Голос-дети

Փոքրիկ Կարինեն հիացրեց Նյուշային «Голос. Дети» նախագծում

46
Յոթ տարեկան Կարինե Մեհրաբյանը մասնակցեց ռուսական «Ձայնը» ("Голоса") նախագծին և, հիացնելով ժյուրիի անդամներին, անցավ հաջորդ փուլ:

ԵՐԵՎԱՆ, 4 մարտի — Sputnik. Ռուսական Առաջին ալիքով հեռարձակվող նախագծի «կույր լսումների» ժամանակ բեմ բարձրացավ Կարինե Մեհրաբյանը: Երբ նա կատարեց «Я деревенская» երգը, դահլիճը երկար ժամանակ վանկարկում էր «կեցցես»:

Դիմա Բիլանը, որը չէր պտտվել փոքրիկի ելույթի ժամանակ, ասաց, թե «չէր սպասում, որ երգն այդքան շուտ կավարտվի»:

Բայց քանի որ հանձնաժողովի անդամներից մեկը՝ Նյուշան, աղջկա ելույթի ընթացքում պտտվել էր դեպի բեմ (ինչը «կույր լսումները» հաղթահարելու կարևոր պայման է), Կարինե Մեհրաբյանն անցավ նախագծի հաջորդ փուլ:

Русская версия

46
Բեռնատարներ. արխիվային լուսանկար

Ինչպե՞ս լուծել ԵԱՏՄ-ում բեռների փոխադրման խնդիրները․ նոր մարմին է ստեղծվել

8
(Թարմացված է 23:26 10.07.2020)
Ենթադրվում է, որ օպերատիվ կոմիտեն գլխավորելու է Եվրասիական տնտեսական հանձնաժողովի նախագահ Միխայիլ Մյասնիկովիչը։ Աշխատանքային խմբում կներառվեն հինգ նախարարները՝ Գեղամ Վարդանյանը, Տիմուր Ժակսիլիկովը, Օլեգ Պանկրատովը, Վիկտոր Նազարենկոն ու Անդրեյ Սլեպնևը։

ԵՐԵՎԱՆ, 10 հուլիսի - Sputnik. Եվրասիական տնտեսական հանձնաժողովն այսօր ԵԱՏՄ սահմաններով ապրանքների փոխադրման հետ կապված վիճելի հարցերի լուծման օպերատիվ կոմիտե է ստեղծել։ Միության անդամ երկրների միջև բազում տարաձայնություններ են ծագել՝ ԵԱՏՄ-ի ներսում բեռների երկարատև ստուգում, Չինաստանից «մոխրագույն» ներմուծում և այլն։ Sputnik Արմենիան փորձել է հասկանալ՝ ինչ գործիքների միջոցով կարելի է լուծել ներկայիս խնդիրներն ու ինչու են դրանք առաջացել։

Խնդիրները կապված են այն փաստի հետ, որ Միության ներսում սահմաններին բեռների փոխադրման վերահսկողության միջոցառումներ են սկսել անցկացվել։ Տեղեկությունը Sputnik Արմենիայի հետ զրույցում հայտնեց Եվրասիական տնտեսական հանձնաժողովի (ԵԱՏՀ) մաքսային համագործակցության նախարար Օլեգ Պանկրատովը։

«Բոլորս էլ հասկանում ենք, որ միասնական մաքսային ու տնտեսական տարածքը նման հսկողություն չի ենթադրում, սակայն դրա կիրառման համար օբյեկտիվ պատճառներ կան (Ռուսաստանը ստուգում է` արդյո՞ք բեռների մեջ չկան ապրանքներ, որոնք արգելված է ՌԴ ներկրել, – խմբ․), - ավելացրեց ԵԱՏՀ անդամը։

ՌԴ–ն կբացի ԵԱՏՄ երկրների հետ օդային սահմանը, բայց համաճարակաբանական վիճակը հաշվի առնելով

Այժմ Միության երկրները ԵԱՏՄ տարածքով բեռների փոխադրման ժամանակ ծագած հակասությունների լուծման «ճանապարհային քարտեզ» են մշակում։

«Մենք հասկանում էինք, որ ստեղծված իրավիճակը տանում է ներքին առևտրի նվազեցմանն ու որոշակի լարվածության առաջացմանը։ Այս պատճառով հանձնաժողովում որոշվեց բարձր մակարդակի խումբ (օպերատիվ կոմիտե, – խմբ․) ստեղծել։ Այն օպերատիվ կերպով վիճելի իրավիճակների լուծման «ճանապարհային քարտեզ» կձևավորի», - ասում է Պանկրատովը։

Նախարարը նշում է, որ «ճանապարհային քարտեզի» նպատակը պետությունների շահերի բալանսը գտնելն է։

«Այնպիսի քայլեր են ձեռնարկվելու, որ երկրները, որոնք սահմանափակում են մուտքն իրենց շուկա, շահագրգռված լինեն մուտքը բացելու հարցում։ Իսկ երկրները, որոնք ապրանք են մատակարարում այդ շուկա, ուզենան հնարավորինս արագ իրենց մոտ ներդնել ժամանակակից տեխնոլոգիաներ, որոնք ցույց կտան, որ ապրանքների բոլոր հոսքերը «սպիտակ» են ու լիարժեք մաքսային մաքրում են անցնում», - ասում է ԵԱՏՀ կոլեգիայի անդամը։

Նախարարի խոսքով՝ այդ տեխնոլոգիաները կապահովեն հարկերի ամբողջական վճարումը ԵԱՏՄ բյուջե ու երկրների բյուջեների առաջ հարկային պարտականությունների կատարումը։

Ենթադրվում է, որ օպերատիվ կոմիտեն գլխավորելու է Եվրասիական տնտեսական հանձնաժողովի նախագահ Միխայիլ Մյասնիկովիչը։ Աշխատանքային խմբում կներառվեն հինգ նախարարները՝ Գեղամ Վարդանյանը, Տիմուր Ժակսիլիկովը, Օլեգ Պանկրատովը, Վիկտոր Նազարենկոն ու Անդրեյ Սլեպնևը։

Բացի այդ, կոմիտեում կընդգրկվեն յուրաքանչյուր երկրից պետական իշխանության օրգանների երեք-չորս ներկայացուցիչ, որոնք պատասխանատու են ներքին առևտրի, մաքսային ոլորտի ու ֆիսկալային մուտքերի համար։

Կուբան, Ուզբեկստանն ուզում են ԵԱՏՄ-ում դիտորդ երկրի կարգավիճակ ստանալ. ինչ է պահանջել ՀՀ–ն

Ռուսաստանի գիտությունների ակադեմիայի (ՌԳԱ) Պրիմակովի անվան Համաշխարհային տնտեսության և միջազգային հարաբերությունների ինստիտուտի ավագ գիտաշխատող Ստանիսլավ Պրիտչինը կարծում է, որ օպերատիվ կոմիտեի ստեղծումն «այն քայլն է, որը թույլ կտա լուծել գոյություն ունեցող հակասությունները»։

ԵԱՏՄ սահմաններին խնդիրների մի ամբողջ համալիր զարգացավ այն պատճառով, որ Միությունը չափազանց արագ էր զարգանում։

«Եթե համեմատենք այն ճանապարհը, որը Եվրասիական տնտեսական հանձնաժողովն անցել է ստեղծման պահից մինչև ինտեգրման ներկայիս փուլը, ապա Եվրոպական խորհրդին դրա համար մի քանի տասնյակ տարի է պետք եղել։ Մենք առաջ ենք ընկել ժամանակացույցից. բնականաբար, աճի հետ կապված ցավեր են առաջանում», - կարծում է փորձագետը։

Առկա խնդիրները հիմա է պետք լուծել, քանի որ ԵԱՏՄ զարգացման` մինչև 2025 թվականի ռազմավարություն է մշակվում։ Փաստաթուղթը պետք է կազմված լիներ մայիսի 19-ին Բարձրագույն Եվրասիական տնտեսական խորհրդի նիստում, սակայն ԵԱՏՄ երկրների նախագահները որոշել էին, որ ռազմավարության մեջ պետք է լրացումներ անել։

2025 թ-ին ԵԱՏՄ-ում պետք է ձևավորվի գազի միասնական սակագին. Քոչարյան

8
թեգերը:
բեռնատար, Եվրասիական Տնտեսական Միություն (ԵԱՏՄ), Հայաստան
թեմա:
Հայաստան և ԵԱՏՄ
Ըստ թեմայի
Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից
ԵԱՏՄ տարածքում արդեն ուզում են մեղմացնել սահմանափակումները. քննարկում է եղել
ԵԱՏՄ–ում էներգակիրների միասնական շուկան հնարավոր կլինի կուլմինացիայի դեպքում. Լուկյանով
Դաջվածք, արխիվային լուսանկար

