ԵՐԵՎԱՆ, 22 հունվարի — Sputnik. «Հնագույն Հայաստանի նոր անկախությունը» լուսանկարչական ցուցահանդեսը, որը նվիրված է Հայաստանի Հանրապետության 25-ամյակին և հայկական բանակի հիմնադրման 25-րդ տարելիցին, կանցկացվի Մոսկվայում՝ հունվարի 28-ից փետրվարի 23-ը, հայտնում է Հայաստանում ՌԴ դեսպանատունը:
Ցուցահանդեսը կազմակերպել է «Մենք» պետական և ազգային արժեքների հանրահռչակման հիմնադրամը՝ մշակույթի նախարարության և ՀՀ ԱԳՆ, ինչպես նաև Հայ Առաքելական եկեղեցու Ռուսական և Նոր-Նախիջևանի թեմերի աջակցմամբ:
Ցուցահանդեսի բացումը տեղի կունենա հունվարի 28-ին ժամը 15-ին՝ Մոսկվայի Տապան հայկական վանական թանգարան-համալիրում: Ցուցահանդեսին կներկայացվեն Հայաստանի կարևորագույն իրադարձությունների լուսանկարներ
ժամանակագրական հերթականությամբ` սկսած 1990 թվականից մինչև 2016 թվականը: Ցուցանմուշները ավելի վաղ ներկայացված են եղել Երևանում, Լոս Անջելեսում և Փարիզում:
