում: 77 տարեկան Յուլյա Խրյուշչովան մահացել է Վնուկովոյից Մոսկվա ուղևորվող գնացքի հարվածից ստացած մահացու վնասվածքներից:
Խրյուշչովան ծնվել է 1940 թ.-ին Լեոնիդ Խրյուշչովի՝ Նիկիտա Խրյուշչովի որդու ընտանիքում: Խորհրդային Միության առաջնորդ Նիկիտա Խրյուշչովը նրան որդեգրել է այն ժամանակ, երբ Լեոնիդ Խրուշչովն անհետ կորել է ռազմաճակատում:
