Террор

ՌԴ-ն կոչ է անում միջազգային դատարան ստեղծել ահաբեկիչներին դատելու համար

60
(Թարմացված է 17:56 12.12.2015)
Ժամանակի թելադրանքն է ահաբեկչության և առաջին հերթին ԻՊ-ի (ԴԱԻՇ) դեմ պայքարի համար բոլոր երկրների ուժերի համախմբման անհրաժեշտությունը, հայտարարել է ՌԴ Դաշնության խորհրդի խոսնակ Վալենտինա Մատվիենկոն

ԵՐԵՎԱՆ, 12 դեկտեմբերի — Sputnik. Ռուսաստանը կոչ է անում ահաբեկիչներին դատելու համար միջազգային դատարան ստեղծել, ինչպես նաև միջոցներ ձեռնարկել ահաբեկչական կազմակերպությունների ֆինանսավորումը դադարեցնելու համար, շաբաթ օրը հայտարարել է Դաշնության խորհրդի խոսնակ Վալենտինա Մատվիենկոն:

Սենատորը նշել է, որ Ռուսաստանը հանդես է եկել ՄԱԿ-ի հովանու ներքո մեծ միջազգային հակաահաբեկչական կոալիցիա ստեղծելու նախաձեռնությամբ:


«Մենք կոչ ենք անում միջոցներ մշակել դադարեցնելու մարդատյաց գործունեության ֆինանսավորումը և զենքի մատակարարումը, իսկ հեռանկարում պայմանավորվել ահաբեկիչների և նրանց աջակիցների դեմ Նյուրնբերգյան դատավարության պես միջազգային դատական գործընթաց սկսելու վերաբերյալ, որպեսզի այն այլևս չկրկնվի», — ասել է Մատվիենկոն` «Չեզոքության քաղաքականություն. միջազգային համագործակցություն հանուն խաղաղության, անվտանգության և զարգացման» միջազգային համաժողովի ժամանակ ելույթ ունենալիս:


Նրա խոսքերով` ժամանակի թելադրանքն է ահաբեկչության և առաջին հերթին` ԻՊ-ի (ԴԱԻՇ)  դեմ պայքարի համար բոլոր երկրների ուժերի համախմբման անհրաժեշտությունը։

Նա ընդգծել է, որ միջազգային ահաբեկչությունը վտանգում է ողջ համաշխարհային քաղաքակրթության ապագան: «Ինչպես վկայում են վերջին ողբերգական իրադարձությունները, ոչ ոք և ոչ մի տեղ իրեն ապահով չի կարող զգալ, նրանք ծրագրում են ընդլայնել իրենց գործողությունները նոր տարածաշրջաններում», — նշել է ԴԽ խոսնակը:

«Մերձավոր Արևելքից հետո իրենց դիրքերն Աֆղանստանում ամրապնդող ահաբեկչական խմբավորումների թիրախում է հայտնվել նաև Կենտրոնական Ասիան», — ավելացրել է Մատվիենկոն:

60