Մառա Բաղդասարյան

Մառա Բաղդասարյանը պատժվել է հարկադիր աշխատանքից խուսափելու համար

31
(Թարմացված է 12:21 13.01.2017)
«Մրցավազքի» մասնակից Մառա Բաղդասարյանը պատժվել էր 595 ժամ հարկադիր աշխատանքով, սակայն նա դատարանի վճիռը կատարել է սահմանված ժամկետից երկու օր անց։

ԵՐԵՎԱՆ, 13 հունվարի — Sputnik. Մոսկվայի դատարանը 15 օրով ձերբակալել է Gelandewagen-ով սկանդալային «մրցավազքի» մասնակից Մառա Բաղդասարյանին, հայտնում է ՌԻԱ Նովոստին` հղում անելով Մոսկվայի Սավելովյան դատարանի մամուլի քարտուղար Կոնստանտին Տիմոշենկոյին։

Նրա խոսքով` դատարանը նման որոշում է կայացրել այն բանից հետո, երբ աղջիկը խուսափել է հարկադիր աշխատանքից։ Արդյունքում, հաշվի առնելով մեղմացուցիչ և բարդացնող հանգամանքները, Մաղդասարյանին վարչական կալանքի պատիժ են սահմանել 15 օր։

Մառա Բաղդասարյանը 2016 թվականի մայիսին հայտնի է դարձել որպես Gelandewagen-ով սկանդալային «մրցավազքի» մասնակից ։ Նրան ձերբակալել են 2016 թվականի նոյեմբերին Մոսկվայի Լենինի անվան պողոտայում։

Ոստիկանության աշխատակիցները վարչական տուգանք են նշանակել սխալ կայանած ավտոմեքենայի համար, սակայն փաստաթղթերը ստուգելու ընթացքում տեսուչները հայտնաբերել են, որ աղջիկը չի վճարել 16 տուգանք։

Բաղդասարյանին նշանակել են 24-օրյա վարչական կալանք, ինչպես նաև 595 ժամ հարկադիր աշխատանք և 183 հազար ռուբլի տուգանք։ Դատարանը շուրջ 600 ժամ հարկադիր աշխատանք է նշանակել, որը նա պետք է կատարի Մոսկվայի հյուսիսում` աշխատելով որպես փողոց մաքրող։

Русская версия

31