Ընտրություններ

ՌԴ ավելի քան 1,8 միլիոն քաղաքացի կարող է քվեարկել արտասահամանում

15
(Թարմացված է 19:49 31.08.2016)
Սեպտեմբերի 18-ին Ռուսաստանի Պետդումայի ընտրությունների քվեարկությունը կսկսվի Մոսկվայի ժամանակով ժամը 08:00-ին և կավարտվի 20:00-ին։

ԵՐԵՎԱՆ, 31 օգոստոսի – Sputnik. Ռուսաստանից դուրս` 145 պետություններում, ընդհանուր առմամբ ստեղծվել է 371 ընտրատեղամաս։ Բացի այդ` արտասահմանում գտնվող միակ հատուկ տարածքային հանձնաժողովը ստեղծվել է Ղազախստանի Բայկոնուր քաղաքում` ռուս ընտրողների թիվը կազմում է 14.5 հազար մարդ։

ՌԴ ԱԳՆ տվյալներով` 2016 թվականի հուլիսի 1-ի դրությամբ արտերկրում ընդհանուր առմամբ ռուս քվեարկողների թիվը կազմել է շուրջ 1.8 մլն մարդ, որոնցից մոտ 1.6 միլիոնը մշտական բնակություն է հաստատել արտերկրում։

ՌԴ ԿԸՀ-ն ընդհանուր առմամբ Պետդումայի ընտրությունների համար գրանցել է 14 կուսակցությունների դաշնային ցուցակ (մի շարք կուսակցությունների փաստաթղթեր մերժվել էին)։ Գրանցված կուսակցություններն են` «Ռոդինա», «Կոմունիստի Ռոսիի», արդարության համար պայքարող կենսաթոշակառուների ռուսական կուսակցությունը, «Եդինայա Ռոսիա», «Զելյոնիե», «Գրաժդանսկայա պլատֆորմա», ԼԴՊՌ, Ժողովրդական ազատության կուսակցությունը (ՊԱՌՆԱՍ), «Պարտիա ռոստան», «Գրաժդանսկայա սիլա», «Յաբլոկո», ԿՊՌՖ, «Պատրիոտի Ռոսիի» և «Սպրավեդլիվայա Ռոսիա»։ Հենց այս հերթականությամբ էլ, ինչպես որոշվեց վիճակահանությամբ, կուսակցությունների անվանումներն ու տարբերանշանները կներկայացվեն ընտրաթերթիկում։

Պետդումայի պատգամավորների ութերորդ գումարման ընտրությունները (Ռուսաստանի խորհրդարանի ստորին պալատ) կանցկացվեն սեպտեմբերի 18-ին խառը ընտրակարգով. 225 պատգամավոր կընտրվի կուսակցական ցուցակով (համամասնական համակարգ) և 225 միամանդատ շրջաններից (մեծամասնական համակարգ)։ Ռուսաստանում ներկա պահին գրանցված է ավելի քան 111.7 մլն ընտրող։

2011թ-ին Հայաստանի տարածքում բացվել է 10 ընտրատեղամաս (հինգը` ՌԴ դեսպանատան հյուպատոսական շրջանում, մյուս հինգը` Գյումրիում Ռուսաստանի Գլխավոր հյուպատոսարանի հյուպատոսական բաժնում)։

Շուրջ 7 հազար ռուսաստանցի ընտրողներից քվեարկել է ավելի քան 2 հազար մարդ։

15