Շարգունով. «մրրկայնությունը» չխանգարեց Հայաստանի և Ռուսաստանի հարաբերություններին
ԵՐԵՎԱՆ, 15 նոյեմբերի — Sputnik, Անի Լիպարիտյան. Աշխարհաքաղաքական անկայունության ֆոնին հայ-ռուսական հարաբերությունները շարունակում եմ դաշնակցային մնալ, Sputnik Արմենիային տված հարցազրույցում ասաց Պետդումայի միջազգային կոմիտեի անդամ, գրող Սերգեյ Շարգունովը։
Նրա խոսքով` անհանգստություն առաջացնող տարբեր միտումներ կան, ինչպես նաև վտանգ, որ ինչ-որ ուժեր կարող են թուլացնել պետությունը կամ կփորձեն անորոշության և քաոսի մեջ գցել երկիրը, բայց մյուս կողմից` մշակութային, տնտեսական, ռազմավարական ամուր կապեր կան։
«Վերջերս որոշվել էր զորքերի համատեղ խումբ ստեղծել (Կովկասյան տարածաշրջանում Հավաքական անվտանգության միավորված զորք)։ Դա պատմական կարևոր իրադարձություն է։ Կարծում եմ, որ այդ ռազմավարական փոխազդեցությունը թույլ է տալիս բավական վստահ նայել ապագային», — ասաց Շարգունովը։
Ապագային ուղղված հայացք
Ըստ Շարգունովի` ոչ ոք ապահովագրված չէ անախորժություններից, ամեն ինչ էլ կարող է պատահել։ Սակայն պատգամավորի կարծիքով` մոտ ապագայում հետխորհրդային տարածքում «ճիշտ ինտեգրում» կընթանա և՛ քաղաքական, և՛ տնտեսական ու մշակութային ոլորտներում։ Նա Հայաստանի և Ռուսաստանի հարաբերությունները գործակցության լավ օրինակ է համարում։
Շարգունովը վստահեցնում է`անգամ ամենաբարդ ու մշուշոտ ժամանակաշրջանում Հայաստանը Ռուսաստանի իրական դաշնակիցն է եղել։
Այսօր, նրա խոսքով, կարելի է հանգիստ խոսել համատեղ կազմակերպչական աշխատանքների, ինչպես նաև տարածաշրջանի պաշտպանության և խաղաղության պահպանման համար միասնական զորախումբ ստեղծելու մասին։
Խոսք և գործ
Պատասխանելով այն հարցին, թե այս պարագայում ո՞րն է ավելի կարևոր` խոսքը, թե՞ գործը, պատգամավորը պատասխանեց, որ հռետորությունն ամենակարևորը չէ, սակայն շատ հարցեր է լուծում։
«Հարցը հռետորությունը չէ, թեև խոսքը մեծ նշանակություն ունի։ Անհնար է գերագնահատել այն, ինչ անում է հարգարժան Sputnik-ը։ Ես երկրորդ անգամ եմ Հայաստան այցելում և կուզեի կրկին գալ այստեղ։ Դա մտերմացնում է Հայաստանին ու Ռուսաստանին։ Մենք խոսքի երկիր ենք։ Իսկ Հայաստանում սիրում են սուր և համեմված խոսքը։ Այստեղ հասկանում են խոսքի երաժշտականությունը, շատ նուրբ ու լուրջ են վերաբերվում բառի երանգավորմանը։ Դա ճիշտ է ու խորը մշակույթի հատկանիշ», — ասաց Sputnik Արմենիայի զրուցակիցը։
Շարգունովն իր երևանյան այցի շրջանակում հանդիպումներ է ունեցել ուսանողների, դասախոսների, լրագրողների, քաղաքագետների և հասարակ մարդկանց հետ։
Պատգամավորի կարծիքով` չափազանց կարևոր է, որ խոսքն ապացուցվի գործով։
«Սպուտնիկ Լայթ» պատվաստանյութի ուսումնասիրության երկրորդ փուլն ավարտվել է
(Թարմացված է 14:53 05.03.2021)
Տեղեկացվում է, որ երրորդ փուլի անցկացման թույլտվությունն արդեն կա, այն տրամադրվել է փետրվարի կեսերին:ԵՐԵՎԱՆ, 5 մարտի - Sputnik. Ռուսաստանում ավարտվել է «Սպուտնիկ Լայթ» պատվաստանյութի կլինիկական փորձարկումների երկրորդ փուլը։ Տեղեկությունը հայտնել է Ռուսաստանի առողջապահության նախարար Միխայիլ Մուրաշկոն:
«Հիմա տվյալներն ուղղվել են փորձագիտական գնահատական ստանալու», - ասել է նա լրագրողներին։
©
Sputnik / Валерий Мельников
Երրորդ փուլի անցկացման թույլտվությունն արդեն կա, այն տրամադրվել է փետրվարի կեսերին: Այս ուսումնասիրությունը կկատարվի երկու խմբերի համար։ Կօգտագործվի նաև պլացեբո։ Ուսումնասիրությունը պետք է ավարտվի մինչև 2022 թվականի հունվարի 28-ը:
«Սպուտնիկ Լայթ» պատվաստանյութը մտնում է «Սպուտնիկ» շարքի մեջ, այն մշակվել է Գամալեայի կենտրոնի կողմից՝ մարդու ադենովիրուսային վեկտորների լավ ուսումնասիրված հարթակում ուղղակի ներդրումների ռուսական հիմնադրամի հետ համատեղ:
Ուղղակի ներդրումների ռուսական հիմնադրամի ղեկավար Կիրիլ Դմիտրիևի խոսքով՝ «լայթ տարբերակը» հիմնականում ուղղված է արտաքին շուկաներին, որտեղ կան ուժեղ համաճարակային օջախներ, իսկ Ռուսաստանում առաջատար կմնա «Սպուտնիկ V»-ն:
Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև
Գամալեայի կենտրոնի տնօրեն Ալեքսանդր Գինցբուրգն ասել է, որ այդ երկրներում «Սպուտնիկ Լայթի» օգտագործումը հնարավորություն է տալիս նվազեցնել հիվանդացության մակարդակն ու ծանրաբեռնվածությունը տեղական առողջապահության համար: Նա ավելացրել է, որ պատվաստումից հետո իմունիտետը կպահպանվի, ամենայն հավանականությամբ, մոտ երեք-չորս ամիս, իսկ պատվաստման արդյունավետությունը կկազմի մոտ 85%:
Սխեման ներառում է միայն մեկ ներարկում («Սպուտնիկ V»-ի առաջին բաղադրիչը) ու կարճ ժամանակահատվածում հակամարմինների արտադրություն։ Ընդ որում, նույնիսկ եթե պատվաստվածը վարակվի կորոնավիրուսով, նրան հիվանդության ծանր ընթացք չի սպառնում, քանի որ վիրուսի հարուցիչը թոքեր չի իջնի: Պաշտպանությունը երկարացնելու համար երեք ամիս անց կարելի է ներարկել երկրորդ մասը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։