ԵՐԵՎԱՆ, 19 հունվարի — Sputnik. RT-ի գլխավոր խմբագիր Մարգարիտա Սիմոնյանը հայտնել է, որ հեռուստաալիքը միջոցներ կձեռնարկի Facebook-ում իր էջի գործառույթները վերականգնելու համար։ Սոցցանցը ժամանակավորապես արգելափակել է RT-ի հղումներ, նկարներ և տեսանյութ պարունակող հաղորդագրություններ հրապարակելու հնարավորությունը, գրված է հեռուստալիքի կայքում։
«Ամեն գնով կպայքարենք արգելափակումից դուրս գալու համար», — RNS-ն մեջբերում է Սիմոնյանի խոսքը։
Գլխավոր խմբագիրն ընդգծել է, որ RT ղեկավարությունն արդեն դիմել է սոցցանցի ադմինիստրացիային` էջը արգելափակումից հանելու խնդրանքով, սակայն դեռ ապարդյուն։
Ավելի վաղ հայտնի էր դարձել, որ Facebook-ը մինչև հունվարի 21-ը,Երևանի ժամանակով ժամը 23:25-ը, արգելափակել է սոցցանցում RT-ի անգլիալեզու էջին հղումներ, նկարներ և տեսանյութ պարունակող հաղորդագրություններ տեղադրելու հնարավորությունը։
Այսպիսով, արգելափակումը կգործի մինչև ԱՄն նորընտիր նախագահ Դոնալդ Թրամփի երդմնակալության արարողության ավարտը։ Արարողությունը պետք է ավարտվի հունվարի 20-ին, Երևանի ժամանակով ժամը 21.30-ին։
@RT_com is still blocked from posting anything but text to #Facebook.
— RT (@RT_com) 19 января 2017 г.
Thank You for all your supporthttps://t.co/pA30jROFS0 pic.twitter.com/zs9ueZ1SN5
Ավելի ուշ, «Իրական ժամանակ» հեռուստաալիքը, որն ամերիկյան «Ազատություն ռադիոկայանի» ստորաբաժանումն է, հերքել էր RT-ի հասցեին բողոք ներկայացնելու վերաբերյալ տեղեկատվությունը։ «Տեղեկացնում ենք, որ «Իրական ժամանակ» հեռուստաալիքը» որևէ բողոք չի ներկայացրել RT-ի կամ այլ կազմակերպությունների հասցեին», —RT-ի հայցադիմումին ի պատասխան ասվում է հեռուսատաալիքի պատասխանի մեջ։ Այնտեղ նշվում է նաև, որ Facebook-ում հեռուստաալիքը հեռարձակում էր Օբամայի մամուլի ասուլիսը` սինխրոն թարգմանությամբ`ունենալով բոլոր անհրաժեշտ իրավունքներն այդ հեռարձակման համար։
