ԵՐԵՎԱՆ, 7 մայիսի — Sputnik. ՆԱՏՕ-ն փորձում է նվազեցնել ՀԱՊԿ-ի դերը և, չցանկանալով, կազմակերպության հետ շփման գնում, հայտարարել է Ռուսաստանի արտաքին գործերի նախարար Սերգեյ Լավրովը «МИР» հեռուստալիքի հետ բացառիկ հարցազրույցում։
«ՀԱՊԿ-ի զարգացման ռազմավարության մեջ ոչ մի հիշատակում չկա, որ որևէ կողմ, որևէ պետություն, որևէ կազմակերպություն մեր հակառակորդն է։ ՆԱՏՕ-ի անդամները հակառակը՝ Ռուսաստանն ընկալում են որպես հակառակորդի, նույնիսկ թշամու և ամեն կերպ փորձում են նվազեցենլ ՀԱՊԿ-ի արածի նշանակությունը։ Շատ զգուշորեն են շփման գնում, չուզելով», — ասել է Լավրովը։
Նրա խոսքով՝ տպավորություն է ստեղծում, որ դաշինքը պատվից ցածր է համարում ընդունել, որ ՀԱՊԿ-ն աշխարհում ճանաչված միջազգային կազմակերպություն է, այդ թվում ՄԱԿ-ի և ԵԱՀԿ-իկողմից։
«Բայց կարծում եմ ՆԱՏՕ-ի անդամներին բնորոշ սնապարծությունը գործը առաջ չի տանում», — նշեց արտգործնախարարը։
Նախարարի կածիքով՝ ՆԱՏՕ-ն սառեցրել է Մոսկվայի հետ համագործակցությունն՝ այդ թվում ահաբեկչության դեմ պայքարը, վիրավորվածության պատճառով։
«ՆԱՏՕ-ի անդամները նեղացել են, որ Ուկրաինային իրենց գոտում ամբողջությամբ գրավելու և նրան Հյուսիսատլանտյան դաշինքում ներգրավելու իրենց նախագծերը տապալվել են։ Հենց այդ օբյեկտիվ պատմական փաստերից վիրավորված նրանք սառեցրել են այն ամենն, ինչ մեզ միավորում էր, այդ թվում՝ ահաբեկչության դեմ պայքարը», — պարզաբանեց նա։
Մինչ այդ Ռուսաստանը պատրաստ է դաշինքի հետ երկխոսությունը վերականգնել, սակայն միայն փոխադարձ հարգանքի պայմանով, ընդգծել է Ռուսաստանի արտգործնախարարը։
Լավրովը նշել է նաև, որ ՀԱՊԿ-ի համար ահաբեկչության դեմ պայքարը առաջնահերթ կարրորություն ունի։
