ԵՐԵՎԱՆ, 31 օգոստոսի — Sputnik. Նմանատիպ գործողությունները չեն նպաստում Մոսկվայի և Վաշինգտոնի հարաբերությունների կարգավորմանը, չորեքշաբթի ճեպազրույցում ասել է Զախարովան, հաղորդում է ՌԻԱ Նովոստին։
«Մենք ենթադրում ենք, որ դա հակառուսական քարոզչության մաս է և կարծում ենք, որ ԱՄՆ-ի նմանատիպ գործողությունները խախտում են միջազգային նորմերը։ Կրկնում եմ` դա չի նպաստում երկու երկրների միջև հարաբերությունների կարգավորմանը, որի անհրաժեշտության մասին մենք լսում ենք ԱՄՆ-ի մի շարք ներկայացուցիչներից։ Դա հակասում է փոխգործակցության և պետությունների համագոյության հիմնարար սկզբունքներին։ Գոյություն ունեն միջազգային հստակ մեխանիզմներ և ընթացակարգեր»,- ասել է Զախարովան։
30-ամյա Միրոնովը ձերբակալվել է Երևանի օդանավակայանում օգոստոսի 26-ին: ԱՄՆ-ն նրա նկատմամբ միջազգային հետախուզում էր հայտարարել` զենք վաճառելու կասկածանքով։ Անցած երկուշաբթի Երևանի դատարանը մերժել էր Միրոնովի ժամանակավոր կալանքի մասին դատախազության միջնորդությունը, որից հետո նա հայրենիք մեկնելու հնարավորություն էր ստացել։ Միրոնովը կնոջ և փաստաբանի հետ օգոստոսի 31-ին մեկնել է Մոսկվա։
