Вручение кинопремии Золотой орел

Աննա Մելիքյանի «Սիրո մասին» ֆիլմը տարվա լավագույն ժապավեն է ճանաչվել

160
(Թարմացված է 13:14 30.01.2016)
«Ոսկե արծիվ» ազգային կինոմրցանակի վարկածով տարվա լավագույն ֆիլմ է ճանաչվել Աննա Մելիքյանի «Սիրո մասին» ժապավենը

ԵՐԵՎԱՆ, 30 հունվարի — Sputnik. Ազգային կինեմատոգրաֆիական «Ոսկե արծիվ» մրցանակի հանձնման արարողությունը տեղի ունեցավ նախօրեին «Մոսֆիլմ» կինոկոնցերնում։ Ակադեմիկոսները տարվա լավագույն ֆիլմ ճանաչեցին Աննա Մելիքյանի «Սիրո մասին» ժապավենը։

«Ես ցնցված եմ այս որոշումից, հիանալի հայրենասիրական ֆիլմեր էին առաջադրված։ Սակայն շատ ճիշտ է մեր բարդ ժամանակներում սիրո մասին ֆիլմին մրցանակ հանձնելը։ Ես աջակցում եմ այդ որոշմանը»,- ասաց ռեժիսորը։

«Սիրո մասին» ֆիլմում նկարահանվել են Ռենատա Լիտվինովան, Վլադիմիր Մաշկովը, Միխայիլ Եֆրեմովը, Մարիա Շալաևան, Եվգենի Ցիգանովը, Յուրի Կոլոկոլնիկովը, Յուլիա Սնիգիրը:

Ֆիլմի հերոսները փորձում են պատասխանել «Ի՞նչ է սերը» հարցին, և տարբեր կերպարներն ու պատմությունները միախառնվում են ֆիլմում:

«Լավագույն խաղարկային ֆիլմ» անվանակարգում այս տարի ներկայացվել են Դմիտրի Մեսխիևի «Գումարտակ», Սերգեյ Մոկրիցկու «Սևաստոպոլի ճակատամարտը», Սերգեյ Գովորուխինի «Հիանալի դարաշրջանի ավարտը» և Ալեքսանդր Մինդաձեի «Սիրելի Հանս, թանկագին Պյոտր» ֆիլմերը: «Սիրո մասին» ֆիլմը, որը կազմված է մի քանի ռոմանտիկ նովելներից, ավելի վաղ արժանացել է «Կինոտավր» կինոփառատոնի գրան պրիի:

«Ոսկե արծիվը» Ռուսաստանի ազգային կինոմրցանակ է: Հիմնվել է 2002թ.-ի մարտի 4-ին «Ռուսաստանի կինեմատոգրաֆիական արվեստների և գիտությունների ազգային ակադեմիայի» կողմից: Ակադեմիայի նախագահը ռեժիսոր Վլադիմիր Նաումովն է («Փախուստ», «Թեհրան 43»): Ֆիլմերի ընտրությունն իրականացնում է փորձագիտական խորհուրդը: Մրցանակը հանձնվում է ակադեմիայի իսկական և թղթակից անդամների քվեարկության արդյունքում:

 

 

160