ԵՐԵՎԱՆ, 17 դեկտեմբերի — Sputnik. ՌԴ նախագահ Վլադիմիր Պուտինը հրաման է ստորագրել, որի համաձայն` Ռուսաստանը 2016 թվականի հունվարի 1-ից կդադարեցնի Ուկրաինայի հետ ստորագրած` ԱՊՀ երկրների ազատ առևտրի մասին պայմանագիրը։
«ՌԴ տնտեսական անվտանգությունն ու շահերը շոշափող հանգամանքների պատճառով և հրատապ որոշում կայացնելու անհրաժեշտությունից ելնելով` որոշում եմ`Ուկրաինայի նկատմամբ 2016 թվականի հունվարի 1-ից դադարեցնել ազատ առևտրի գոտու վերաբերյալ պայմանագիրը, որը ստորագրվել է Սանկտ Պետերբուրգում 2011 թվականի հոկտեմբերի 18-ին», — նշված է հրամանագրում։
Պայմանագիրը ստորագրել էին ԱՊՀ ութ անդամ պետությունների կառավարության ղեկավարները (Հայաստան, Բելառուս, Ղազախստան, Ղրղըզստան, Մոլդովա, Ռուսաստան, Տաջիկստան և Ուկրաինա)։