Россиянка Яна Егорян

Սուսերամարտիկ Եգորյանը հաղթել է Սեուլի Գրան պրիում

12
Հայազգի ռուսաստանցի սուսերամարտիկ Յանա Եգորյանը հաղթել է Սեուլում տեղի ունեցած Գրան պրիի փուլում

ԵՐԵՎԱՆ, 26 մարտի- Sputnik. Ռուսաստանցի սուսերամարտիկ Յանա Եգորյանը դարձել է Սեուլում անցկացվող Գրան Պրիի փուլի հաղթող:

Կիսաեզրափակչում Եգորյանը 15:12 հաշվով պարտության է մատնել իր հայրենակցուհի Սոֆյա Վելիկայային, իսկ եզրափակչում հաղթել Հարավային Կորեայի ներկայացուցիչ Սո Չիյոնին 15:10 հաշվով: Բրոնզե մեդալակիր է դարձել հույն Վասիլիկի Վուգիուկան:

Տղամարդկանց մրցումներում բրոնզ է նվաճել ռուսաստանցի Նիկոլայ Կովալկովը, ով կիսաեզրափակչում 10:15 հաշվով զիջել է ամերիկացի Էլի Դերշվիցին:

Յանա Եգորյանը ծնվել է 1993թ.-ին Երևանում: Երբ նա 6 տարեկան է եղել, ընտանիքի հետ միասին տեղափոխվել է Խիմկի քաղաք, որտեղ սկսել է զբաղվել սուսերամարտով` Սերգեյ Սյոմգինի ղեկավարությամբ: 2010-2012թթ.-ին Եգորյանը զգալի հաջողությունների է հասել պատանեկան և միջազգային մակարդակում:

2012թ.-ին Յանա Եգորյանը հաղթանակ է տարել մեծահասակների շարքում Ռուսաստանի առաջնությունում և ընդգրկվել Ռուսաստանի ազգային հավաքականի կազմում: 2013թ.-ին նա դարձել է Եվրոպայի չեմպիոն և թիմային հաշվարկում Կազանի Ունվերսիադայի բրոնզե մեդալակիր:

 

 

12