Հայազգի «օրենքով գող» Արթուր Մոլոդոյը կկանգնի դատարանի առաջ

51
(Թարմացված է 19:49 10.07.2020)
Քննության վարկածի համաձայն՝ տղամարդը բարձր պաշտոն է զբաղեցրել Տվերի գողերի հիերարխիայում, հավաքել է ընդհանուր գողոնն ու բաշխել։

ԵՐԵՎԱՆ, 10 հուլիսի — Sputnik. Հուլիսի 14-ին Տվերում կմեկնարկի «օրենքով գող» Արթուր Աթաբեկյանի (որը քրեական շրջանակում հայտնի է որպես Արթուր Մոլոդոյ) դատը։ Տեղեկությունը հայտնում են ռուսական լրատվամիջոցները՝ հղում անելով Տվերի մարզային դատարանի մամուլի ծառայությանը։

Նշվում է, որ 59-ամյա Աթաբեկյանը մեղադրվում է հանցավոր հիերարխիայում բարձր դիրք զբաղեցնելու համար։

Տեղեկության համաձայն՝ «օրենքով գողը» ծնունդով Հայաստանից է, ապրել է Դոնի Ռոստովում։ Տվերի մարզում հայտնվել է պատիժը կրելու ընթացքում։

Քննության վարկածի համաձայն՝ տղամարդը բարձր պաշտոն է զբաղեցրել Տվերի գողերի հիերարխիայում, ընդհանուր գողոնն (գողական աշխարհում այսպես կոչված «փոխօգնության դրամարկղը») հավաքել է ու բաշխել։ Նշվում է, որ Աթաբեկյանը պատժել է մեղք գործողներին։

ՀՀ–ում ծնված, «Դեդ» մականունով քրեական հեղինակությանը արտաքսել են Ուկրաինայից

Բացի այդ, նա կարգադրիչներ է նշանակել ուղղիչ հաստատություններում ու զբաղվել է մարզում կոնֆլիկտային իրավիճակների լուծմամբ։

Քննիչները պարզել են, որ Աթաբեկյանին «թագադրել» են 2016 թվականին, իսկ 2019-ի սեպտեմբերին մեկ այլ «օրենքով գող» նրան նշանակել է Տվերի մարզի «նայող»։

«Օրենքով գողերին» այսուհետ ասֆալտին կփռեն օրենքի տառին համապատասխան

Հայտնի է, որ ազատազրկման ընթացքում նա հրաժարվում էր ենթարկվել Տվերի մարզի բանտի աշխատակիցներին և բազմաթիվ խախտումների հետևանքով հայտնվել է կարցերում։

Այժմ Աթաբեկյանը կալանքի տակ է, նրա գործը քննելու է Տվերի մարզային դատարանը։

51
թեգերը:
տղամարդ, դատ, հայ, օրենքով գող
Ըստ թեմայի
Կիևում ձերբակալել են օրենքով գող Կամո Մոսկովսկիին
«Օրենքով գողերի» գործերով կզբաղվեն մասնագիտացած դատախազները
Ինչու են բերման ենթարկել «օրենքով գող» Արսեն Երևանսկուն
ԱԱԾ–ն դուրս է եկել «օրենքով գողերի» դեմ․ պատվիրել էին սպանել «Բոդոլին». «Ժողովուրդ»
Հայկուհի Հարությունյան

Չնայած պայքարի առաջընթացին՝ կոռուպցիան մեր իրականությունից չի վերացել. Հարությունյան

0
(Թարմացված է 23:27 10.07.2020)
Կոռուպցիայի կանխարգելման հանձնաժողովի նախագահ Հայկուհի Հարությունյանը Sputnik Արմենիայի եթերում անդրադարձել է հանձնաժողովի գործունեությանը, հետագա անելիքներին, ինչպես նաև բացահայտումներին: 
Հարությունյան. «Կոռուպցիայի դեմ պայքարի հանրային ընկալումներում գրանցվել է էական առաջընթաց»

Կոռուպցիայի կանխարգելման հանձնաժողովի նախագահ Հայկուհի Հարությունյանի փոխանցմամբ՝ հնաձնաժողովը հնարավորություն է տվել ավելի մանրամասն և հիմնավորված տվյալներ ներկայացնել գույքի ու եկամուտների վերաբերյալ, և եթե դա հնարավոր է դիտարկել որպես նաև առաջիկայում պատասխանատվության տեսանկյունից անձանց վարքագծի փոփոխություն, ապա սա փոքր, բայց նշմարելի փոփոխություն է: Իսկ երկարաժամկետ կտրվածքով Հարությունյանը կարևորում է պաշտոնատար անձանց բարեվարքության հետագա ստուգումը, հատկապես ապագայում պաշտոնի հավակնող թեկնածուների վարքագծի ստուգումը: 

«Պետբյուջեով հանձնաժողովին փոխանցված միջոցները բավարար գնահատել հնարավոր չէ, բայց հանձնաժողովն առաջիկայում ինքն արդեն գործունեության ամբողջական ծրագրից  բխող բյուջետային հայտի ուղղությամբ աշխատանքներ է տանում, որպեսզի ստանա և ապահովված լինի նյութական բոլոր ռեսուրսներով, որոնք անհրաժեշտ են մեծ և լիածավալ մանդտի իրականացման համար»,- Sputnik Արմենիայի հետ զրույցում ասաց նա: 

Հանձնաժողովի նախագահի կարծիքով՝ 2018թ-ի հեղափոխությունից հետո լրիվ նոր օրակարգ ձևավորած և մեծ հավակնություններ ունեցող իշխանության համար, որը գտնում է, որ կոռուպցիան իսկապես պետք է բացառվի պետական կառավարման համակարգում, աջակցությունը ԱՄՆ-ից ու Եվրամիությունից նախօրոք պլանավորվել և իրականացվում է, հետևաբար, ներկայացվող օժանդակությունը բավականին արժեքավոր է ճիշտ քաղաքականություն մշակելու առումով և պրակտիկայում ճիշտ գործողություններ իրականացնելու տեսանկյունից: 

Խորհրդակցություն կառավարությունում. Հակակոռուպցիոն կոմիտեին առնչվող հարցեր են քննարկվել

Հարությունյանի տեղեկացմամբ՝ հանձնաժողովը պաշտոնատար անձանց բարեվարքության ստուգման հարցում արդեն իսկ ստացել է արտասահմանյան գործընկերների խորհրդատվական աջակցությունը: Նրա հավաստմամբ՝ կոռուպցիայի դեմ պայքարի հանրային ընկալումներում գրանցվել է էական առաջընթաց, սակայն դեռևս բավարար չէ արձանագրելու, որ կոռուպցիան արդեն վերացած է մեր իրականությունից, հենց դրա համար էլ պետությունը համառորն շարունակում է ջանքեր ներդնել կոռուպցիայի դեմ պայքարում՝ պլանավորելով Կոռուպցիայի կանխարգելման հանձնաժողովի, առաջիկայում ձևավորվելիք Հակակոռուպցիոն կոմիտեի, ինչպես նաև մասնագիտակցված հակակոռուպցիոն դատարանների աշխատանքները:

Սողոմոնյան. «Հակակոռուպցիոն մարմնի ստեղծման գործընթացն ամբողջությամբ քաղաքականացված է»

Հիշեցնենք՝ այսօր հայտնի դարձավ, որ ԱՄՆ-ն մտադիր է հատուկ մասնագետ վարձել, որը Հայաստանի իշխանությանը խորհրդատվություն կտրամադրի իրավապահ ոլորտում բարեփոխումների մշակման և հակակոռուպցիոն ծրագրերի իրագործման վերաբերյալ։

0
թեգերը:
Հակակոռուպցիոն կոմիտե, կոռուպցիա, Հայաստան, ԱՄՆ
Ըստ թեմայի
Պատրաստվեք... Կոռուպցիայի կանխարգելման հանձնաժողովը նախարարի հանդեպ տույժ է կիրառել
«Կոռուպցիայի որևէ դրսևորում անարձագանք չի մնալու». ԱԱԾ պաշտոնյա է կալանավորվել. տեսանյութ
«Եթե ես կոռուպցիայի մեջ ներգրավվեմ, կոչ եմ անում ինձ կախաղան հանել». Փաշինյան
Հայաստանի կոռուպցիայի և թալանի մասին խոսում են Ալիևն ու Փաշինյանը. Սարգսյանի պատասխանը