Անգելինան երազում է հայտնի երգչուհի դառնալ
(Թարմացված է 16:22 30.01.2017)
ՆՏՎ հեռուստաալիքի և Sputnik տեղեկատվական գործակալության ու ռադիոյի համատեղ «Ты супер!» նախագիծը մեկնարկում է փետրվարի 11–ին։ Դրան մասնակցում են ծնողական խնամքից զրկված տաղանդավոր երեխաները։ Հայաստանը միջազգային վոկալային մրցույթում կներկայացնեն երկու մասնակիցներ` Անգելինա Պապիկյանը և Սաբինա Մանվելյանը։ՆՏՎ հեռուստաընկերության ու Sputnik տեղեկատվական գործակալության և ռադիոյի մասնակից 15-ամյա Անգելինան երգում է 8 տարեկանից։
Նրան պարզապես դուր է եկել, թե ինչպես են երգում մյուսները, որոշել է ինքն էլ փորձել, և արդեն տևական ժամանակ է նա Գյումրու Ֆրիտյոֆ Նանսենի անվան երեխաների խնամքի կենտրոնի հպարտությունն է։
Մանուկ հասակում նա ցանկացել է ոստիկան դառնալ, ոչ ոք չգիտի` ինչու, նույնիսկ` նա։
«Ինքս չեմ հիշում, թե ինչու, հավանաբար համազգեստն էր դուրս եկել։ Հիմա արդեն չեմ ուզում», — ծիծաղում է Անգելինան։
Ուսուցիչները պնդում են, որ Անգելինայի մոտ դրսևորվում են առաջնորդի հատկանիշներ, կազմակերպչական ունակություններ։ Իսկ ընկերուհին խոստովանում է, որ Անգելինան շատ նեղացկոտ է, բայց նրա վրա կարելի է հույս դնել։
Անգելինան չի թաքցնում, որ սիրում է ամեն ինչում առաջինը լինել, գտնվել ուշադրության կենտրոնում։ Անգելինայի տաղանդները չեն սահմանափակվում երգելով։ Նա հիանալի պարում է հայկական ազգային պարեր, կարող է պարել թե՛ վրացական, թե՛ ժամանակակից պարեր։
«Պարելիս նա շատ նուրբ ու կանացի տեսք ունի», — ասում է երեխաների խնամքի կենտրոնի տնօրեն Անահիտ Կարապետյանը։
Միաժամանակ հասցնում է զբաղվել գորգագործությամբ, ձեռագործ իրեր պատրաստել։ Սակայն երգելը նրա հիմնական նպատակն է։ Անգելինան հույս ունի, որ այդ ծրագիրը թույլ կտա նրան հաջողության հասնել։
Նանսենի անվան երեխաների խնամքի կենտրոնի երաժշտական խմբակի ղեկավար Մարիամ Քյուրքչյանն ասում է, որ Անգելինան շատ նպատակասլաց է, նա լավ լսողություն, ռիթմիկ զգացողություն և հիշողություն ունի։ Նրա խոսքով` Անգելինան լուրջ հաջողությունների կհասնի, եթե լավ աշխատեն նրա հետ, զարգացնեն ընդունակությունները։
Պուտինը, Լավրովն ու Շոյգուն գերիների հարցում հետևողական են. ՀՀ ԱԳ նախարար
(Թարմացված է 17:19 03.03.2021)
ՀՀ ԱԳ նախարարը նաև հավելեց, որ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։ԵՐԵՎԱՆ, 3 մարտի - Sputnik. Գերիների վերադարձի հումանիտար, կարևորագույն հարցի քաղաքականացումն անընդունելի է։ Այսօր ԱԺ–ում կառավարության հետ հարցուպատասխանի ժամին այս մասին ասաց ՀՀ ԱԳ նախարար Արա Այվազյանը`անդրադառնալով Ադրբեջանի նախագահի այն հայտարարությանը, թե Ադրբեջանը հայ բոլոր գերիներին վերադարձրել է։ Իսկ այդ երկրում մնացած անազատության մեջ գտնվող մյուս անձինք հանցագործներ են` դիվերսանտներ։
Այվազյանը շեշտեց, որ Ալիևի հայտարարության անընդունելիությունն արդեն հաստատվել է նաև տարբեր միջազգային կառույցների կողմից։
«Հավանաբար տեղյակ եք, որ տարբեր երկրների, միջազգային կառույցների ղեկավարներն արդեն ավելացնում են այս հարցով միջազգային ճնշումն Ադրբեջանի վրա։ Վերջինը` երեկ Իտալիայի խորհրդարանը նույնպես ընդունել է բանաձև` կոչ անելով Ադրբեջանին անհապաղ լուծում տալ այս հումանիտար կարևորագույն հարցին»,– ասաց Այվազյանը։
Ագ նախարարը նաև հայտնեց, որ գերիների վերադարձի համար հայկական կողմն օգտագործում է բոլոր խողովակները` հատկապես կարևորելով տարածաշրջանում ՌԴ–ի ունցած կարևոր դերակատարումը։
©
Sputnik / Aram Nersesyan
«Սկսած նախագահ Պուտինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի միջոցով անմիջական շփումներ են տեղի ունենում այս հարցի ուղղությամբ, և ռուսական կողմը հետևողականորեն բարձրացնում է այդ հարցը Ադրբեջանի ղեկավարության մոտ»,– ասաց Այվազյանը։
Նա նաև հավելեց, որ այդ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։
Անհետ կորածների, գերիների ու վիրավորների թվի մասին պաշտոնական տվյալներ չկան։
Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը
Արմեն Սարգսյանը նույնպես շնորհավորել է Ռուսաստանի վարչապետին
(Թարմացված է 17:11 03.03.2021)
ՀՀ նախագահն իր ուղերձում ընդգծել է ՌԴ վարչապետի ծանրակշիռ ներդրումը երկու երկրների միջև դաշնակցային հարաբերությունների ամրապնդման գործում։ԵՐԵՎԱՆ, 3 մարտի – Sputnik. ՀՀ նախագահ Արմեն Սարգսյանը ծննդյան օրվա առթիվ շնորհավորական ուղերձ է հղել Ռուսաստանի Դաշնության վարչապետ Միխայիլ Միշուստինին: Տեղեկությունը հայտնում է նախագահի մամուլի ծառայությունը։
©
Photo : official site of the MoD of RA
«Սարգսյանը մասնավորապես ընդգծել է ՌԴ վարչապետի ծանրակշիռ ներդրումը երկու երկրների միջև դաշնակցային հարաբերությունների և քաղաքական, տնտեսական, ռազմական ու հումանիտար ոլորտներում փոխշահավետ համագործակցության զարգացման ու ամրապնդման, ինչպես նաև եվրասիական տարածքում ինտեգրացիոն գործընթացների բարելավման մեջ»,– նշված է հաղորդագրության մեջ:
ՀՀ նախագահ քաջառողջություն և հաջողություններ է մաղթել ՌԴ վարչապետին:
Նշենք, որ այսօր լրանում է Միշուստինի 55-ամյակը։
Ավելի վաղ նրան շնորհավորական ուղերձ էր հղել նաև ՀՀ վարչապետ Նիկոլ Փաշինյանը։
թեգերը:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
(Թարմացված է 18:03 03.03.2021)
Արդեն իսկ երկու փոխմարզպետ է հրաժարական ներկայացրել` միանալով ԳՇ–ի հայտարարությանն ու վարչապետի հրաժարականի պահանջին։ԵՐԵՎԱՆ, 3 մարտի - Sputnik. Արմավիրի փոխմարզպետ, պահեստազորի գեներալ–մայոր Ալեքսան Ալեքսանյանը հրաժարվում է պաշտոնից` միանալով Գլխավոր շտաբի` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում ընթացող Հայրենիքի փրկության շարժման հանրահավաքի ժամանակ տեղեկությունը հայտնեց ՀՅԴ–ական Գեղամ Մանուկյանը` ընթերցելով Ալեքսանյանի հայտարարությունը։
«Պետության առջև ծառացած մարտահրավերները հանրության համախբման, միասնական դաշտի ստեղծման խնդիր են առաջացրել։ Մինչդեռ երկրի իշխանությունը լծված է հանրությունը բաժանելու և պիտակավորելու գործին։ Որդեգրված այս ուղին անհարիր է մեր ազգին։ Ելնելով ստեղծված իրավիճակից` իմ անհամաձայնությունն եմ հայտնում տեղի ունեցողի վերաբերյալ և հրաժարվում եմ փոխմարզպետի պաշտոնից»,–նշված է Ալեքսանյանի հայտարարության մեջ։
Ալեքսանյանը, միաժամանակ, իր աջակցությունն է հայտնում արժանավոր բոլոր սպաներին և հատկապես իր զինակից ընկերոջը` Օնիկ Գասպարյանին։
Հիշեցնենք, որ մարտի 1-ին էլ հայտնի դարձավ, որ բանակի ստեղծման ակունքներում կանգնած գեներալ-մայոր Հենրիկ Մուրադյանը հեռանում է Գեղարքունիքի մարզպետի աշխարհազորի գծով տեղակալի պաշտոնից` միանալով ԶՈւ ԳՇ-ի հայտարարությանը։
թեգերը: